Isayas 61:10 - Hanunuu

¹⁰ Magbaya aku sa kang Panginuun Diyus, dahil aku ga kay pinasulungan karibrihan hanggan kapanaluhan. Parihu aku sa lalaki ikasal may sulung rutay marinu panmanughandug, ngatay parihu sa babayi ikasal may pamarinu.

Isayas 61:10 Iomraidhean Croise

Gimpuunan 24:53

Susun niya binulwat kay dara manga pamarinu buwat sa gintu ag pilak, hanggan ti manga rutay, bag-u ipinakaun sa kan Ribika. Pinakan-an diman niya mahalaga pag pamakaun kay patar-ari lalaki hanggan kay ina ni Ribika.

2 Krunika 6:41

“Taynguna, Panginuun Diyus, pag-atag yi duy kawu sa kanmu Balay, sa rugar nimu paraharyan, nu naan pag maulian ti Kaban Kasunduan, tanda sa kanmu kamaskihan. Mana malakawan nimu manga manughandug kanmu pagribri sa kanda. Mana makabaya kanmu matinupadun pag manga nasakupan sa kanmu kaayadan.

Nihimyas 8:10

Magkun waya gid si Nihimyas, “Pagdaus kamu, ag pagkaun masasarap pag manga karan-unun ag pag-inum masasarap pag manga irinmun. Pakan-i niyu ti manga unman may karan-unun, dahil inda pag sirang banal sa Panginuun. Ag danga kamu magkaarimputu, dahil ti kabayaan pag-ipakaun Panginuun makaparig-un sa kanyu.”

Hub 29:14

Pagbuwatun niku pirmi ti matadlung ag kang-ud; ga rutay hanggan pantaung inda kang pag-isulung.

Kanta 132:16

Pirmi niku iribri kay manga manughandug Balay Diyus, ag kay matinupadun pag manga nasakupan manganta pirmi sa kabayaan.

Kanta 132:9

Mana mangabuhi pirmi may matadlung kanmu manga manughandug ag manganta sa kabayaan kanmu tapat pag nasakupan.

Kanta 28:7

Kawu ti magpakaun sa kangku kabisugan ag mag-alaga sa kangku ga panangga. Magsarig aku sa kanmu ag pag-awatan nimu aku. Nakan makabaya gid aku ag manganta pasalamat sa kanmu.

Kanta 35:9

Bag-u makabaya aku dahil sa pagribri nimu sa kangku, Panginuun.

Kanta ni Sulumun 1:10

Pagkarinu kanmu pingi, pinarinu waya gid nimu manga aritus. Pagkarinu diman kanmu liug may unu.

Isayas 12:1

Sa ati pag sirang, manganta kamu: “Panginuun, pagdayawun niku kawu. Nagalit kawu sa kangku, dapat unman yi taynguna, ag kainda pagpasulungun yi nimu aku.

Isayas 12:2

Kawu pag Diyus kang Manugribri. Manarig aku sa kanmu ag balaw yi madala. Kawu, Panginuun, ti magpakaun kabisugan sa kangku, kawu kang karantahun. Kawu ngani ti nagribri sa kangku.”

Isayas 17:10

Kinalimtan niyu ti Diyus kanyu Manugribri ag batu palalan-iban. Nakan una magtanum kamu manga mararinu pag kalasi tanum, parihu sa ubas ginan sa iba rugar,

Isayas 25:1

Panginuun, kawu kang Diyus! Dayawun niku kawu ag kilalahun dahil makadululaw kanmu manga binwat. Tinupad nimu kanmu manga gayak ginan waya kaybi pag panahun.

Isayas 25:9

Nu inda mangyari yi, sabihun manga tawu, “Siya kanta Diyus! Nagsarig kita sa kanya, irinibri niya kita. Siya ti Panginuun kanta pagsarigan. Pagbaya kita ag mandaus dahil irinibri niya kita.”

Isayas 35:10

Tunda pag manga irinibri Panginuun bumalik magkarantahan sa Siun. Madura yi kanda karukuan hanggan maghimanglaw, matulsan yi tunda unman may katapusan pag kasulungan.

Isayas 41:16

Tahupun nimu sida ag ipayag sida durus; wayakun sida mabisug pag durus. Dapat kawu makabaya sa Panginuun; dumayaw kawu sa Banal pag Diyus Israil.

Isayas 48:18

Nu nagsunud lang kamu sa kang manga sugu, binmulus mana ga sapa ti manga papalad sa kanyu, dasun-dasun mana kanyu panalu ga humbak maghampak sa baybay.

Isayas 49:18

Bantayi nimu kanmu sangput; magtiripnan yi kanmu manga nasakupan hampay muli yi sa kanmu. Aku, ti Panginuun buhi, magsumpa ipadayaw nimu sida parihu sa babayi kalaslun magpadayaw kay sulung pamarinu bulawan.

Isayas 49:4

Dapat magkun aku, “Kang kakurian unman may pulus; inuyang niku kang kabisugan sa ud may pulus.” Dapat iinintirga niku inda sa Panginuun niku Diyus. Siya ti mamakaun pirimyu sa kang manga binwat.

Isayas 51:11

Kanmu manga linukat bumalik sa Siun magkarantahan may kabayaan unman may katapusan. Madura yi kanda karukuan, ag manlapwas kanda kabayaan.

Isayas 51:3

“Kaawaan niku ti Hirusalim nawayak. Ti manga tigangan buwatun niku ga halamanan Idin. Humari sa Hirusalim ti kabayaan, ti pagpasalamat hanggan ti karantahan.

Isayas 52:1

Pagbangun kawu, Siun, ag pagpakarig-un. Ipakakit nimu kanmu kapangyarihan, Banal pag banwa Hirusalim. Isulung maan nimu kanmu marinu pag rutay, dahil kanmu manga kalaban balaw Israilita, binaliw nimu mauring udyi utru makaslud sa kanmu sabian.

Isayas 56:7

Darahun niku sida sa kang banal pag bantud ag ati pag pasulungun sa kang balay dararanginan. Tanggapun niku sa kang harandugan kanda manga handug pagsunugun hanggan ti tuhay waya pag handug, dahil kang Balay Diyus ingarnan balay dararanginan manga tawu ginan sa tanan nasyun.”

Isayas 58:14

Nu buwatun niyu inda, masulung kamu sa kanyu pagsirbi sa kangku. Kilalan-un niku kamu sa buu kalibutan. Paabundahun niku ti tubas sa kanyu minana pag daga sa kanyu ginurang sa kan Hakub.” Matupad gid inda dahil binagaw Panginuun.

Isayas 65:18

Nakan pagbaya kamu ag pag-alaala hanggan aban sa kang buwatun. Dahil ti Hirusalim buwatun niku kabayaan manga tawu, ag kay manga nasakupan magpakaun diman kabayaan.

Hirimyas 2:32

“Malimtan aw usa ka daraga kay manga ugsung aw ngatay ti rutay niya pankasal? Dapat kamu kang manga nasakupan, dugay yi niyu aku kinalimtan.

Isikil 42:14

Nu magluwas yi ti manga manughandug sa inda pag banal sulud-sulud, balaw dapat sida magdiritsu sa luwas pag sugkadan. Kailangan ubahun dapu nida kanda manga ginamit rutay sa pagsirbi, dahil banal inda pag manga rutay. Kailangan man-ilis dap sida tuhay pag rutay bag-u sida umatag sa bahagi Balay Diyus para sa manga tawu.”

Habakuk 3:18

makabaya diman aku dahil ti Panginuun Diyus imaw ti magribri sa kangku.

Sakaryas 10:7

Ti nasakupan Israil bumaliw parihu sa mabaskug pag sundalu. Bumaliw masulung sida parihu sa nakainum irinmun makalangu. Maalaala nida manga linahi inda pag panalu ag makabaya sida dahil sa kang binwat.

Sakaryas 3:5

Ag magkun aku, “Pasulungan diman niyu siya malumpiyu pag pantaung sa ulu.” Nakan pinasulungan ngani nida siya bag-u pag rutay ag malumpiyu pag pantaung habang matindugan ag mabantayan siyun ti anghil Panginuun.

Lukas 15:22

Dapat magkun kay ama sa kay manga panawuhun, ‘Dali! Bul-a ati pag rutay ti mayad gid sa tanan, kanyu ipasulung sa kanya bag-u paulii singsing kay ituturu hanggan manga lapak sa kay lulud.

Ruma 13:14

Ipasakup niyu kanyu sadili sa Panginuun Hisu-Kiristu hampay siya ti humari sa kanyu buhi ag danga pakan-an rugar ti sadili naisipan hampay dayu pasibut-an lang ti sadili kagustuhan.

Ruma 14:17

Dahil ti pagpasakup tawu sa kay paghari Diyus balaw labut sa kay pagkan-un, sa kay pag-inmun. Ti mahalaga lang nu ti tawu matadlung, nu magkarausa ag nu may kabayaan lunsay manga pakaun Ispiritu Banal.

Ruma 3:22

Una si unu pag tawu nu sumarig siya sa kan Hisu-Kiristu, pagkilalan-un siya Diyus kuntay matadlung, dahil lang sa kay magsarig sa kan Hisus, una manga Hudiyu una manga balaw Hudiyu.

Ruma 5:11

Bukun lang tunda. Magbaya kita dahil sa kanta pakiusa sa Diyus sa panab-anan nita Panginuun Hisu-Kiristu. Dahil ginan sa kanya pinaunyun kita Diyus atag sa kay sadili.

Galasya 3:27

Dahil kamu ti manga itinulbaw sa kan Kiristu, ga isinlung yi niyu kay buhi ni Kiristu.

Pilipus 3:9

ag hampay aku lubus magpakiusa sa kanya. Udyi aku pagkilalan-un Diyus kuntay aku matadlung dahil lang sa kang magtupad sa Kasuguan ni Muysis. Pagkilalan-un aku Diyus kuntay matadlung dahil aku magsarig sa kan Kiristu. Inda pag katadlungan ginan ngani sa Diyus dahil sa kang pagsarig.

Pilipus 4:4

Pagbaya kamu pirmi sa kanyu magpakiusa sa Panginuun, ulitun waya gid niku maan magkun, pagbaya kamu!

1 Pidru 1:8

Balaw duy nakitan niyu si Kiristu kaybi ginan, dapat malu kanyu minahal diman siya. Unman waya waydi nakitan niyu siya hanggan taynguna tugka, dapat kanyu ngap pagsarigan siya. Nakan ngani malapwasan diman sa kanyu tagipusuun kanyu kabayaan, balaw yi kaya mitultul tunda pag kabayaan.

Ipinakakit 21:2

Nakitan niku ti Banal pag Banwa, imaw ti bag-u pag Hirusalim, magpakababa ginan sa langit, ginan sa Diyus, parihu ga babayi kalasalun, lubus alistu magsulang sa kay arasawan-un pag lalaki.

Ipinakakit 21:9

Nagpakarani sa kangku ti usa ka anghil kabilang sa pitu ka anghil may bitbit pinggan malukung ayaw-ayaw, kada pinggan punu pangatapusan pag kahigpitan. Bag-u nagbagaw sa kangku tunda pag anghil magkun, “Abala duy kawu, ipakakit niku sa kanmu ti aguman babayi, imaw ti arasawan-un Anak Karanidu.”

Ipinakakit 4:4

Sa kay sangput diman tukawan hari pag nakitan niku ti duwapulu may upat ka tukawan takinan. May duwapulu may upat ka takinan ti matukawan siyun. May manga sulung sida malagti pag rutay ag pinasangbawan gintu pag manga sangbaw.

1 Samwil 2:1

Nandarangin si Hana magkumun, “Magbaya aku sa Panginuun. Dahil sa kay binwat, nadura yi kang magkay-a. Pagkasarin-an niku taynguna kang manga kalaban. Magbaya aku sa kay pagribri sa kangku.