Isayas 60:2 - Hanunuu

² Masaput masyadu pag kadudulman ti manga nasyun sa kalibutan, dapat kawu marayawan kadayawan Panginuun.

Isayas 60:2 Iomraidhean Croise

1 Hari 8:11

Unman yi makaparargu ti manga manughandug sa kanda buruwatun sa Balay Diyus dahil sa rurum, dahil ti kadayawan Panginuun nas-ub sa kay Balay.

Kanta 102:16

Dahil ibungsud maan Panginuun ti Siun; ipakakit niya kay kadayawan.

Kanta 80:1

Patingihi kami, Manugbantay Israil, ti manuggiya sa manga lahi ni Husi parihu sa manga karanidu. Kawu matukawan sa kanmu tukawan hari sa tungud manga kirubin, pakakitan kanmu kamaskihan

Isayas 2:5

Abala kamu, manga linahi ni Hakub, mangabuhi kita sa katutuuhanan ipinakaun Panginuun sa kanta.

Isayas 4:5

Bag-u manlalang ti Panginuun rurum imaw ti humamuy sa tungud Hirusalim hanggan sa manga magtiripun ati. Manlalang diman siya maglabdaban apuy magpakaun rayaw sa yabi. Kay kadayawan tumakip sa Hirusalim ga usa ka malapad pag turda,

Isayas 58:10

ag nu buwatun niyu ti magpakaun sa manga magkalun-us, ti mag-ayaw pangailangan manga makuri, rumas-ug sa kanyu ti karibrihan magpakaun rayaw sa madulum niyu pag kahamtangan bilang ga karaw-an sirang.

Isayas 58:8

Nu buwatun niyu tunda, rumas-ug sa kanyu ti karibrihan ga rayaw maghanag-hanag sa surip, ag paayadun niku kamu. Aku kanyu Panginuun matadlung ti mangunahan sa kanyu ag apinan niku kamu sa panab-anan niku kadayawan.

Isayas 62:1

Dahil pagmahalun niku ti Hirusalim, balaw umapas kang darangin tugka sa ud rumas-ug kay kapanaluhan hanggan katuwiran ga magbadbad sirang, ag tugka sa mapasa-kanya ti karibrihan ga maglabdaban sulul-an.

Isayas 66:11

hampay malakawan niyu ti kaabundahan parihu sa lapsag magsusu sa kay ina magkabsug.

Isayas 8:22

aw ngatay mangusdung sa daga ud may makitan nu ud kakurian ag kadudulman. Ati sida pagdarahun sa masyadu pag kadudulman.

Hirimyas 13:16

Dayawa niyu ti Panginuun niyu Diyus habang udwaya niya pag-ipadara ti kadudulman, ag habang udwaya kamu mag-italakpa sa madlum pag manga bantud. Ti rayaw pagsarigan niyu buwatun niya pingit pag kadudulman.

Isikil 10:4

Bag-u inmighit ti kadayawan Panginuun sa tungud manga kirubin ag sinmalyu sa sabian Balay Diyus. Pinatakipan rurum ti Balay Diyus, ag ti sugkadan nagrayaw dahil sa kadayawan Panginuun.

Libitiku 9:23

Siyun ginan sinmulud sida ni Muysis ni Aarun sa Turda Tiripnan. Sa kanda pagluwas, idinarangin nida ti manga tawu. Bag-u ipinakakit Panginuun kay kadayawan sa atubangan manga tawu sa panab-anan apuy imaw ti nag-irub sa manga handug sa harandugan. Pagka nakitan tunda manga tawu, nanhuruyawan sida sa kabayaan ag linmuhud sa pagsamba sa Panginuun.

Malakyas 4:2

Dapat kamu pag manga maggalang sa kangku, malakawan niyu ti karibrihan ginan sa kangku. Parihu inda sa magsinggit init kay rayaw magpakaun kaayadan. Ag mangutbaw-utbaw kamu sa kabayaan parihu sa manga dumaraga baka ipinalwas ginan sa tudiran.

Bilang 16:19

Ti ginarya ni Kura pag manga nasakupan laban sa kan Muysis ag kan Aarun nagtipun diman ati sa sabian Turda Taragbuan. Bag-u ipinakakit Panginuun kay kadayawan sa buu nasakupan.

Matiyu 15:14

Pabay-ani niyu sida, buta pag manga manug-abat sida. Nu ti buta umabat sa kay kaparihu buta, minsan sida malagpak sa abwat.”

Matiyu 23:19

Manga buta kamu, hintay nguna ti lalu mahalaga, ngatay ti handug aw ngatay ti harandugan ngap tigpakilala kahulugan manga handug tabug sa Diyus.

Matiyu 23:24

Kamu duy buta pag manga manug-abat. Pagsaraun niyu ti alukhuk sa kanyu irinmun dapat pagtulnun lang niyu ti kamilyu.

Huwan 1:1

Pagka udwaya linalang ti kalibutan, ti Bagaw daan di. Kaybi kaibahan siya Diyus ag lubus siya Diyus.

Huwan 1:14

Nagpakatawu ti Bagaw, ag nangulian siya sitay sa kanta. Mayad gid kay nabubut-un ag lubus ipinakilala niya ti katutuuhanan tungkul sa Diyus. Nakitan nimi kay kadayawan kay tinanggap ginan sa Ama dahil siya ti Bugtung Anak.

Huwan 1:18

Kaybi ginan unman may tawu nakakit sa Diyus. Ti Bugtung Anak ti nagpakilala sa manga tawu nu kabitay ti Diyus. Dahil ti Bugtung Anak kaibahan Diyus ag pirmi gid sa kay arani Ama.

Huwan 8:55

Unman nakilala duy niyu siya, dapat kilala ngap niku siya. Nu abi sabihun niku unman kilala niku siya, aku parihu ga kanyu pudilun. Dapat kilala gid niku siya, ag pagtupadun niku kay bagaw.

Binwat 14:16

Kaybi waya ginan pinasibut-an Diyus ti tanan nasyun tawu sa kanda lang sadili kagustuhan.

Binwat 17:23

Sa kang maglakaw sa banwa, binantayan niku kanyu manga simbahan. Bag-u may nakitan aku usa ka bugtangan handug may surat magkun, ‘Sa unman magkakilala pag diyus.’ Tunda yi pag Diyus ti kanyu pagsambahan madi unman kilala niyu siya, imaw yi ngani pag Diyus kang pag-itudlu sa kanyu.

Binwat 26:18

Kailangan pamuklatun nimu kanda manga mata, kailangan bawiun nimu sida ginan sa kadudulman atag sa marayaw, ginan sa kapangyarihan ni Satanas tabug ngap sa Diyus, hampay nu sida sumarig sa kangku, patawadun kanda manga kasalanan hampay mipaminsan sida sa manga tawu napasakup sa Diyus.’

2 Kurintu 3:18

Taynguna nab-ul yi sa kanta uyahun ti patakip, kita tanan-tanan amat-amat mag-akitan yi nita sa kadayawan Panginuun. Inda pag kadayawan ginan sa Panginuun, sa Ispiritu imaw tigpabag-u sa kanta ugali pagkatawu agud amat-amat lalu dumaka ti kadayawan sa kanta hanggan sa udwaya kita mag-iparihu sa kanya.

Kulusas 1:13

Irinibri niya kita ginan sa kapangyarihan kadudulman, ipinauli yi niya kita sa kaharian niya magmayadun pag Anak.

1 Pidru 2:9

Dapat kamu ungud usa ka pinili pag lahi. Parihu sa manga manughandug sa Balay Diyus, kanyu pagsirbihan si Kiristu pag Hari. Kamu usa ka nasyun binukud para sa Diyus. Pinili kamu Diyus hampay kamu kay sadili yi pag nasakupan ag hampay ipaburayhaw niyu kay manga buwat makadululaw. Siya diman waydi ti nagtawag sa kanyu ginan sa kadudulman tabug sa kaladulawan pag karayawan niya.