Isayas 6:7 - Hanunuu

⁷ Ipinad-ut niya ti baga sa kang bibig ag magkun, “Hinikap yi kanmu bibig, udyi kawu may kasalanan dahil pinatawad yi kawu.”

Isayas 6:7 Iomraidhean Croise

Isayas 40:2

Pagbagaw kamu maalumanay sa nasakupan Hirusalim. Sabihun niyu sa kanda kuntay natapus yi ti kakurian nida, pinatawad yi kanda manga kasalanan. Pinarusahan yi niku sida hustu sa tanan nida kasalanan.”

Isayas 43:25

“Aku gid ngap ti maglumpiyu kanmu manga kasalanan para sa kang kadayawan, balaw yi niku tunda alalahanun waya.

Isayas 53:10

Dapat nalub-anan Panginuun masaktan siya ag pakurianan. Una waya binuwat siya handug sa Panginuun hampay mabayadan ti kasalanan manga tawu, makitan niya kay manga linahi ag makatanggap siya malawig pag buhi. Ag sa panab-anan niya matupad ti nalub-anan Panginuun.

Isayas 53:5

Ti tutuu, biniyagan siya dahil sa kanta manga paglabag; hinampak siya dahil sa kanta kadautan. Ti inagwanta niya pag parusa imaw ti nagpauli sa kanta sa mayad pag kahamtangan. Dahil sa kay manga biyag naayadan kita.

Isayas 53:6

Kita tanan ga manga karanidu tinmalang. Kada usa sa kanta nagbuwat kanta pagkaibgan buwatun. Dapat siya ti pinarusahan Panginuun parusa para mana sa kanta tanan.

Isayas 57:19

Nakan dumayaw sida sa kangku. Ipauli niku sida sa mayad pag kahamtangan, sa arayu man ngatay sa arani. Paayadun niku sida. Aku ti Panginuun, ti magsabi inda.

Hirimyas 1:9

Bag-u hinikap Panginuun kang tarip bibig ag magkun, “Ipakaun niku sa kanmu taynguna ti sarabihun nimu pag manga bagaw niku.

Danyil 10:16

Tunda pag bilang ga tawu ti naghikap sa kang bibig nakan nakabagaw maan aku. Magkun aku sa kanya sa matindugan sa kang atubangan, “Duy, naaburidu gid aku ag nabul-an kabisugan dahil sa tunda pag nakitan niku pangakakitun.

Sipanyas 3:9

Pagkatapus, bag-uhun niku ti manga tawu, hampay magpakarani sida tanan sa kangku ag magkarausa mansirbi sa kangku.

Sakaryas 3:4

Nakan magkun ti anghil sa kay iba manga anghil matindugan sa atubangan niya, “Lukasa niyu kay rutay mauring.” Bag-u magkun siya sa kan Huswi, “Bin-ul yi niku kanmu manga kasalanan. Ag taynguna, pasulungan yi kawu bag-u pag rutay.”

Bilang 16:46

Bag-u magkun si Muysis sa kan Aarun, “Bul-a kanmu sukadan kamangyan ag paulii inda baga ginan sa harandugan. Bag-u paulii inda kamangyan ag kadali kawu atag sa nasakupan, buwata ti buruwatun hampay malukat sida sa kanda manga kasalanan, dahil nangisug yi ti Panginuun ag mag-umpisa yi ti sarut.”

Matiyu 9:2

Pagras-ug niya ati, may manga tawu nagras-ug may yayung usa ka tawu lunu mahuwayan sa kay igyaan. Pagka nakitan ni Hisus kanda daka pag sarig, sinabi niya sa tawu lunu, “Pagmatutum duy kanmu naisipan. Pinatawad yi kanmu manga kasalanan.”

1 Huwan 1:7

Dapat nu kita maglakaw sa marayaw ga kanya waydi sa marayaw, magpakiusa gid kita sa usa kag sa usa, ag kay dugu ni Hisus kay Anak Diyus ti maglumpiyu sa tanan nita manga kasalanan.