Isayas 61:1 - Hanunuu

¹ Ti Ispiritu Panginuun Diyus sa kangku. Dahil pinili niya aku hampay manudlu mayad pag barita sa manga makuri. Sinugu niya aku hampay libangun ti manga nabiyagan kay tagipusuun ag para ibarita sa manga bihag hanggan sa manga pirisu sida malaya yi.

Isayas 61:1 Iomraidhean Croise

Kanta 102:20

hampay patingihan niya ti arunghung niya nasakupan binihag ag hampay iribri niya kay nasakupan maratyun.

Kanta 147:3

Pagpaayadun niya ti manga tagipusuun nibuyu; pagbulungun niya kanda manga biyag.

Kanta 149:4

Dahil magbaya ti Panginuun sa kay nasakupan; pag-alalahanun niya sida pag manga makuri sa panab-anan pagpanalu sa kanda.

Kanta 2:6

Magkun siya, “Ipinatukaw yi niku sa Siun, sa kang banal pag bantud, ti pinili niku pag hari.”

Kanta 22:26

Mangaun ti manga pugri ag mabsug sida. Dayawun kawu manga magdangup sa kanmu. Pagsa kanda ti kaayadan hanggan ti malawig pag buhi.

Kanta 25:9

Paggiyahan nimu ti manga mapinakumbabaun hampay bumuwat mayad. Pagtudluan nimu sida sa kanmu kagustuhan.

Kanta 34:18

Arani ti Panginuun sa manga may karukuan kay tagipusuun. Pag-iribri niya ti manga nabul-an pag-asa.

Kanta 45:7

Magkaibug kawu sa matadlung, dapat magkadaut kawu sa kadautan. Nakan pinili kawu Diyus, nimu Diyus, ag pinakan-an kabayaan labaw man kaysa ipinakaun niya sa kanmu manga kaibahan.

Kanta 51:17

Diyus, ti handug makapasulung sa kanmu, imaw ti buhi mapinakumbabaun ag mag-ampu sa kay manga kasalanan. Inda pag kalasi handug balaw nimu pagbugyahan.

Kanta 68:7

Diyus, katpung pinangunahan nimu kanmu nasakupan sa pagpanlakawun sa pangawakawaan,

Kanta 69:32

Nu makitan inda manga pugri, makabaya sida; ti manga magdangup sa Diyus rumig-un.

Pag-ighit 28:41

Ipasulung nimu ti manga rutay sa kanmu patar-ari sa kan Aarun ag sa kay manga anak lalaki, bag-u payidan nimu sida lana ulibu ag itigana sa buruwatun. Ipablag nimu sida sa kangku hampay makasirbi sida sa kangku bilang manga manughandug.

Pag-ighit 29:7

Bag-u bul-a ti lana panhaplas ag buhusan sa ulu ni Aarun sa pagtalaga sa kanya.

Isayas 29:19

Masulung maan ti manga mapinakumbabaun hanggan ti manga pugri dahil sa Panginuun, ti Banal pag Diyus Israil.

Isayas 30:19

Kamu manga taga Siun, manga nasakupan Hirusalim, balaw yi kamu utru manlumi! Kaawaan kamu Panginuun nu manhagad kamu awat sa kanya. Nu madnugan niya kanyu darangin, sagtun niya kamu.

Isayas 30:26

Rumayaw ti bulan ga init. Ti init waydi rumayaw pitu ka dubli, parihu sa rayaw pitu ka init mininsan sa usa lang ka init. Mangyari inda sa sirang bulungun ag paayadun Panginuun ti biyag manga nasakupan niya.

Isayas 32:7

Daut kay manga paraan manugdaya. Pag-ipadamhak niya ti manga pugri sa panab-anan niya kapudilan, una sa udas nida maghagad katadlungan.

Isayas 40:9

Kamu pag manga manugpadakit mayad pag barita sa Siun, ti banwa Hirusalim, pagdayik kamu sa abwat pag bantud, ag iringgit niyu ti mayad pag barita. Danga kamu magkadala, sabihun niyu sa manga banwa Huda kuntay asan yi kanda Diyus.

Isayas 42:1

Magkun ti Panginuun, “Inda kang pag pabisugun pag manugsirbi. Pinili niku siya ag magbaya aku sa kanya. Asan sa kanya kang Ispiritu, ilantag niya ti katadlungan sa manga nasyun.

Isayas 42:7

hampay pamuklatun ti manga buta, palpasan ti manga bihag, hanggan ti ipinaslud sa madlum pag pirisuhan.

Isayas 48:16

Pagpakarani kamu sa kangku ag patingihi inda: Ginan di waya sa umpisa unman aku nagbagaw sa lihim, sa udas nangyari ti pagsabihun niku, asan di aku.” Ag taynguna ti Panginuun Diyus hanggan kay Ispiritu nagpadara sa kangku hampay itultul kay bagaw:

Isayas 49:9

Sabihun nimu sa manga Israilita nabihag hanggan sa napirisu sa kadudulman, ‘Pagluwas kamu! Ribri yi kamu!’ “Miparihu sida sa manga karanidu magharab sa saruy manga dalan ngatay sa manga padang.

Isayas 52:7

Marinu bantayan ti manga manugbarita maglakaw sa kabantudan magdara mayad pag barita kahusayan hanggan kaayadan sa Hirusalim, dahil iribri yi inda Diyus. Sabihun nida sa manga taga Hirusalim, “Maghari yi kanyu Diyus!”

Isayas 52:9

Manringgit sa kabayaan, ti guba Hirusalim, dahil pasulungun ag pabisugun yi Panginuun kay nasakupan. Iribri niya ti Hirusalim!

Isayas 57:15

Inda waya ti pagsabihun Kaabwat-abwatan pag Diyus, ti Banal pag Diyus buhi hanggan aban: “Mag-uli aku sa abwat ag banal pag rugar, dapat mag-uli diman aku kaibahan manga tawu mapinakumbabaun ag mapinatawadun, hampay sida kang pabisugun.

Isayas 57:18

Nakitan niku kanda manga pag-ugaliun, dapat paayadun di niku sida. Giyahan niku sida ag pasulungun ti manga magkapanglaw sa kanda.

Isayas 59:21

Inda kang kasunduan sa kanyu: Dayu madura kang Ispiritu asan sa kanyu hanggan kang manga itinultul pag bagaw sa kanyu. Tultulan niyu inda sa kanyu manga anak, ag kailangan itultul maan nida inda sa kanda manga anak tugka sa dumasun pag manga sinulput. Aku, ti Panginuun, ti magsabi inda.”

Isayas 66:2

Unman aw aku ti nagbuwat sa tanan bagay. Aku ti Panginuun ti magsabi inda. “Pagpahalgaan niku ti manga tawu mapinakumbabaun, marapatawad, ag magkadala sa kang manga bagaw.

Hirimyas 34:8

May pagsabihun waya ti Panginuun sa kan Hirimyas katpung nagbuwat kasunduan si Hari Sidikyas sa tanan taga Hirusalim kuntay palpasan niya ti manga panawuhun.

Hirimyas 52:33

Nakan balaw yi nagsulung si Hari Hihuyakin rutay para sa manga pirisu, ag tida ginan magkaun yi siya kaibahan hari.

Danyil 9:24

“Itinagka yi Diyus ti 490 ka timpu sa banal pag banwa hanggan sa kanmu kasimanwa hampay umapas kanda paglaban ag pagbuwat daut sa Diyus, para malukat sida sa kanda manga kasalanan, hampay maiparargu Diyus ti katadlungan tugka aban, hampay matupad ti pangakakitun hanggan ti hula, ag hampay maitalaga maan ti Balay Diyus.

Husyas 6:1

Nagharampangan ti manga Israilita. Magkun sida, “Abala, bumalik yi kita sa Panginuun. Siya ti nagpadamhak sa kanta ag siya diman ti mangawat sa kanta.

Libitiku 7:35

Imaw tunda ti huray ni Aarun hanggan niya manga anak ginan sa manga handug pagsunugun para sa Panginuun, ipinakaun katpung itinalaga sida bilang manugsirbi sa Panginuun bilang manga manughandug.

Mikas 3:8

“Dapat aku pag-ulianan di Ispiritu Panginuun imaw ti mag-ayaw sa kangku kapangyarihan hampay maipatupad niku ti katadlungan, ag mag-ayaw sa kangku mabisug nalub-anan hampay masabi sa nasakupan Israil ag Huda kuntay nagsalan sida.

Matiyu 11:5

Maghiling yi ti manga buta, maglakaw yi maan ti manga pilay, naayadan ti may manga dilikadu pag sakit sa lukub, magdungug yi ti manga bungul, nabuhi maan ti manga namatay. Pag-itudlu sa manga pugri ti Mayad pag Barita.

Matiyu 3:16

Pagka itinulbaw si Hisus, napatakas siya ginan sa danum bag-u nabukasan ti langit sa kanya ag nakitan ni Huwan ti Ispiritu Diyus ga histuda kalampati nagpakababa bag-u nangulian sa kan Hisus.

Lukas 7:22

Nagsagut si Hisus sa manga sinugu ni Huwan magkun, “Pag-uli yi kamu, sabiha niyu sa kan Huwan kanyu nakitan ag nadnugan. Maghiling yi ti manga buta, maglakaw yi ti manga pilay, naayadan yi ti may manga dilikadu pag sakit sa lukub, magdungug yi ti manga bungul, nabuhi maan ti manga namatay, pag-iadal sa manga pugri ti Mayad pag Barita.”

Huwan 1:41

Susun yi hinanap ni Andiris kay patar-ari si Simun. Bag-u kan Andiris sinabi sa kanya magkun, “Nakitan duy nimi ti Pinili Diyus Manugribri pag Hari!” (Sa Giriyigu, Kiristu.)

Huwan 3:34

Ti sinugu Diyus imaw tig barita manga bagaw ginan sa Diyus dahil pag-ilubus Diyus kay Ispiritu sa kanya.

Binwat 10:38

Naalaman yi waydi niyu inda pag Hisus taga Nasarit, ti pinili Diyus, nakan ipinakaun Diyus sa kanya ti Ispiritu Banal hanggan ti kapangyarihan. Namalibutan siya una naan tag, nagbuwat siya mayad. Ti tanan tawu inapuan diyablu kay diman pinaayad, dahil sa kanya gid ti Diyus.

Binwat 26:18

Kailangan pamuklatun nimu kanda manga mata, kailangan bawiun nimu sida ginan sa kadudulman atag sa marayaw, ginan sa kapangyarihan ni Satanas tabug ngap sa Diyus, hampay nu sida sumarig sa kangku, patawadun kanda manga kasalanan hampay mipaminsan sida sa manga tawu napasakup sa Diyus.’

Binwat 4:27

“Dahil tutuu ngani nagkabuu sida ni Hirudis ni Punsiyu Pilatu hanggan ti manga balaw Hudiyu ag ti nasyun Israil sitay sa banwa Hirusalim hampay labanan nida kanmu mahal pag Suruguun si Hisus, imaw ti kanmu Pinili Manugribri pag Hari.

2 Kurintu 3:17

Kang pagkumnun Panginuun imaw ti Ispiritu. Nu naan ti Ispiritu Panginuun asan diman waydi ti kaluagan.

2 Kurintu 7:6

Dapat ti manga maruku balaw pagpabay-anan Diyus. Sinaya niya aku pagka rinmas-ug si Titu.

Hibriyu 1:9

Minayad nimu ti katadlungan ag kinagalitan nimu ti kadautan, nakan ti Diyus, kanmu ngani Diyus, ti nagpili sa kanmu ag balaw sa kanmu manga kaibahan. Binuhusan kawu lana hampay kawu maghari yi may kabayaan.”