Isayas 61:2 - Hanunuu

^2-3 Sinugu diman niya aku hampay ibarita kuntay taynguna yi pag panahun pag-iribri Panginuun kay manga nasakupan ag parusahan kanda manga kalaban. Sinugu diman niya aku hampay libangun ti manga maruku sa Siun, sa halip mamauli sida dapug, kurunahan ngap ngatay paulian lana kanda ulu tanda nida kabayaan. Bumaliw sida ga puun kayu matibay itinanum Panginuun. Kilalan-un sida matadlung pag tawu para sa ikadayaw Panginuun.

Isayas 61:2 Iomraidhean Croise

Isayas 1:24

Nakan magkun ti Panginuun, ti Makamaskihan pag Diyus Israil, “Gumaan kang tagipusuun nu maparusahan yi niku kamu pag manga taga Hirusalim kang manga kalaban.

Isayas 13:6

Paglumi kamu, Babilunya, dahil arani yi ti sirang Panginuun, ti sirang pagguba Makamaskihan pag Diyus sa kanyu.

Isayas 2:12

Dahil nagtagka sirang ti Panginuun Makamaskihan nu kapira niya ipakababa ti manga marayabang hanggan ti marapadayaw, ag ti manga maghantup sida makapangyarihan.

Isayas 25:8

Bul-un diman Panginuun Diyus ti kamatayan ag payidun niya ti manga luwa tanan tawu. Bul-un niya ti kakay-ahan niya manga nasakupan sa buu kalibutan. Mangyari gid inda dahil binagaw Panginuun.

Isayas 34:2

Dahil magkagalit ti Panginuun sa tanan nasyun; magkagalit siya sa kanda manga sundalu. Nakan rurisun niya sida lubus. Matyun gid niya sida tanan.

Isayas 34:8

Dahil ti Panginuun may itinagka sirang mamalus sa kay manga kalaban hampay awatan ti Siun.

Isayas 35:4

Sabihun niyu sa manga magkadala, “Danga kamu magkadala. Pabisuga niyu kanyu nalub-anan. Rumas-ug kanyu Diyus hampay manmalus sa kanyu manga kalaban, ag iribri niya kamu.”

Isayas 40:1

Magkun ti Diyus, “Pasulunga ag pabisuga niyu ti nalub-anan niku manga nasakupan.

Isayas 49:8

Inda ti pagsabihun Panginuun, “Sa kang-ud pag kaudasan iribri niku kawu, dungugun ag awatan. Alagaan niku kawu, sa panab-anan nimu, bumuwat aku kasunduan sa manga tawu. Utru nimu ipatindug ti daga Israil nawayak, bag-u ipakaun nimu inda sa kang manga nasakupan.

Isayas 51:12

Sinmagut ti Panginuun, “Aku ti nagpabisug ag nagpasulung sa kanyu. Nakan hayga kamu madala sa kaparihu niyu tawu mamatay diman ga ilamnun?

Isayas 57:18

Nakitan niku kanda manga pag-ugaliun, dapat paayadun di niku sida. Giyahan niku sida ag pasulungun ti manga magkapanglaw sa kanda.

Isayas 58:5

Sa kanyu balaw maghandum karan-unun, pagsaktan niyu kanyu sadili. Mayungduan kamu bilang labung kugun. Magsulung kamu rutay saku ag magpaigya sa dapug. Tida aw ti pag-ingarnan niyu balaw maghandum karan-unun? Kanyu isip makapasulung tunda sa kangku?

Isayas 60:10

Magkun ti Panginuun sa Hirusalim: “Ipatindug manga day-uhan kanmu manga alad batu, ag kanda manga hari mansirbi sa kanmu. Una pagparusahan niku kawu dahil sa galit niku sa kanmu, kaawaan di kawu niku dahil mayad aku.

Isayas 66:14

Nu makitan niyu inda kang pagbuwatun, makabaya kamu, lumangba ga tanum. Ipakakit Panginuun kay kamaskihan sa kay manga manugsirbi, dapat ipakakit niya kay pangagalit sa kay manga kalaban.

Hirimyas 31:13

Nu katida, kanda manga daraga hanggan manga kan-akan ag manga gurangun manayaw sa kabayaan. Ilisan niku kabayaan kanda maglulumian. Sa halip manrukuan sida, pakan-an ngap niku sida kasulungan.

Hirimyas 46:10

Dapat manalu ti Panginuun Diyus Makamaskihan sa inda pag girahan. Bumalus siya sa manga kalaban niya sa inda pag sirang. Ti baladaw niya ga lun-us pag hayup humalun sa kanda ag uminum sa dugu nida tugka sa mabsug. Ti manga bangkay nida ga manga handug sa Panginuun Diyus Makamaskihan ati sa daga sa kanaway arani sa Sapa Iyupratis.

Mikas 3:8

“Dapat aku pag-ulianan di Ispiritu Panginuun imaw ti mag-ayaw sa kangku kapangyarihan hampay maipatupad niku ti katadlungan, ag mag-ayaw sa kangku mabisug nalub-anan hampay masabi sa nasakupan Israil ag Huda kuntay nagsalan sida.

Matiyu 5:4

Papaladan Diyus ti manga may karukuan, dahil sida pakan-an di niya kabayaan.

Lukas 4:19

Hampay ipahayag kuntay inda yi ti kaudasan kay magparibri Panginuun sa kay nasyun.”

Lukas 6:21

Papaladan Diyus kamu ti manga magkalun-us taynguna, dahil mabsug kamu aban. Papaladan Diyus kamu ti manga maglumi, dahil pasulungun kamu aban.

2 Kurintu 6:2

Dahil kay pagsabihun magkun, “Kang dinungug kamu sa insaktu pag udas, ag inawatan niku sa sirang karibrihan. Inawatan niku kamu pagka udas karibrihan.” Pagpatingi kamu, taynguna yi ti udas hampay matanggap niyu ti kaayadan ginan sa Diyus. Malu taynguna yi ngani ti udas karibrihan.

1 Tisalunika 2:16

Nakan pilit gid kanda mana pag-amparahun kanmi pagtudlu Mayad pag Barita sa manga balaw Hudiyu sa ikaribri nida. Aput yi ngani sa katugkaan kanda buwat kadautan nakan sa katapusan nangyari ngani sa kanda ti pangagalit Diyus.