Isayas 6:11 - Hanunuu

¹¹ Nagpaingana aku, “Panginuun, kabitay duy kay kadugay?” Sinmagut siya, “Tugka sa mawayak ti manga banwa Israil ag balaw yi may mangulian siyun. Tugka sa udyi may mag-uli sa manga balay ag ti daga bumaliw kapawaan ag udyi makinabangan.

Isayas 6:11 Iomraidhean Croise

Kanta 74:10

Diyus, tugka waya lugud kapira ti pagpakay-a nimi manga kalaban sa kanmu? Puyaan yi lang aw lugud nida kawu sa unman may katapusan?

Kanta 79:5

Panginuun, tugka waya lugud kapira kanmu pangagalit sa kanmi? Tugka aw sa unman may katapusan? Lumabdab yi lang aw lugud parihu sa apuy kanmu imun?

Kanta 90:13

Panginuun, tugka kapira waya lugud kanmu pangagalit sa kanmi? Patingihi ag kaawai kami kanmu manga manugsirbi.

Kanta 94:3

Panginuun, kapira tugka waya lugud ti magbaya manga daut?

Isayas 1:7

Udyi makinabangan kanyu nasyun; kanyu manga banwa nagkarairub yi. Habang mabantayan kamu, pagbul-un manga taga iba daga ti burak niyu manga tanum sa kanyu tanman. Dinaut nida kanyu daga tugka sa udyi kamu may makinabangan.

Isayas 13:12

Pira wadi ti masawad pag manga tawu, nakan makuri sida hanapun kaysa linunsay pag gintu ginan sa Upir.

Isayas 3:26

May manga maglulumian ag maghimanglaw sa manga puwirtahan banwa. Ag ti banwa miparihu sa babayi malubnangan sa daga, naduraan manga kasiyunan.

Isayas 3:8

Pihu yi mawayak ti Hirusalim ag Huda, dahil paglabagun nida ti Panginuun sa kanda manga bagaw ag buwat. Paglabagun nida ti kadayawan Panginuun.

Isayas 32:14

Ti mayamu tawu pag banwa hanggan ti marig-un pag bahagi inda balaw yi maulianan. Ti tagudtud hanggan ti barantayan pag bantayaw bumaliw ga pangawakawaan tugka aban. Inda bumaliw ulian manga talun asnu ag pasturan manga karanidu.

Isayas 35:1

Ti tigangan makabaya ga tawu. Mamurusang ti manga halaman sa pangawakawaan.

Isayas 5:9

Magkun sa kangku ti Panginuun Makamaskihan, “Tunda pag daraka ag mararinu pag manga balay balaw yi maulian.

Isayas 60:15

Una pagdayuun kawu ag pag-unuunuhun, ag unman may magpahalga sa kanmu, buwatun niku kawu may kadayawan hanggan aban ag ikabaya inda tanan sinulput.

Isayas 64:10

Ti manga banal pag banwa nimu hanggan ti Hirusalim nagbaliw ga pangawakawaan unman may mag-ulian.

Hirimyas 22:6

Inda ti pagsabihun Panginuun tungkul sa balay hari sa Huda: “Para sa kangku, kanmu karinuan parihu sa Gilyad ngatay sa katayungtungan bantud Libanun. Dapat buwatun niku kawu ga pangawakawaan, parihu sa usa ka banwa unman may mag-uli.

Hirimyas 4:7

Ti manugwayak kuntay gumira sa manga nasyun ga liyun linmuwang gin sa kay pagpatag-an. Ginminan yi siya sa kay rugar hampay wayakun kanyu daga. Magkaradaut ti manga banwa niyu tugka sa balaw yi inda maulianan.

Hirimyas 44:2

Inda ti pagsabihun Panginuun Makamaskihan, ti Diyus Israil, “Nakitan niyu ti kadamhakan pinalakaw niku sa Hirusalim hanggan sa tanan banwa sa Huda. Wayak yi inda taynguna ag udyi may mag-ulian ati,

Hirimyas 52:27

sakup Hamat. Ag ati sida pag ipinamatay hari. Nakan ti manga nasakupan sa Huda binihag ag dinara pakarayu sa kanda daga.

Isikil 6:6

Ti kada banwa niyu ipadamhak. Magkaratumpag kanyu manga simbahan sa abwat pag manga rugar, manga diyus-diyusan, manga harandugan, hanggan ti manga harandugan pagsunugan manga kamangyan, ag ti iba waya parihu sa inda pag pinanmuwat niyu.

Danyil 8:13

Nasaydan niku ti duwa ka anghil magharampangan. Nagpaingana ti usa ka anghil sa usa, “Kabitay nguna kadugay matapus inda pag pangakakitun tungkul sa pag-ampara sa sirang-sirang pag handug hanggan ti pag-uring sa Balay Diyus imaw ti kadahilanan agud mapabay-anan inda, ag ti pagtatatata sa Balay Diyus hanggan sa manga taga langit pag sundalu?”

Libitiku 26:31

Gubaun niku kanyu manga banwa hanggan manga simbahan, ag balaw aku makabaya sa hungaw niyu manga handug.

Libitiku 26:33

Padaran-an niku kamu gira imaw ti gumuba sa kanyu manga banwa. Kalatun niku kamu tabug sa iba pag manga nasyun, bag-u bumaliw mapanglaw kanyu daga.

Mikas 2:4

Sa ati pag sirang, puyaan kamu manga tawu sa panab-anan maruku pag sanglitan, ‘Lubus yi kami naruris! Bin-ul Panginuun kanmi manga daga bag-u inayaw sa manga maradaya.’ ”

Mikas 5:11

Dautun niku kanyu banwa hanggan ti manga may alad batu pag banwa.

Mikas 6:13

Nakan inumpisahan niku rurisun kamu bilang parusa sa kanyu manga kasalanan.

Mikas 7:13

Bumaliw mapanglaw pag rugar ti manga nasyun sa kalibutan dahil sa kadautan manga mag-ulian siyun.”

Diyuturunumiyu 28:62

Una parihu kamu ga pamgasan sa langit kay kayamu, pira lang ti masawad sa kanyu dahil unman kamu nagtupad sa Panginuun niyu Diyus.

Diyuturunumiyu 28:63

Nu kabitay pag-ikabaya Panginuun ti pagpaabunda ag pagpayamu sa kanyu, pag-ikabaya diman niya ti pagpadamhak ag pagmatay sa kanyu, tugka sa madura kamu sa ulianan ag apuun niyu pag daga.