Isayas 64:8 - Hanunuu

⁸ Dapat Panginuun, kawu di gid kanmi Ama. Parihu kawu sa manugbuwat anglit, ag kami waydi parihu sa lutuk. Kawu ti nagbuwat sa kanmi tanan.

Isayas 64:8 Iomraidhean Croise

Hub 10:3

Magbaya aw lugud kawu pagpakurianan nimu aku? Hayga pagbugyahan nimu kanmu binuwat pag tawu, ag pagpasnuan ngap nimu ti paggayakun daut pag manga tawu?

Kanta 100:3

Kilalan-un niyu ti Panginuun imaw ti Diyus! Siya ti naglalang sa kanta ag kanya kita. Nasakupan niya kita kay pag-alagaan parihu sa manga karanidu.

Kanta 119:73

Linalang nimu aku ag hinistuda; ayawi aku pag-intindi hampay makaalam aku sa kanmu manga sugu.

Kanta 138:8

Panginuun, pagtupadun nimu kanmu manga turunu sa buhi niku. Kanmu pagmahal unman may katapusan. Tupada kanmu inumpisahan binwat.

Kanta 74:1

Diyus, hayga nguna parargu nimu kami pagbugyahan? Hayga magkagalit kawu sa kanmu pag-alagaan pag manga nasakupan?

Kanta 95:6

Abala kamu, manluhud kita mansamba sa Panginuun ti naglalang sa kanta.

Pag-ighit 32:12

Unu yi lang duy ti sabihun manga Ihipsiyu? Bin-ul nimu kanmu nasakupan sa Ihiptu hampay matyun sa kabantudan agud madura sida sa kalibutan? Duy Panginuun danga pag patarusan kanmu masyadu pag-isug sa kanda, ag danga sida pagmatya.

Pag-ighit 4:22

Bag-u sabihun nimu sa kanya, ‘Inda ti pagsabihun Panginuun: Pagbaliwun niku ti Israil kang anak lalaki panganay,

Isayas 19:25

Papaladan sida Panginuun Makamaskihan magkumun, “Pagpapaladan niku ti manga taga Ihiptu kang manga nasakupan, ti manga taga Asirya kang linalang, hanggan ti manga taga Israil kang magkaapu.”

Isayas 29:16

Maliku kanyu naisipan. Pagbaliwun niyu ga anglit ti manugbuwat anglit. Sumabi aw nguna ti anglit sa nagbuwat sa kanya, “Balaw waydi kawu ti nagbuwat sa kangku?” Makasabi aw ti anglit sa manugbuwat sa kanya kuntay, “Unman kawu may alam?”

Isayas 43:25

“Aku gid ngap ti maglumpiyu kanmu manga kasalanan para sa kang kadayawan, balaw yi niku tunda alalahanun waya.

Isayas 43:7

Sida pag manga tawu kang tinawag. Linalang niku sida para sa kang kadayawan.”

Isayas 44:21

Magkun waya ti Panginuun, “Israil, dahil kawu kang manugsirbi, isipa nimu inda: Linalang niku kawu agud sumirbi sa kangku. Balaw gid niku kawu kalimtan.

Isayas 44:24

Inda ti pagsabihun Panginuun kanyu Manugribri ti naglalang sa kanyu: Aku ti Panginuun ti naglalang tanan bagay. Aku lang usa ti nagladlad sa langit ag aku diman ti naglalang sa kalibutan.

Isayas 45:11

Inda waya ti pagsabihun Panginuun, ti Banal pag Diyus Israil, ti naglalang sa kanya, “Magriklamu aw kamu sa kang manga pagbuwatun? Pagsuguun aw niyu aku sa manga dapat niku buwatun?

Isayas 45:9

Kaawaawa ti tawu maglaban sa Diyus sa kay Manuglalang. Parihu siya sa anglit. Makariklamu aw ti lutuk sa manugbuwat anglit kuntay hintay kanmu buwatun? Makariklamu aw siya kuntay unman may kaya ti manugpanday anglit?

Isayas 57:16

Sa tutuu, balaw niku kamu kalabanun ngatay unu-unuhun sa tanan udas, dahil nu buwatun niku inda magkaramatay ti linalang niku pag manga tawu.

Isayas 60:21

Ti tanan nimu nasakupan bumaliw matadlung, ag sida yi ti umapu daga Israil hanggan aban. Binwat niku sida ga halaman kang itinanum para sa kang kadayawan.

Isayas 63:16

Dahil kawu kanmi Ama, una unman kami kilalahun ni Abraham ag ni Hakub kanda linahi. Tutuu, Panginuun, kawu ti kanmi Ama, kanmi Manugribri kaybi ginan.

Isayas 63:8

Magkun ti Panginuun, “Tutuu gid sida ngani kang nasakupan; manga anak niku sida balaw mamudil sa kangku.” Nakan ngani, kay irinibri sida.

Isayas 9:6

Ianak ti usa ka anak lalaki imaw ti humari sa kanmi. Ingarnan siya “Makadululaw pag Manugpaanyu, Makamaskihan pag Diyus, Unman may Katapusan pag Ama, ag Takinan Kahusayan.”

Hirimyas 31:9

Manlulumian sida sa kabayaan ag mandarangin habang paggiyahan niku sida pauli. Tabanun niku sida sa manga may bulbugan, lumakaw sida sa mayad pag dalan ag balaw sida madayaan. Dahil aku ti ama Israil, ag si Ipraim kang panganay pag anak.”

Husyas 1:10

Dapat rumas-ug ti sirang kaawaan niku sida ag papaladan; bumaliw sida ga baras sa baybay dagat kay kayamu unman matakal ngatay mabilang. Taynguna pag-ingarnan sida, ‘Balaw kang nasakupan,’ dapat aban ingarnan sida, ‘Manga anak buhi pag Diyus.’

Malakyas 2:10

Magkun si Malakyas sa manga Israilita, “Kabay kita tanan may usa lang ka ama? Unman aw usa lang ka Diyus ti naglalang sa kanta? Hayga bati nandarayaan kita sa usa kag sa usa? Sa inda pag binwat nita, pagduraun nita ti taratu Diyus sa kanta manga ginurang.

Huwan 8:41

Dapat kanyu ngap pagbuwatun ti buwat niyu ama.” Sinabi nida sa kanya magkun, “Balaw kami iinanak sa kalyag. Usa-usa lang gid kanmi ama, ti Diyus yi ngani.”

Galasya 3:26

Ginan sa kanyu magsarig sa kan Kiristu Hisus, nakan kamu tanan manga anak yi ngap Diyus kainda.

Galasya 3:29

Nu kamu sa kan Kiristu, kabilang diman kamu sa kay linahi ni Abraham, manga magmana sa kay itinaratu Diyus.

Ipisu 2:10

Kita hinuman Diyus niusa sa kan Kiristu Hisus hampay itigana nita kanta buhi bilug sa buruwatun mayad, imaw kay ihinanda Diyus kaybi waya ginan hampay kanta ugaliun.

Diyuturunumiyu 32:6

Kainda aw kanyu ibalus sa Panginuun? Manga paung-paung gid kamu ag kurang sa intindi. Balaw aw lugud siya kanyu Ama, ti naglalang sa kanyu?

Diyuturunumiyu 9:29

“ ‘Dapat kanmu sida pag nasakupan. Sida ti magkaapu nimu pag manga nasakupan, ti ipinaluwas nimu sa Ihiptu sa panab-anan nimu masyadu pag kamaskihan.’ ”