Isayas 60:3 - Hanunuu

³ Pumakarani sa kanmu rayaw ti manga nasyun hanggan kanda manga hari.

Isayas 60:3 Iomraidhean Croise

Gimpuunan 49:10

Parargu kawu magpangulu, Huda. Ginan sa kanmu linahi ti bumaliw manga takinan. Nakan pumakaun buhis sa kanmu ti manga nasyun ag sumunud sa kanmu.

Kanta 102:16

Dahil ibungsud maan Panginuun ti Siun; ipakakit niya kay kadayawan.

Kanta 102:22

Mangyari inda nu magtipun yi ti manga nasakupan ginan sa manga nasyun ag manga kaharian sa pagsamba sa Panginuun.

Kanta 138:4

Panginuun, dumayaw sa kanmu ti tanan hari sa buu kalibutan dahil masaydan nida kanmu bagaw.

Kanta 2:10

Nakan kamu pag manga hari hanggan manga manugpangulu sa kalibutan, intindiha niyu inda pag manga bagaw; patingihi niyu ti manga paandam laban sa kanyu.

Kanta 22:27

Ti buu kalibutan makaalala ag bumalik sa kanmu, Panginuun. Sambahun kawu tanan nasakupan tawu sa manga nasyun.

Kanta 68:29

Dahil sa kanmu Balay sa Hirusalim dumara ti manga hari manga pamakaun sa kanmu.

Kanta 72:11

Mana ti tanan nasyun sumirbi sa kanya hanggan ti tanan hari pumasakup sa kanya.

Isayas 11:10

Rumas-ug ti sirang, ianak ti bag-u pag hari ginan sa linahi ni Dabid imaw ti bumaliw pasandam sa manga nasyun hampay tumipun sida. Tumiripun sida sa kanya, bumaliw may kadayawan ti pag-ulian niya pag rugar.

Isayas 42:6

Magkun siya sa kay manugsirbi, “Aku ti Panginuun magtawag sa kanmu hampay ipakakit kang katadlungan. Awatan ag alagaan niku kawu, sa panab-anan nimu mamuwat aku kasunduan sa manga tawu. Buwatun niku kawu parihu sa sulu magpakaun rayaw sa manga nasyun,

Isayas 45:14

Magkun ti Panginuun sa Israil, “Masakup nimu ti Ihiptu, ti manga taga Itiyupya hanggan ti manga taga Siba kanda kalalakihan arabwat. Ataytag sida sa kanmu dara kanda kayamanan hanggan manga inani. Sida bumaliw bihag nimu. Manluhud sida sa kanmu ag sumabi, ‘Tutuu ungud ti Diyus kaibahan nimu, siya lang ti Diyus!’ ”

Isayas 45:22

“Pagpakarani kamu sa kangku hampay maribri, kamu tanan sa buu kalibutan. Dahil aku ti Diyus, purya sa kangku udyi may iba waya.

Isayas 49:12

Rumas-ug kang manga nasakupan ginan sa arayu — ti iba ginan sa kanaway, ti iba waydi sa isalpan, ag ti iba ginan waya sa Sinim.”

Isayas 49:23

Sumirbi sa kanmu ti manga hari hanggan ti manga rayna; sida ti mangalaga sa kanmu manga anak. Manluhud sida sa kanmu bilang paggalang, ag pumasakup gid sida sa kanmu. Bag-u maalaman nimu aku ti Panginuun, ti manga magsarig sa kangku balaw mibuyu.”

Isayas 56:8

Magkun waya ti Panginuun Diyus ti nagtipun sa manga Israilita nabihag, “Tipunun waya niku ti iba, purya sa manga natipun yi.”

Isayas 60:10

Magkun ti Panginuun sa Hirusalim: “Ipatindug manga day-uhan kanmu manga alad batu, ag kanda manga hari mansirbi sa kanmu. Una pagparusahan niku kawu dahil sa galit niku sa kanmu, kaawaan di kawu niku dahil mayad aku.

Isayas 60:16

Alagaan kawu manga nasyun hanggan nida manga hari parihu sa lapsag pag-ipasusu niya ina. Ag maalaman nimu aku ti Panginuun, kanmu Manugribri ag Manugtubus, ti Makamaskihan pag Diyus ni Hakub.

Isayas 62:2

Hirusalim, makitan manga nasyun hanggan nida manga hari kanyu kadayawan, ag katuwiran. Pakan-an kawu Panginuun bag-u pag ngaran.

Isayas 66:12

Dahil magkun ti Panginuun, “Paunladun niku ti Hirusalim. Darahun tag sa kanya ti kasiyunan ginan sa iba nasyun ga maglapwas pag bululusan danum. Miparihu kamu sa lapsag asikasuhun mayad, hiyaptan, ipasusu, ag sapupwun niya ina.

Amus 9:12

hampay masakup manga Israilita ti nasawad daga taga Idum ag iba waya pag manga nasyun ti pagkilalan-un niku kangku. Aku, ti Panginuun, ti magsabi inda, ag buwatun niku inda pag manga bagay.”

Matiyu 28:19

Nakan pag-ati kamu buwata niyu tuludluan niku ti tanan linahi tawu. Itulbaw niyu sida ipasakup sa ngaran Ama, Anak, hanggan Ispiritu Banal.

Lukas 24:47

Ag itudlu sa tanan nasyun, umpisa ginan sa Hirusalim, sa panab-anan niya patawadun Diyus ti manga tawu mag-ampu sa kanda kasalanan.”

Huwan 12:32

Nu ipaabwat yi aku ginan sa daga, butungun niku ti tanan tawu hampay sida pumakarani sa kangku.”

Binwat 13:47

Dahil kainda kay isinugu Panginuun sa kanmi magkun, ‘Ipinakana niku kawu ga sulu sa manga balaw Hudiyu hampay ibarita nimu ti karibrihan sa tanan tawu sa bilug kalibutan.’”

Binwat 15:17

hampay ti tanan manga iba nasyun humanap waydi sa Panginuun, ti manga balaw Hudiyu kang pinili hampay pumasakup sa kangku.

Ipinakakit 11:15

Pagka inyup ikapitu pag anghil kay budyung, may manga namaragawan daraka ginan sa langit magkun, “Kanta Panginuun hanggan ti Pinili Diyus Manugribri pag Hari nag-aku yi lubus sa paghari sa bilug kalibutan. Humari siya hanggan waya aban.”

Ipinakakit 21:24

Ginan sa rayaw banwa pag marayawan ti tanan nasyun tawu. Ati diman tag pag daran-un manga hari sa babaw daga kanda kayamanan.