Isayas 60:12 - Hanunuu

¹² Dahil lubus mawayak ti manga nasyun hanggan kaharian balaw sumirbi sa kanmu.

Isayas 60:12 Iomraidhean Croise

Isayas 54:15

Nu may man-gira sa kanmu, balaw niku tunda kagustuhan. Mibuyu sida sa kanmu.

Danyil 2:35

Rargu nidugsak ti tinawu-tawu buwat sa baul, lutuk, galang, pilak, ag gintu. Bag-u nagbaliw wadi upa sa girik-an pag-ipayag durus una naan tag. Dapat ti batu nidugsak sa lulud diyus-diyusan nagbaliw daka pag bantud nagsakup sa buu kalibutan.

Isayas 41:11

Ti tanan magkagalit sa kanmu pihu mangay-a ag mibuyu. Ti manga maglaban sa kanmu pihu gid midamhak.

Isayas 14:2

Awatan iba nasyun ti Israil hampay makabalik sida sa daga ipinakaun Panginuun sa kanda. Bumaliw suruguun nida ti manga day-uhan. Bihagun nida ti nagbihag sa kanda kaybi, ag sakupun nida ti manga nangapi sa kanda.

Kanta 2:12

Sunda niyu kay pinili pag hari, dahil nu unman, barang kadaka mangisug siya ag rargu ipadamhak niya kamu. Mapalad ti kada tawu maghagad awat sa Panginuun.

Lukas 19:27

Nu bay kang manga kalaban tunda, daran-a niyu sitay tag sa kangku matya sa kang atubangan dahil sa dayu sida aku makahari sa kanda.’ ”

Matiyu 21:44

Una si unu nu malagpak tag sa babaw batu inda, marunut gid. Dapat una waydi hintay ti madugsakan mapisi.”

Gimpuunan 27:29

Mana pumasakup ag sumirbi sa kanmu ti mayamu manga tawu. Mana kawu ti humari sa kanmu manga katawuhan ag pumasakup sida sa kanmu. Mana ti magsaad sa kanmu, saadan diman, ag ti magpapalad sa kanmu, papaladan diman.”

Kanta 108:13

Manalu kami sa panab-anan nimu awat, nimi Diyus, dahil taluhun nimu kanmi manga kalaban.

Hirimyas 12:17

Dapat ay una naan pag nasyun nu balaw sumunud sa kangku palayasun niku sida ginan sa kanda manga daga bag-u rurisun. Aku, ti Panginuun ti magsabi inda.”

Danyil 2:34

Habang mabantayan kawu sa tinawu-tawu, may usa ka batu nagipak, balaw tawu ti naggipak. Nidugsak inda pag batu sa baul ag lutuk pag lulud diyus-diyusan, bag-u narunut kay manga lulud.

Danyil 7:18

Dapat ti manga banal Kaabwat-abwatan pag Diyus imaw ti pinakan-an karampatan maghari ud may katapusan.’

Danyil 7:27

Bag-u iayaw sa banal pag manga nasakupan Kaabwat-abwatan pag Diyus ti pagdumara hanggan kapangyarihan sa manga kaharian buu kalibutan. Nakan humari sida hanggan aban, ag pasakup sa kanda ti tanan kaharian.

Sakaryas 9:10

Duraun niku ti arawayan. Pamul-un niku ti manga kalisa ag manga kabayu pandugma sa Israil ag sa Huda. Bariun niku ti manga paggamitun nida pamana pandugma. Ti rumas-ug pag hari mandara kahusayan sa manga nasyun. Manhari siya ginan sa usa ka dagat tugka gid sa usa ka dagat, ag ginan sa Sapa Iyupratis tugka sa katugkaan daga sa kalibutan.”