Isayas 65:3 - Hanunuu

³ Paggalitun nida aku. Pag-ipakakit nida sa kangku ti parargu nida pagsamba sa kanda diyus-diyusan sa panab-anan pagsagda sa manga tanum ag pagsunug manga kamangyan sa harandugan buwat sa daga pinaganit.

Isayas 65:3 Iomraidhean Croise

2 Hari 22:17

Ipakakit gid niku kang pangagalit sa inda pag rugar ag balaw inda umapas, dahil binugyahan aku nasakupan ag nagsunug sida kamangyan sa pagsamba sa tuhay pag diyus. Ginalit gid nida aku sa kanda manga binuwat.’

Hub 1:11

Dapat malu bul-a nimu tunda tanan sa kanya, pihu saadan gid niya kawu.”

Hub 2:5

Dapat nu kay bilug yi kanmu pakurianan, pihu gid saadan niya kawu.”

Kanta 78:40

Pira ka bisis naglaban sida sa Diyus ag nagparuku sa kanya ati sa pangawakawaan.

Kanta 78:58

Pinaimun ag pinaisug nida ti Diyus dahil sa kanda manga diyus-diyusan sa manga simbahan sa abwat pag manga rugar.

Isayas 1:29

Mangay-a kamu manga taga Hirusalim dahil sa kanyu magsamba sa manga puun kayu insina hanggan sa manga banal pag halamanan.

Isayas 3:8

Pihu yi mawayak ti Hirusalim ag Huda, dahil paglabagun nida ti Panginuun sa kanda manga bagaw ag buwat. Paglabagun nida ti kadayawan Panginuun.

Isayas 66:17

Magkun ti Panginuun, “Mirinsan mamatay ti tanan magpakabanal ag maglumpiyu kay sadili sa magsamba sa kanda manga diyus-diyusan sa halamanan. Mamatay sida magkaun babuy hanggan angbu, ag tuhay waya pag manga pagbugyahan pag karan-unun.

Isayas 66:3

Dapat ay kaindaay kang kundisyun sa manga tawu magsunud sa kanda sadili kagustuhan ag magbaya sa kanda pagbuwatun subra daut laban sa kangku: Nu manmatay sida baka hampay ihandug, kilalan-un niku sida ga nakamatay tawu. Nu manhandug sida karanidu kilalan-un niku sida ga nakamatay idu. Nu mangayaw sida handug bilang pakaun, kilalan-un niku ga nanagda sida dugu babuy. Ag nu magtuub sida kamangyan bilang pag-alaala sa kangku, kilalan-un niku magdayaw sida sa diyus-diyusan.

Hirimyas 3:6

Katpung udas kay maghari ni Usyas, magkun sa kangku ti Panginuun, “Nakitan aw nimu ti binwat maradaya pag Israil? Sinmamba siya sa manga diyus-diyusan sa kada arabwat pag tagudtud hanggan sa sirung kada maraybung pag puun kayu. Siya ga babayi magpanguragin.

Isikil 20:28

Dahil katpung dinara niku sida sa daga kang itinaratu ipakaun sa kanda, naghandug sida manga handug, manga kamangyan, ag manga irinmun sa abwat pag manga rugar ag sa maraybung pag manga kayu kanda makitan. Nakan nagalit gid aku sa kanda.

Diyuturunumiyu 32:21

Pinaimun nida aku sa bukun tutuu pag diyus, ag ginalit nida aku sa kanda unman may pulus pag manga diyus-diyusan. Nakan paimunun waydi niku sida sa iba pag manga tawu. Galitun niku sida sa panab-anan pagpapalad sa luku-luku pag nasyun.