Isayas 64:7 - Hanunuu

⁷ Unman una di usa sa kanmi ti maghagad ag maghingbut makahiyaput sa kanmu. Dahil napakarayu kawu sa kanmi, ag pinabay-anan nimu kami sa kanmi manga kasalanan.

Isayas 64:7 Iomraidhean Croise

Hub 10:9

Isipa nimu, hinistuda nimu aku gin sa daga, nakan kainda ulian yi nimu aku sa daga?

Hub 8:4

Nagsalan kanmu manga anak laban sa Diyus nakan ngani kailangan lang parusahan niya sida.

Kanta 100:3

Kilalan-un niyu ti Panginuun imaw ti Diyus! Siya ti naglalang sa kanta ag kanya kita. Nasakupan niya kita kay pag-alagaan parihu sa manga karanidu.

Kanta 14:4

Unman aw lugud alam inda pag daut manga tawu sa kanda pagbuwatun? Magkabuhi sida sa panab-anan pagpanguwarta sa kang manga kasimanwa, ag unman sida magdarangin sa Panginuun.

Pag-ighit 32:12

Unu yi lang duy ti sabihun manga Ihipsiyu? Bin-ul nimu kanmu nasakupan sa Ihiptu hampay matyun sa kabantudan agud madura sida sa kalibutan? Duy Panginuun danga pag patarusan kanmu masyadu pag-isug sa kanda, ag danga sida pagmatya.

Isayas 1:15

“Nu mandarangin kamu balaw niku kamu pansinun. Una paulit-ulit waya kamu mandarangin balaw niku kamu patingihan dahil mayamu kanyu minatay pag tawu.

Isayas 27:5

Dapat maribri siya nu pumakarani ag manhagad awat sa kangku.

Isayas 45:9

Kaawaawa ti tawu maglaban sa Diyus sa kay Manuglalang. Parihu siya sa anglit. Makariklamu aw ti lutuk sa manugbuwat anglit kuntay hintay kanmu buwatun? Makariklamu aw siya kuntay unman may kaya ti manugpanday anglit?

Isayas 50:2

Hayga balaw niyu aku binati katpung sa kang pagras-ug? Hayga balaw kamu nagsagut katpung pagtawagan niku kamu? Balaw aw lugud niku kamu kaya iribri? Kaya ngani niku pak-atun ti dagat sa usa lang ka bagaw. Kaya diman niku buwatun tigangan ti sapa hampay mamatay ti manga isda.

Isayas 54:8

Dahil sa kadaka aku nagalit sa kanmu, tinayakan niku kawu ngalay, dapat dahil sa kang unman may katapusan pag pagmahal sa kanmu, kaawaan di niku kawu. Aku ti Panginuun kanyu Manugribri ti magsabi inda.

Isayas 56:4

Dahil inda ti pagsabihun Panginuun, “Papaladan niku ti manga tawu napalusa masurundun sa kang manga pag-isugu sa Sirang Pamahari ag marabuwat manga bagay kang pag-ikabaya, hanggan matinupadun sa kang kasunduan.

Isayas 57:17

Nangisug aku dahil sa kasalanan ag pagkamakasadili Israil, nakan pinarig-anan niku sida ag binugyahan. Dapat parargu di sida sa kanda kadautan.

Isayas 59:16

Maglingut siya sa kay nakitan dahil unman may una di usa ti mag-awat sa manga pag-apihun. Nakan ngani sa panab-anan niya kamaskihan irinibri niya sida. Dahil matadlung siya, maawatan niya sida.

Isayas 59:2

Kanyu manga kasalanan imaw ti nagpakarayu sa kanyu ginan sa Diyus ag imaw kay dahilan nakan kamu kay pinatlikudan ag dayi mamatingi sa kanyu manga darangin.

Isayas 59:4

Balaw niyu pag-isipun ti katadlungan; ti manga bangdan niyu sa kanyu manga kaparihu pudu kapudilan. Daut kanyu manga pag-isipun, bag-u imaw tida kanyu pagbuwatun.

Isayas 63:16

Dahil kawu kanmi Ama, una unman kami kilalahun ni Abraham ag ni Hakub kanda linahi. Tutuu, Panginuun, kawu ti kanmi Ama, kanmi Manugribri kaybi ginan.

Hirimyas 9:7

Nakan aku, ti Panginuun Makamaskihan, magkun lunsayun niku sida ga baul ag subukun. Hintay waya kang mabuwat sa kanda?

Isikil 22:30

“Nanhanap aku usa ka tawu mamauli alad batu banwa ag makaapin sa banwa hanggan makatindug sa tab-anan niku ag sa manga tawu hampay balaw niku dautun inda pag banwa, dapat unman aku may nakitan.

Isikil 24:11

Bag-u padnaan sa baga ti kardiru unman may sukad tugka sa bumaga diman. Sa panab-anan inda, malinisan ti kardiru ag masunug ti manga kalawang.

Husyas 5:15

Pagkatapus, bumalik aku sa kang rugar tugka sa akuun nida kanda manga kasalanan. Ag mandangup gid sida sa kangku sa kanda kakurian.”

Husyas 7:14

Balaw tutuu kanda magtawag sa kangku. Maglumi sida sa kanda manga igyaan, pagbiyagan nida kanda bilug mintaras maghagad manga ani hanggan irinmun ubas sa kanda manga diyus-diyusan. Magpakarayu sida sa kangku.

Husyas 7:7

Sida tanan maglabdab gid sa pangagalit parihu sa mainit pag hurnu, nakan minatay nida kanda manga takinan. Nidamhak ti tanan nida manga hari, dapat unman gid una di usa sa kanda ti nanhagad awat sa kangku.

Malakyas 1:6

Magkun sa manga manughandug ti Panginuun Makamaskihan, “Pag-igalang anak kay ama ag pag-igalang suruguun kay amu. Dapat bati aku kanyu ama ag amu unman niyu pag-igalang? Paglabagun waya niyu aku, bag-u magkun kamu, ‘Kabitay nimi kawu pag linabag?’

Malakyas 2:10

Magkun si Malakyas sa manga Israilita, “Kabay kita tanan may usa lang ka ama? Unman aw usa lang ka Diyus ti naglalang sa kanta? Hayga bati nandarayaan kita sa usa kag sa usa? Sa inda pag binwat nita, pagduraun nita ti taratu Diyus sa kanta manga ginurang.