Isayas 60:7 - Hanunuu

⁷ Daran-un manga taga Kidar hanggan manga taga Nibayut kanda manga karanidu tabug sa kanmu, bag-u ihandug tunda sa harandugan Panginuun hampay makabaya siya. Lalu waya pahalgaan Panginuun kay Balay.

Isayas 60:7 Iomraidhean Croise

Gimpuunan 25:13

Inda kay manga ngaran anak ni Ismail ginan sa akaan: Nibayut, Kidar, Adbiil, Mibsam,

Hub 42:8

Nakan kainda pagbuul kamu pitu ka tudu baka ag pitu ka karanidu lalaki bag-u pag-atag kamu sa kan Hub, ihandug niyu inda bilang handug pagsunugun para sa kanyu sadili. Mandarangin si Hub para sa kanyu ag dungugun niku kay darangin; balaw niku kamu parusahan angay sa kanyu balaw may namuangan. Unman bay kamu nagbagaw kang-ud tungkul sa kangku parihu sa binuwat ni Hub, kang manugsirbi.”

Kanta 120:5

Kaawaawa aku dahil mag-uli aku kaibahan sa kanyu parihu ka daut sa manga mag-uli sa Misik ag sa Kidar.

Kanta ni Sulumun 1:5

Manga babayi sa Hirusalim, mabiru aku parihu sa manga turda sa Kidar, dapat marinu aku parihu sa manga limbun rutay maulian sa balay hari ni Sulumun.

Isayas 19:19

Sa ati pag sirang, ipatindug ti usa ka harandugan para sa Panginuun sa daga Ihiptu, ag ipatindug diman ti usa ka paraamirawan pag batu siyun sa tab-anan.

Isayas 19:21

Ipakilala Panginuun kay sadili sa kanda, ag sa ati pag sirang kilalan-un nida ti Panginuun. Sambahun nida siya sa panab-anan tuhay-tuhay pag manga handug. Manaratu sida sa Panginuun, ag tupadun nida tida.

Isayas 21:16

Magkun ti Panginuun sa kangku, “Sa sulud usa ka timpu, matapus ti kapangyarihan Kidar.

Isayas 42:11

Dayawun niyu siya, kamu pag manga asan sa pangawakawaan hanggan manga taga Kidar. Pagkanta kamu sa kabayaan, kamu manga taga Sila. Pamagrit kamu may pagdayaw sa katayung-tungan manga bantud.

Isayas 56:7

Darahun niku sida sa kang banal pag bantud ag ati pag pasulungun sa kang balay dararanginan. Tanggapun niku sa kang harandugan kanda manga handug pagsunugun hanggan ti tuhay waya pag handug, dahil kang Balay Diyus ingarnan balay dararanginan manga tawu ginan sa tanan nasyun.”

Isayas 60:13

Ti kayamanan Libanun mapasa-kanmu — kanda manga puun kayu pinu, manga inibru hanggan sipris, hampay maparinu ti Balay Diyus kang pag-ulian.

Isikil 20:40

Dahil ati sa kang banal pag bantud, sa abwat pag bantud Israil, ti tanan nasakupan Israil sumirbi sa kangku. Ati tanggapun niku kamu ag hilingun pagsagda tuhay-tuhay pag manga handug ag pinakamarinu pag manga pamakaun ag banal pag handug.

Isikil 27:21

“ ‘Nakipagnigusyu diman sa kanmu ti manga taga Arabya hanggan ti tanan takinan sa Kidar. Kanda ibinayad sa kanmu manga karanidu bag-u manga kambing.

Mikas 4:1

Sa manga uryan aban pag sirang, ti bantud nabungsudan Balay Diyus Panginuun bumaliw pinakamahalaga gid sa tanan pag bantud. Manlinuwang ataytag ti manga tawu ginan sa tuhay-tuhay pag nasyun.

Sipanyas 3:10

Kang manga namululagan pag nasakupan sa baliw dipay manga sapa Itiyupya mandara manga handug sa kangku.

Sakaryas 2:8

Pagka nakitan niku ti manga ipinakakit tida, sinugu aku Panginuun mamagaw laban sa manga nasyun naggira ag nagbuul sa kanyu manga kasiyunan. Dahil una si unu ti bumuwat daut sa kanyu, ga magbuwat diman daut sa mahal pag Panginuun. Inda ti pagsabihun Panginuun Makamaskihan laban sa ati pag manga nasyun:

Ruma 12:1

Nakan ngani manga patar-ari, alang-alang sa kay daka pangaawa Diyus sa kanta, inda kang paanyu gid mana sa kanyu, ipakaun niyu buhi waya kanyu sadili bilug sa Diyus hampay sakup sa kanya, imaw pag pakaun kay pagbayaun niya. Inda ti tutuu niyu pagsamba sa Diyus.

Ruma 15:16

hampay suruguun yi aku ni Kiristu Hisus tabug sa manga balaw Hudiyu. Pag-itudlu niku sa kanyu, sa manga balaw Hudiyu, ti Mayad pag Barita hampay maihandug niku kamu sa Diyus kay kaibgan, dahil kamu ipinasaman yi Ispiritu Banal.

Hibriyu 13:10

Kita may tuhay pag surunugan tungkul sa handug sa Diyus. Ag ti manga manughandug magsirbi sa tiripnan unman may karampatan magsaru sa kanta.