Isayas 64:4 - Hanunuu

⁴ Ginan kaybi hanggan taynguna unman may nakadnug ngatay nakakit sa Diyus parihu sa kanmu mag-awat sa manga magsarig sa kanya.

Isayas 64:4 Iomraidhean Croise

Gimpuunan 49:18

Pagkatapus, magkun si Hakub, “Panginuun, mag-alagad duy aku sa kanmu pagribri.”

Isra 9:7

Ginan waya duy sa kaudasan nimi manga ginurang tugka taynguna, masyadu gid kanmi kasalanan; ag dahil siyun, kami ag kanmi manga hari hanggan manga manughandug pirmi pagsakupun manga hari iba manga nasyun. Pinanmatay nida ti iba sa kanmi, ag ti iba binihag, tinakawan ag pinakay-a, parihu sa nangyari sa kanmi taynguna.

Kanta 130:5

Panginuun, mag-alagad gid aku sa kanmu. Ag magsarig aku sa kanmu manga bagaw.

Kanta 31:19

Pagkadaka kanmu iinalistu kaayadan sa manga magsunud sa kanmu. Mintaras mabantayan ti manga tawu, pagpakakitan nimu kaayadan ti manga magdangup sa kanmu.

Kanta 62:1

Sa Diyus lang aku may kahusayan; kang karibrihan ginan sa kanya.

Isayas 25:9

Nu inda mangyari yi, sabihun manga tawu, “Siya kanta Diyus! Nagsarig kita sa kanya, irinibri niya kita. Siya ti Panginuun kanta pagsarigan. Pagbaya kita ag mandaus dahil irinibri niya kita.”

Isayas 30:18

Dapat mag-alagad ti Panginuun kamu pumakarani sa kanya hampay kaawaan niya. Alistu di siya iparanas sa kanyu kay pasunaid. Dahil ti Panginuun imaw ti Diyus matadlung, mapalad ti magsarig sa kanya.

Isayas 40:31

dapat ti manga magpaniwala sa Panginuun magkaimaw di kabisugan. Lumayang sida parihu sa agila. Una malagiw sida balaw gasaun. Manlakaw sida dapat balaw manlumuy.

Isayas 59:12

Dahil masyadu yi mayamu kanta manga kasalanan sa Diyus imaw ti puruyba kuntay kailangan maparusahan kita. Pihu alam diman waydi nita magbuwat kita kadautan.

Isayas 66:8

Si unu ti nakadnug ag nakakit parihu sa inda? May nasyun aw ngatay rugar ti kadaka lang ilinusad sa dag-ud pag udas? Dapat nu magdungug yi kakurian ti Hirusalim, ilusad yi kay manga nasakupan.

Danyil 9:15

“Panginuun nimi Diyus, ipinakakit nimu kanmu kamaskihan katpung ipinalwas nimu kanmu nasakupan ginan sa Ihiptu, nakan niburayhaw kawu tugka kainda. Pag-akuun nimi kami nagkasala ag nagbuwat kadautan.

Danyil 9:5

Nagkasala kami sa kanmu. Nagbuwat kami manga kadautan ag ipinasipala nimi kanmu manga sugu hanggan surundanun.

Danyil 9:8

Makakaray-a kami, Panginuun, hanggan kanmi manga hari, manga takinan, ag manga paggurangunun, dahil nagkasala kami sa kanmu.

Husyas 7:7

Sida tanan maglabdab gid sa pangagalit parihu sa mainit pag hurnu, nakan minatay nida kanda manga takinan. Nidamhak ti tanan nida manga hari, dapat unman gid una di usa sa kanda ti nanhagad awat sa kangku.

Sakaryas 10:9

Una winayak niku sida sa iba nasyun, maalaala di nida aku ati. Mabuhi di sida hanggan kanda manga anak, ag bumalik sida sa kanda rugar.

Matiyu 25:34

Kumumun ti Hari sa manga tawu sa sikun baliwa, ‘Abala duy kamu, kamu pinapaladan niku Ama. Manaha yi niyu ti kaharian inalistu para sa kanyu ginan waya sa kabag-u pagkalalang kalibutan.

Lukas 2:25

May usa ka lalaki sa Hirusalim kay ngaran si Simyun. Matadlung gid siya pag tawu, marasarig sa Diyus, magpatigagad yi gid sa karibrihan manga taga Israil. Nangulian sa kanya ti Ispiritu Banal.

Huwan 14:3

Nu aku makaati makahanda yi kanyu ulian, bag-u bumalik maan aku, kamu kang yi bul-un hampay minsan kamu sa kang ulian.

Ruma 8:19

Ti tanan linalang Diyus magpatigagad yi gid sa kaudasan nu mipaburayhaw yi Diyus aban kay manga anak niya.

1 Kurintu 1:7

Nakan kang-ud yi gid ti tanan pakaun Diyus kanyu natanggap hanggan sa kanyu mag-alagad waya sa kay pagras-ug nita Panginuun Hisu-Kiristu.

1 Tisalunika 1:10

ag hampay alagdun niyu kay Anak si Hisus ginan sa langit. Binuhi uman Diyus si Hisus ginan sa kamatayan. Siya diman ti rumibri sa kanta sa kay kaudasan sintinsiya Diyus aban.

1 Timutiyu 3:16

Tutuu gid madalum ag makadululaw pag katutuuhanan nita surundanun magkun, “Napakilala siya Diyus sa kay nabilug tawu, pinatutuuhanan siya Ispiritu Banal, nakitan siya manga anghil, itinudlu siya sa manga nasyun tawu, una naan pag rugar may nagpaniwala sa kanya, tinanggap siya ati sa langit may kadayawan.”

Hibriyu 11:16

Dapat taynguna paghingabtun nida ti lalu mayad pag ulian, kay ibug sabihun sa langit yi ngap pag ulian. Nakan ti Diyus unman mangay-a una pag-ingarnan nida siya kanda Diyus, dahil kay inalistuhan sida usa ka banwa.

Santiyagu 5:7

Nakan ngani manga patar-ari, pag-agwanta sa alagad kamu hanggan sa ud rumas-ug ti Panginuun. Isipa duy niyu ti manugtanman. Tutuu yi gid maggagad sa kay ani, mag-agwanta siya sa alagad sa bag-u padna uran, hanggan sa tig bururak katpung pag uran.

1 Huwan 4:10

Ti kang pagsabihun pagmahal, bukun kanta pagmahal sa Diyus, nu unman kay ngap pagmahal Diyus sa kanta. Sinugu niya kay Anak hampay bumaliwa mamatay sa kasalanan nita, agud may kapatawadan kita.