Isayas 64:9 - Hanunuu

⁹ Panginuun, danga waydi nimu paglubusan kanmu pangagalit sa kanmi ngatay alalahanun kanmi manga kasalanan hanggan aban. Magpakihampang duy kami sa kanmu pakidnugi nimu kami, dahil kami tanan kanmu nasakupan.

Isayas 64:9 Iomraidhean Croise

2 Hari 25:9

Sinunug niya ti Balay Diyus Panginuun, ti balay hari, ti tanan pag balay sa Hirusalim, ag ti tanan mahalaga pag manga arabwat balay.

Kanta 119:94

Kanmu aku, nakan ribrihan aku! Dahil maghingabut gid aku sumunud sa kanmu manga tudlu.

Kanta 38:1

Panginuun, sa kanmu pangagalit, danga aku pagparusahi.

Kanta 6:1

Panginuun, una magkagalit kawu sa kangku, danga aku pagparusahi.

Kanta 79:13

Ag kami kanmu nasakupan, kanmu pagbantayan parihu sa manga karanidu, magpasalamat sa kanmu sa unman may katapusan. Dayawun nimi kawu pirmi tugka aban.

Isayas 43:25

“Aku gid ngap ti maglumpiyu kanmu manga kasalanan para sa kang kadayawan, balaw yi niku tunda alalahanun waya.

Isayas 57:17

Nangisug aku dahil sa kasalanan ag pagkamakasadili Israil, nakan pinarig-anan niku sida ag binugyahan. Dapat parargu di sida sa kanda kadautan.

Isayas 60:10

Magkun ti Panginuun sa Hirusalim: “Ipatindug manga day-uhan kanmu manga alad batu, ag kanda manga hari mansirbi sa kanmu. Una pagparusahan niku kawu dahil sa galit niku sa kanmu, kaawaan di kawu niku dahil mayad aku.

Isayas 63:18

Sa dag-ud pag panahun, ti manga nasakupan nimu ti nag-apu kanmu Balay. Ag taynguna, dinaut yi inda nimi manga kalaban.

Isayas 63:19

Kanmu kami ginan di waya kaybi, dapat ipinurya nimu kami balaw kanmu, ag bilang ga balaw nimu pag panguluhan.

Isayas 63:8

Magkun ti Panginuun, “Tutuu gid sida ngani kang nasakupan; manga anak niku sida balaw mamudil sa kangku.” Nakan ngani, kay irinibri sida.

Hirimyas 10:24

Itadlung duy nimu kami Panginuun, angay lang sa kanmi kaya. Danga duy nimu inda pagbuwata sa kanmi dahil sa kanmu pangagalit, barang udyi may masawad sa kanmi.

Hirimyas 3:12

Paglakaw kawu taynguna bag-u sabihun nimu inda sa Israil, ‘Aku, ti Panginuun, magsabi: Israil maradaya, pagbalik kawu, dahil maawaun aku. Balaw yi aku magalit sa kanmu hanggan aban.

Hirimyas 44:21

“Kanyu aw hantup balaw alam ti Panginuun kuntay kamu hanggan kanyu manga kaumputan, hanggan kanyu manga hari ag manga takinan, ag ti tanan manga nasakupan nagsunug kamangyan sa manga diyus-diyusan sa manga banwa sa Huda ag sa manga baklayan sa Hirusalim?

Karukuan 2:7

Dinayu Panginuun kay harandugan hanggan kay Balay. Ipinadaut niya sa kamang kalaban ti alad batu Hirusalim. Nanhuruyawan ti kalaban sa Balay Panginuun ga mag-alaala sa kapistahan.

Karukuan 5:18

Mapanglaw yi ti Bantud Hirusalim, pagpasyaran wadi inda manga talun idu.

Karukuan 5:20

Hayga pirmi nimu kami pagkalimtan? Hayga pinabay-anan nimu kami dugay?

Karukuan 5:22

Masyadu yi aw kanmu pangagalit sa kanmi ag ipinurya yi gid nimu kami?

Isikil 29:16

Unman yi gid mauman sumarig sa kanya ti nasakupan Israil sa Ihiptu. Ti nangyari sa Ihiptu manpaala-ala sa Israil sa kanda kasalanan sa paghagad awat sa Ihiptu. Bag-u maalaman manga Israilita aku, ti Panginuun Diyus.”

Libitiku 26:31

Gubaun niku kanyu manga banwa hanggan manga simbahan, ag balaw aku makabaya sa hungaw niyu manga handug.

Habakuk 3:2

Panginuun, nadnugan niku ti tungkul sa kanmu manga binwat, nakan magdayaw aku sa kanmu. Taynguna buwata maan inda sa kanmi pag kaudasan. Sa udas ipakakit nimu kanmu pangagalit, kaawai di kami.

Malakyas 1:4

“Nu sumabi ti manga Idumita, ‘Una dinaut kanmi rugar ipatindug di maan nimi inda.’ Aku, ti Panginuun Makamaskihan, magkun: Una ipatindug waya maan nida kanda rugar, dautun di gid niku inda. Ingarnan sida ‘daut pag nasyun’ ag ‘manga nasakupan pirmi pagkagalitan Panginuun.’

2 Pidru 2:17

Tunda pag manga manugtudlu pudilun parihu ga manga bubun nak-at, parihu sa manga rurum pag-ipayag durus. Hinandaan sida Diyus ulian sa basad piris pag dulum.

Ipinakakit 20:10

Bag-u ti diyablu ti nagdaya sa kanda iyinmut tag sa malabdaban danaw apuy asupri. Ati diman pag iyinmut ti hayup malangas hanggan ti pudilun pag purupita. Mirinsan sida pakurian sirang yabi hanggan waya aban unman may katapusan.