Isayas 60:1 - Hanunuu

¹ “Pagbangun kawu, Hirusalim, ag pagrayaw parihu sa sirang, dahil rinmas-ug yi kanmu karibrihan. Marayawan kawu kadayawan Panginuun.

Isayas 60:1 Iomraidhean Croise

Kanta 102:16

Dahil ibungsud maan Panginuun ti Siun; ipakakit niya kay kadayawan.

Kanta 87:3

Mararinu pag manga bagay kay pagbagawun tungkul sa inda pag banwa.

Isayas 2:5

Abala kamu, manga linahi ni Hakub, mangabuhi kita sa katutuuhanan ipinakaun Panginuun sa kanta.

Isayas 24:23

Mandulum ti init ag ti bulan dahil humari ti Panginuun Makamaskihan sa Bantud Siun, sa Hirusalim. Ag ati pag miburayhaw kay kadayawan sa atubangan manga takinan niya manga nasakupan.

Isayas 28:5

Sa ati pag sirang, ti Panginuun Makamaskihan bumaliw parihu sa marinu pag sangbaw busang kayu para sa kay manga nasawad niya pag manga nasakupan.

Isayas 35:2

Manganta ag manringgit sa kabayaan ti pangawakawaan ga tawu, ag mamuklad ti mayamu pag busang. Bumaliw marinu inda parihu sa Bantud Libanun, ag mamurak inda abunda parihu sa karatagan Karmilu ag Sarun. Ag miburayhaw sitay ti kamaskihan ag kadayawan Panginuun nita Diyus.

Isayas 4:5

Bag-u manlalang ti Panginuun rurum imaw ti humamuy sa tungud Hirusalim hanggan sa manga magtiripun ati. Manlalang diman siya maglabdaban apuy magpakaun rayaw sa yabi. Kay kadayawan tumakip sa Hirusalim ga usa ka malapad pag turda,

Isayas 42:6

Magkun siya sa kay manugsirbi, “Aku ti Panginuun magtawag sa kanmu hampay ipakakit kang katadlungan. Awatan ag alagaan niku kawu, sa panab-anan nimu mamuwat aku kasunduan sa manga tawu. Buwatun niku kawu parihu sa sulu magpakaun rayaw sa manga nasyun,

Isayas 58:8

Nu buwatun niyu tunda, rumas-ug sa kanyu ti karibrihan ga rayaw maghanag-hanag sa surip, ag paayadun niku kamu. Aku kanyu Panginuun matadlung ti mangunahan sa kanyu ag apinan niku kamu sa panab-anan niku kadayawan.

Isayas 62:1

Dahil pagmahalun niku ti Hirusalim, balaw umapas kang darangin tugka sa ud rumas-ug kay kapanaluhan hanggan katuwiran ga magbadbad sirang, ag tugka sa mapasa-kanya ti karibrihan ga maglabdaban sulul-an.

Isayas 62:2

Hirusalim, makitan manga nasyun hanggan nida manga hari kanyu kadayawan, ag katuwiran. Pakan-an kawu Panginuun bag-u pag ngaran.

Isayas 66:11

hampay malakawan niyu ti kaabundahan parihu sa lapsag magsusu sa kay ina magkabsug.

Isayas 9:2

Ti manga tawu sa kadudulman makakit masyadu gid pagkarayawan, ag marayawan ti may manga kakurian.

Isikil 43:4

Bag-u nagsulud ti kadayawan Panginuun sa Balay Diyus. Ati inda lakaw sa dalan sa butlakan.

Malakyas 4:2

Dapat kamu pag manga maggalang sa kangku, malakawan niyu ti karibrihan ginan sa kangku. Parihu inda sa magsinggit init kay rayaw magpakaun kaayadan. Ag mangutbaw-utbaw kamu sa kabayaan parihu sa manga dumaraga baka ipinalwas ginan sa tudiran.

Matiyu 4:16

Ti manga tawu nitukmud sa basad kaduluman may makitan aban daka pag rayaw. Ti manga tawu sa sirung kapangyarihan kamatayan pakan-an ngap karayawan.”

Matiyu 5:16

Katunda diman waydi iparayaw niyu kanyu sulu sa atubangan tanan tawu hampay makitan nida kanyu manga mayad buwat bag-u kanda dayawun kanyu Ama sa langit.”

Lukas 2:32

usa ka sulu hampay marayawan ti manga balaw Hudiyu, ag hampay ipakilala ti kadayawan nimu nasyun Israil.”

Huwan 1:9

Tunda ngani ti tutuu gid pag sulu ti nagsitay sa kalibutan hampay kay marayawan ti tanan manga tawu.

Huwan 12:46

Nagsitay aku ga sulu sa kalibutan hampay una hintay pag tawu nu sumarig sa kangku, balaw yi siya sa kadudulman.

Huwan 3:19

Parusahan sida dahil nagsitay sa kalibutan ti katutuuhanan ga karayawan ginan sa Diyus. Dapat pinalabi waya manga tawu ti kadudulman sa karayawan, dahil daut kanda manga buwat.

Huwan 8:12

Nagbagaw maan si Hisus sa manga Parisiyu magkun, “Aku ti sulu sa kalibutan. Nu ti tawu magpasakup sa kangku, sa kanya yi ti karayawan tigpakaun buhi ag balaw yi siya lumakaw sa madlum.”

Ipisu 5:14

Dahil karayawan yi ngani tigpakilala sa tanan. Nakan ngani pagsabihun magkun, “Pag-imata yi kawu ginan sa katurugan, pagkabuhi yi kawu ginan sa kamatayan, rayawan yi kawu ni Kiristu.”

Ipisu 5:8

Kaybi kamu sakup sa kadudulman, dapat taynguna kamu sakup yi sa marayaw dahil sa kanyu pakiusa sa Panginuun. Nakan ngani pag-ugali kamu parihu sa manga tawu sakup yi sa marayaw.

Pilipus 2:15

Sa kanyu manga kalibut may manga tawu unman mayad kay ugali ag daut kay pagbuwatun. Kailangan kamu pag manga anak Diyus ga mustara sa manga iba tawu malumpiyu kanyu ugali, unman may ikasabi sa kanyu. Nu katunda magduag yi kamu sa kanda karaw-an parihu ga manga pamgasan magrayaw sa langit.

1 Pidru 4:14

Papaladan kamu Diyus nu kamu pagmuransahun dahil kamu napasakup yi sa kan Kiristu, tutuu papaladan kamu dahil nangulian sa kanyu ti makamaskihan pag Ispiritu kadayawan, imaw ti Ispiritu Diyus.

Ipinakakit 21:11

Sa kanya yi ti kadayawan Diyus. Masilaw ti banwa parihu ga manga mahalaga pag batu haspi, masnag ga bubug.

Ipinakakit 21:23

Udyi may kailangan init una bulan hampay rayawan ti banwa dahil ti kadayawan Diyus tigparayaw ati, ti Anak Karanidu ti sulu.

Ipinakakit 22:5

Ati udyi may yabi, udyi may kailangan sida sulu una rayaw init, dahil ti Panginuun Diyus tigrayaw sa kanda ati. Humari sida unman may katapusan.