Isayas 6:2 - Hanunuu

² May manga taga langit pag linalang baliwa sa kay uluhan. Ti kada usa sa kanda may tig unum ka pakpak: Ti duwa ka pakpak matakluban sa kanda manga uyahun, kay duwa matakluban sa kanda manga lulud, ag kay duwa waydi imaw kanda paggamitun panlayang.

Isayas 6:2 Iomraidhean Croise

Gimpuunan 17:3

Pagka nasaydan inda ni Abram, napayuk-ub siya bilang paggalang sa Diyus. Magkun ti Diyus sa kanya,

1 Hari 19:13

Pagka nadnugan inda ni Ilyas, tinakluban niya kulimpay kay uyahun, linmuwas siya ag tinmindug sa tangpaan lukib. Kadaka may limug magsabi sa kanya, “Hintay kanmu pagbuwatun sitay Ilyas?”

1 Hari 22:19

Magkun waya si Mikaya, “Patingihi ti tultulanun Panginuun! Nakitan niku ti Panginuun matukawan sa kay tukawan, may matindugan manga taga langit pag manga sundalu sa kay wala ag sikun.

1 Hari 6:24

Inda pag duwa ka kirubin parihu ka daka ag parihu diman kanda histuda. Ti kada usa may duwa ka pakpak ag ti kada pakpak may aba lima ka luk-an siku. Nakan ti kaabaan ginan sa pudpud usa ka pakpak tugka sa pudpud usa ka pakpak 10 ka luk-an siku.

1 Hari 6:27

Magdurut-an sida ipinauli ni Sulumun sa sulud Pinakabanal pag Sulud-sulud malapadan kay manga pakpak. Kay usa nida ka pakpak magdurut-an, ag matuunan sa karaw-an sulud-sulud. Ag kay baliw waya gid nida pakpak mag-iduut sa lingub.

1 Hari 8:7

Mabukladan ti manga pakpak manga kirubin, nakan magkatabunan ti Kaban hanggan kay paras-anan.

Nihimyas 9:6

Kawu ti Panginuun. Binwat nimu ti kalangitan, ti daga, ti dagat hanggan ti tanan asan sa kanda. Pagpakan-an nimu buhi ti tanan nimu linalang ag pagsambahun kawu manga anghil sa langit.

Hub 1:6

Sa usa ka sirang, nagtiripun ti manga anghil sa atubangan Panginuun, ag napaminsan waydi sa kanda si Satanas.

Hub 15:15

Unman ngani magsarig ti Diyus sa kay manga anghil! Unman ngani malumpiyu sa kay pamantay ti manga taga langit pag sundalu.

Hub 4:18

Nu balaw ngani masarig ti Diyus kay manga anghil imaw kay suruguun, ag maghiling siya kanda manga salan,

Kanta 103:20

Dayawa niyu ti Panginuun, kamu pag makapangyarihan niya pag manga anghil magpatingi ag magsunud sa kay manga bagaw.

Kanta 104:4

Pagbuwatun nimu ti durus kanmu manga manugbarita, ag ti maglabdab apuy kanmu manga suruguun.

Kanta 18:10

Sinmakay kawu sa kirubin, mabisug linmayang napadara sa durus.

Kanta 89:7

Paggalangun kawu sa pagtiripun taga langit pag manga linalang. Sida tanan masangputan sa kanmu may kadalaan gid sa kanmu.

Pag-ighit 25:20

Kailangan mabukladan patungud kay manga pakpak kirubin hampay mahamuyan nida manga pakpak ti taklub, ag kailangan mag-aratubangan sida duwa magbantay sa taklub.

Pag-ighit 3:6

Aku ti Diyus nimu manga ginurang, ti Diyus nida ni Abraham, ni Isaak, ag ni Hakub.” Pagka nadnugan inda ni Muysis, tinakluban niya kay uyahun, dahil magkadala siya magbantay sa Diyus.

Pag-ighit 37:9

Mabukladan kay manga pakpak manga kirubin sa tungud taklub, ti Ulian Pangaawa, hampay mahamuyan inda nida. Mag-aratubangan ti duwa ka kirubin magbantay sa taklub.

Isayas 6:6

Bag-u linmayang ti usa sa manga taga langit pag linalang tag sa kangku, may dara siya baga kay bin-ul ginan sa harandugan.

Isikil 1:11

Kay duwa nida ka pakpak malapadan ag magdurut-an, ag kay duwa waya gid nida ka pakpak matabunan sa kanda manga bilug.

Isikil 1:24

Nu maglakaw ngani ti buhi pag manga linalang, kay ingay kanda manga pakpak parihu sa paywas danum, ngatay parihu sa busis Makamaskihan Diyus, ngatay parihu sa iringayan mayamu manga sundalu. Ag nu magpat-ung sida, pag-ikiyum nida kanda manga pakpak.

Isikil 1:4

Habang magbantay aku, may nakitan aku bagyu ginan sa kanaway. Magkilat ginan sa madamul pag rurum, nakan nagrayaw ti palibut. Ti apuy sa karaw-an rurum magduag ga sulu, ag magsinglaw ga galang.

Isikil 1:6

dapat ti kada usa sa kanda may upat ka uyahun ag upat ka pakpak. Tul-id kanda manga kapusgan, kanda manga lulud parihu sa lulud baka, magsinglaw parihu sa pinakinis galang. May imaw kamang tawu sa kada sirung nida pakpak,

Isikil 1:9

ag kanda manga pakpak magdurut-an. Maglayang sida durunganan una naan tag baliwa, unman magpalisud-lisud.

Isikil 10:16

Nu maglakaw ti manga kirubin, magkuyug diman sa kanda ti manga gulung, katida diman nu maglayang sida, magkuyug diman ti manga gulung.

Isikil 10:21

Ti kada usa sa kanda may upat ka uyahun ag upat ka pakpak, ag sa sirung nida pakpak may ga kamang tawu.

Danyil 7:10

Ag may magbulus apuy ginan sa kanya. Linibu ag minilyun manga anghil ti magsirbi sa kanya. Handa yi siya sa pagsintinsiya, nakan binukasan ti manga ribru.

Danyil 9:21

Ag habang magdarangin aku, naglayang madali si Gabril atag sa kangku nakitan niku sa kang pangakakitun. Katpung sa udas maghugut marukirum pag handug.

Sakaryas 3:4

Nakan magkun ti anghil sa kay iba manga anghil matindugan sa atubangan niya, “Lukasa niyu kay rutay mauring.” Bag-u magkun siya sa kan Huswi, “Bin-ul yi niku kanmu manga kasalanan. Ag taynguna, pasulungan yi kawu bag-u pag rutay.”

Lukas 1:10

Sa udas sa kan Sakaryas katpung magtuub kamangyan ati nagtiripun ag nagdarangin ti kadamlan tawu sa sugkadan Balay Diyus.

Hibriyu 1:7

Sinabi waydi Diyus tungkul sa manga anghil magkun, “Pagbuwatun Diyus kay manga anghil manga durus, kay manga suruguun pagbuwatun niya manga labdab apuy.”

Ipinakakit 14:6

Nakitan maan niku ti usa ka anghil maglayang sa tungud may dara siya unman may katapusan pag Mayad pag Barita hampay ipadakit niya sa manga tawu mag-uli sa babaw daga, sa kada nasyun, sa kada linahi, sa kada pamagaw hanggan sa kada kalasi tawu.

Ipinakakit 4:8

Tigtigun-um ka pakpak ti upat ka linalang may buhi, lipus mata sa kanda buu bilug. Unman may apas sida magkanta sirang yabi magkun, “Banal, banal, banal ti Panginuun Diyus Makamaskihan sa tanan. Ti Diyus kaybi ginan hanggan taynguna hanggan waya aban.”

Ipinakakit 7:11

Nagtinindug ti tanan manga anghil manga nakatindug sa kay sangput tukawan hari, manga gurangun hanggan upat ka linalang may buhi. Napadapa sida sa atubangan Hari, nagsamba sida sa Diyus.

Ipinakakit 8:13

Bag-u nakitan niku ti usa ka agila maglayang sa tungud. Nadnugan niku siya nagbagaw daka magkun, “Masyadu yi lang madala ti malakawan tanan tawu magkabuhi sa babaw daga sa tunug manga budyung nu uypun tulu waya ka anghil.”