Isayas 61:11 - Hanunuu

¹¹ Nu kabitay ti binhi magtubu sa daga, katunda diman, pag-iribri Panginuun Diyus kay pinili pag nasyun. Dahil siyun ti tanan nasyun dumayaw sa kanya.

Isayas 61:11 Iomraidhean Croise

Gimpuunan 1:11

Bag-u magkun ti Diyus, “Pagtubu sa daga ti tuhay-tuhay pag manga halaman: ti manga magburak butir, hanggan ti manga puun kayu magburak angay sa kanda kalasi.” Ag nangyari ngani inda.

Kanta 72:16

Mana umabunda ti manga ani sa daga una sa katayungtungan bantud, parihu sa manga ani sa Libanun. Mana yumamu ti manga mag-uli sa manga banwa, parihu sa manga ilamnun sa manga karatagan.

Kanta 72:3

Mana ti kabantudan pumakaun papalad sa kanmu nasakupan dahil magkabuhi sida matadlung.

Kanta 85:11

Ti katapatan tawu sitay sa kalibutan alam di Diyus sa langit, ag ti katadlungan Diyus sa langit matanggap di tawu sa kalibutan.

Kanta ni Sulumun 4:16

Kamu pag durus amihan ag abagat, paghuyup kamu sa kang gardin hampay mawayak kay hungaw. Paatiha kang mahal sa kay gardin agud mangaun pinakamarinu pag manga burak.

Isayas 4:2

Rumas-ug ti sirang paabundahun ag parinuun Panginuun ti manga pananum sa Israil, ti manga patubas sa daga bumaliw kadayawan ag kabayaan manga nasawad tawu sa Hirusalim.

Isayas 45:23

Nagsumpa aku sa kang sadili, ti manga pagsabihun niku balaw yi mauman: Manluhud ti tanan tawu sa kangku ag mansumpa sida sumunud sa kangku.

Isayas 45:24

Sumabi sida, ‘Sa panab-anan lang Panginuun ti tawu magkaimaw kabisugan hanggan panalu may katuwiran.’ ” Ti tanan magkagalit sa Panginuun pumakarani sa kanya ag mangay-a.

Isayas 45:8

Pumakaun aku panalu, ga uran magkaragdag gin tungud. Matanggap inda manga tawu sa kalibutan. Lumantap ti karibrihan hanggan ti kapanaluhan may katadlungan ga tanum magtubu. Aku, ti Panginuun, ti nagbuwat inda.

Isayas 46:13

Balaw yi dumugay, ipakaun niku ti panalu hanggan ti katadlungan sa Hirusalim. Arani yi niku inda iribri; kilalan-un niku ti Israil.

Isayas 48:18

Nu nagsunud lang kamu sa kang manga sugu, binmulus mana ga sapa ti manga papalad sa kanyu, dasun-dasun mana kanyu panalu ga humbak maghampak sa baybay.

Isayas 58:11

Pirmi niku kamu giyahan ag busugun, una makuri kanyu kahamtangan. Pabisugun niku kamu. Miparihu kamu sa tanum abunda sa danum ga bulbugan balaw magkak-at kay danum.

Isayas 60:18

Unman yi may mabaritaan kahigpitan sa kanmu daga. Unman diman may rumas-ug kadamhakan sa kanmu. Palibutan kawu karibrihan ga alad batu, ag dumayaw sa kangku ti manga magsulud sa kanmu sabian.

Isayas 60:21

Ti tanan nimu nasakupan bumaliw matadlung, ag sida yi ti umapu daga Israil hanggan aban. Binwat niku sida ga halaman kang itinanum para sa kang kadayawan.

Isayas 62:1

Dahil pagmahalun niku ti Hirusalim, balaw umapas kang darangin tugka sa ud rumas-ug kay kapanaluhan hanggan katuwiran ga magbadbad sirang, ag tugka sa mapasa-kanya ti karibrihan ga maglabdaban sulul-an.

Isayas 62:2

Hirusalim, makitan manga nasyun hanggan nida manga hari kanyu kadayawan, ag katuwiran. Pakan-an kawu Panginuun bag-u pag ngaran.

Isayas 62:7

Danga niyu siya pag-apasi tugka sa maipatindug uman niya ti Hirusalim ag buwatun rugar kadayaw-dayaw sa buu kalibutan.

Matiyu 13:23

Ti nipamgas sa mayad pag daga ipinahalimbawa sa manga magpatingi sa Bagaw Diyus bag-u kanda pag-intindihun. Nagburak sida may tigmananggatus, may tig-unumpulu, may tigtatlumpulu.”

Matiyu 13:3

Bag-u mayamu pag bagay kay itinudlu sa kanda sa manga pahalimbawa. Magkun si Hisus, “May usa ka tawu manugtanman linmakaw hampay mamamgas.

Matiyu 13:8

Dapat ay kay iba binhi nipamgas sa mayad pag daga nanguhay, kay butir sa kada uhay may tigmananggatus, may tig-unumpulu, may tigtatlumpulu.

1 Pidru 2:9

Dapat kamu ungud usa ka pinili pag lahi. Parihu sa manga manughandug sa Balay Diyus, kanyu pagsirbihan si Kiristu pag Hari. Kamu usa ka nasyun binukud para sa Diyus. Pinili kamu Diyus hampay kamu kay sadili yi pag nasakupan ag hampay ipaburayhaw niyu kay manga buwat makadululaw. Siya diman waydi ti nagtawag sa kanyu ginan sa kadudulman tabug sa kaladulawan pag karayawan niya.