Isayas 61:7 - Hanunuu

⁷ Sa halip kakay-ahan, dubli ngap ti matanggap niyu pag papalad sa kanyu daga ag makabaya gid kamu sa matanggap niyu. Magmasulung gid kamu hanggan aban.

Isayas 61:7 Iomraidhean Croise

2 Hari 2:9

Pagka nakadipay sida, magkun si Ilyas sa kan Ilisyu, “Hintay ti gustu nimu buwatun niku sa kanmu, nu aku bul-un yi ginan sa kanmu?” Nagsagut si Ilisyu, “Gustu niku ipamana nimu sa kangku ka dubli kanmu kapangyarihan.”

Hub 42:10

Pagka naidarangin ni Hub kay manga kakilala, pinaalwan maan siya Panginuun ag pinakan-an dubli waya sa natanggap niya sa kabag-u.

Kanta 126:5

Ti magpamgas maglumi umani ngap may kabayaan.

Kanta 16:11

Pagtudluan nimu aku nu kabitay matanggap ti mayad pag buhi, ag sa kanmu lang pag masampakan ti kaariwayahan unman may katapusan.

Isayas 35:10

Tunda pag manga irinibri Panginuun bumalik magkarantahan sa Siun. Madura yi kanda karukuan hanggan maghimanglaw, matulsan yi tunda unman may katapusan pag kasulungan.

Isayas 40:2

Pagbagaw kamu maalumanay sa nasakupan Hirusalim. Sabihun niyu sa kanda kuntay natapus yi ti kakurian nida, pinatawad yi kanda manga kasalanan. Pinarusahan yi niku sida hustu sa tanan nida kasalanan.”

Isayas 51:11

Kanmu manga linukat bumalik sa Siun magkarantahan may kabayaan unman may katapusan. Madura yi kanda karukuan, ag manlapwas kanda kabayaan.

Isayas 54:4

Danga kawu magkadala dahil balaw kawu mangay-a. Malimtan yi nimu ti kakay-ahan nimu kalay-awan katunda diman kanmu pagkaburanday.

Isayas 60:15

Una pagdayuun kawu ag pag-unuunuhun, ag unman may magpahalga sa kanmu, buwatun niku kawu may kadayawan hanggan aban ag ikabaya inda tanan sinulput.

Isayas 60:21

Ti tanan nimu nasakupan bumaliw matadlung, ag sida yi ti umapu daga Israil hanggan aban. Binwat niku sida ga halaman kang itinanum para sa kang kadayawan.

Isayas 65:13

Nakan aku ti Panginuun Diyus magkun, kang manga manugsirbi mangaun ag manginum, dapat kamu lun-usun ag uwawun. Magbaya sida dapat kamu mangay-a.

Sipanyas 3:19

Sa ati pag sirang, parusahan niku ti tanan mag-ihid sa kanyu. Kamu parihu sa manga karanidu napilay ag namululagan dapat iribri niku kamu ag tipunun di maan. Kaybi pinakay-a kamu, dapat parangalan niku kamu ag buwatun bantug sa buu kalibutan.

Sakaryas 8:12

Makapananum kamu may kahusayan. Mamurakan ti manga ubas, manpatubas ti daga, ag magkaimaw maan tun-ug. Ipakaun niku inda tanan sa kanyu sa manga nasawad, ag pihu matanggap niyu inda.

Sakaryas 9:12

Kamu pag manga binihag magsarig mapalpasan, pagbalik yi kamu sa kanyu mapag-un pag manga rugar. Pagsabihun niku sa kanyu taynguna iuli niku sa kanyu dubli ti manga nadura sa kanyu.

Matiyu 25:46

Tulakun sida tabug sa kaparusahan unman may katapusan. Dapat ti manga matadlung tumanggap tutuu pag buhi unman may katapusan.”

2 Kurintu 4:17

Ti malpus-malpus pag kakurian kanmi paglakawan inda bilang ngalay-ngalay lang. Kay pakinabang aban imaw ti kaayadan unman may katapusan. Unman may tumimbang kakurian sa siti pag kaayadan.

Diyuturunumiyu 21:17

Kailangan kilalahun niya kay panganay pag anak sa balaw pagmahalun niya pag asawa. Ag iayaw niya sa kanya ti dubli pag huray niya kasiyunan dahil siya ti un-an iinanak ag may karampatan siya tumanggap kay bahagi bilang panganay pag anak.

2 Tisalunika 2:16

Kanmi pag-idarangin kamu hampay pasayahun nita Panginuun Hisu-Kiristu hanggan nita Diyus Ama, imaw ti nagmahal sa kanta. Kinaawaan gid niya kita, pinakan-an niya kita unman magkauman pag matutum naisipan hanggan marig-un pagsarig.