Isayas 61:8 - Hanunuu

⁸ “Dahil aku, ti Panginuun, magbaya sa katadlungan. Magkagalit aku sa manga mananakaw ag sa iba pag kadautan. Sa kang katapatan, pirimyuhan niku kang manga nasakupan ag mamwat aku usa ka kasunduan unman may katapusan sa kanda.

Isayas 61:8 Iomraidhean Croise

Gimpuunan 17:7

Tupadun niku kang kasunduan sa kanmu hanggan sa manga linahi nimu sa sunud pag manga sinulput tawu, aku kanyu Diyus hanggan aban. Inda pag kasunduan pumarargu hanggan aban.

2 Samwil 23:5

Katunda ngani kang linahi sa magbantay Diyus, ag nagbuwat siya kasunduan unman may katapusan sa kangku. Inda pag kasunduan mayad ag malinaw, unman inda mauman. Nakan pihu aku pirmi di iribri Diyus ag ipakaun niya sa kangku ti tanan niku pagkaibgan.

Kanta 105:10

Ipinarargu niya inda pag kasunduan sa kan Hakub, pag ingarnan diman Israil, ag pumarargu inda pag kasunduan tugka aban.

Kanta 11:7

Matadlung ti Panginuun ag pagkaibgan niya ti manga buwat matadlung. Nakan ti manga magpangabuhi kang-ud makapakarani sa kay atubangan.

Kanta 32:8

Magkun kawu sa kangku, “Itudlu niku sa kanmu ti kailangan nimu lakawan pag dalan. Patigayunan niku kawu habang magbantay aku sa kanmu.

Kanta 33:5

Pagmayadun Panginuun manbuwat matadlung ag matarung. Kay pagmahal makitan sa buu kalibutan.

Kanta 37:28

Dahil magkaibug ti Panginuun sa katadlungan ag balaw niya pagpabay-anan ti manga matinupadun sa kanya. Pag-alagaan niya sida hanggan aban, dapat ti manga linahi manga daut palayasun sa daga Israil.

Kanta 45:7

Magkaibug kawu sa matadlung, dapat magkadaut kawu sa kadautan. Nakan pinili kawu Diyus, nimu Diyus, ag pinakan-an kabayaan labaw man kaysa ipinakaun niya sa kanmu manga kaibahan.

Kanta 50:5

Magkun siya, “Tipuna sa kang atubangan kang matinupadun pag nasakupan nagbuwat kasunduan sa kangku sa panab-anan handug.”

Kanta 62:10

Danga kamu magsarig sa magpanguwarta. Danga kamu magsarig may mab-ul kamu sa panab-anan panakaw. Una magdugang waya kanyu kayamanan, danga inda pagsarigi.

Kanta 99:4

Makamaskihan siya pag Hari ag magkaibug sa katadlungan. Matadlung kay maghari; kang-ud kay pagbuwatun sa Israil.

Kabagawan 3:6

Alalahana ti Panginuun sa tanan nimu pagbuwatun, ag giyahan niya kawu sa matadlung pag dalan.

Kabagawan 8:20

Pagsundun niku ti kang-ud hanggan matadlung.

Isayas 28:17

Buwatun niku panukat ti katadlungan. Ipapalid niku sa bagyu hanggan sa baha ti kapudilan pagsarigan niyu rumibri sa kanyu.

Isayas 30:18

Dapat mag-alagad ti Panginuun kamu pumakarani sa kanya hampay kaawaan niya. Alistu di siya iparanas sa kanyu kay pasunaid. Dahil ti Panginuun imaw ti Diyus matadlung, mapalad ti magsarig sa kanya.

Isayas 5:16

Dapat ti Panginuun Makamaskihan dayawun sa kay magpihu. Sa panab-anan matadlung niya pagpihu, pag-ipakakit niya siya Banal pag Diyus.

Isayas 54:10

Una magkarapugdak ti tagudtud ag bantud, ti pagmahal niku sa kanmu balaw madura, una kang kasunduan sa kanmu ipauli niku kawu sa marinu pag kahamtangan. Aku, ti Panginuun magkaawa sa kanmu, ti magsabi inda.

Isayas 55:3

Pagpakarani kamu sa kangku, pagpatingi hampay mabuhi kamu. Mamuwat aku unman may katapusan pag kasunduan sa kanyu. Ipadamdam niku sa kanyu kang pagmahal hanggan pangaawa ti itinaratu niku sa kan Dabid.

Isayas 56:1

Inda ti pagsabihun Panginuun: “Ugalia niyu ti katadlungan ag ti katuwiran dahil arani yi niku iribri kamu.

Isayas 66:22

Magkun waya ti Panginuun, “Nu kabitay ti bag-u pag langit ag ti bag-u pag daga kang buwatun pumirmaminti hanggan aban, kanyu linahi pumirmaminti diman hanggan aban, ag balaw niku kamu malimtan.

Hirimyas 32:40

Mamuwat aku kasunduan unman may katugkaan sa kanda kuntay parargu aku magbuwat kaayadan sa kanda. Pakan-an niku sida maghinaum maggalang sa kangku hampay balaw yi sida pumakarayu sa kangku.

Hirimyas 9:24

Una si unu nu magkaibug magpadayaw, kailangan lang niya ipadayaw kuntay nakilala niya ag magkaintindihan kuntay aku ti Panginuun maawaun ti magbuwat kang-ud ag matadlung sitay sa babaw daga, dahil imaw tida ti pagbayaun niku. Aku, ti Panginuun, ti magsabi inda.”

Isikil 16:60

Dapat tupadun di niku kang binwat kasunduan sa kanmu katpung kalay-awan waya kawu, ag mamwat aku sa kanmu kasunduan pumarargu sa unman may katapusan.

Isikil 34:25

“Mamwat aku kasunduan sa kanda kuntay mumayad kanda kahamtangan. Palayasun niku ti maisug pag manga hayup sa kanda daga hampay makaulian sida sa pangawakawaan ag makaturug sa katalunan ribri sa kadilikaduhan.

Malakyas 1:13

Magkun waya kamu magsuku yi kamu sa kanyu maghandug sa kangku, ag pag-ipasipala niyu kang harandugan. Nakan maaw pagsagdahan niyu aku manga hayup may garis, pilay ngatay may sakit. Kanyu aw isip tanggapun niku tunda?

Matiyu 23:13

Sinabi ni Hisus, “Kaawaawa kamu pag manga manugtudlu Kasuguan hanggan manga Parisiyu, magpabalhinguun lang kamu! Bilang ga tinalakpan niyu ti sabian hampay ti manga tawu dayu makasulud sa kaharian langit. Kamu dayu magsulud sa kaharian langit bag-u kanyu waya pag-amparahun ti manga magkaibug magsulud ati.

2 Tisalunika 3:5

Kamu kang di pag-idarangin hampay giyahan di Panginuun atabug sa mas lalu waya daka pagmahal sa Diyus hanggan sa karig-unan sa kan Kiristu.