Isayas 6:1 - Hanunuu

¹ Kaybi katpung timpu pagkamatay ni Hari Usyas, nakitan niku ti Panginuun matukawan sa abwat pag turukawan. Kay aba niya rutay magtaklub sa buu Balay Diyus.

Isayas 6:1 Iomraidhean Croise

1 Hari 22:19

Magkun waya si Mikaya, “Patingihi ti tultulanun Panginuun! Nakitan niku ti Panginuun matukawan sa kay tukawan, may matindugan manga taga langit pag manga sundalu sa kay wala ag sikun.

2 Hari 15:7

Pagka namatay si Asariyas, ilinbung siya sa lulubngan niya manga ginurang sa Banwa ni Dabid. Ag si Hutam kay anak imaw ti nag-ublus sa kay pagka hari.

2 Krunika 18:18

Magkun waya si Mikaya, “Patingihi ti tultulanun Panginuun! Nakitan niku ti Panginuun matukawan sa kay tukawan, may matindugan manga taga langit pag manga sundalu sa kay wala ag sikun.

Hub 42:5

Kaybi nasaydan lang niku sa iba ti tungkul sa kanmu, dapat kainda nakitan ungud niku kawu.

Kanta 108:5

Diyus, ipakakit nimu kanmu kamaskihan sa kalangitan hanggan sa buu kalibutan.

Kanta 113:5

Unman gid may pumarihu sa Panginuun nita Diyus, matukawan sa kay tukawan hari ati sa kaabwat-abwatan.

Kanta 46:10

Magkun siya, “Apasi yi niyu ti paggira. Ag kilalan-a niyu aku ti Diyus. Kamu pag manga nasyun sa buu kalibutan dumayaw sa kangku.”

Pag-ighit 24:9

Nagtukad sa bantud sida ni Muysis, ni Aarun, ni Nadab, ag ni Abihu hanggan ti 70 ka paggurangunun sa Israil,

Isayas 1:1

Inda pag ribru tungkul sa ipinaburayhaw Diyus sa kan Isayas kay anak ni Amus. Tungkul inda sa Huda ag sa Hirusalim katpung naghari sa Huda sida ni Usyas, ni Hutam, ni Akas ag ni Isikyas.

Isayas 12:4

Pagras-ug ati pag sirang, manganta kamu: “Dayawa niyu ti Panginuun! Sambaha niyu siya! Tultulan niyu sa manga nasyun kay manga binuwat. Tultulan niyu siya ti kailangan dapat dayawun.

Isayas 57:15

Inda waya ti pagsabihun Kaabwat-abwatan pag Diyus, ti Banal pag Diyus buhi hanggan aban: “Mag-uli aku sa abwat ag banal pag rugar, dapat mag-uli diman aku kaibahan manga tawu mapinakumbabaun ag mapinatawadun, hampay sida kang pabisugun.

Isayas 66:1

Inda ti pagsabihun Panginuun, “Ti langit kang tukawan hari, ag ti daga kang tarat-an lulud. Nakan hintay pag kalasi balay ti ipatindug niyu para sa kangku? Naan niyu aku pag-ipahari pag rugar?

Isikil 1:1

Aku si Isikil ti manughandug, kan Busi anak, ag usa aku sa manga binihag sa Babilunya. Usa ka sirang, katpung ati aku mag-uli sa saruy Sapa Kibar kaibahan ti iba manga bihag, binmukas ti langit ag sinuldan aku kamaskihan Panginuun, ag may manga ipinakakit siya sa kangku manga pangakakitun. Nangyari inda sa ikalima pag sirang katpung ikap-at pag bulan katpung ika-30 pag timpu. Ikalima inda pag timpu pagkabihag sa kan Hari Hihuyakin.

Isikil 10:1

Habang magbantay aku, may nakitan aku ga usa ka tukawan hari binwat ginan sa batu sapiru. Asan inda sa tungud tabun salamin sa tungud ulu manga kirubin.

Isikil 10:4

Bag-u inmighit ti kadayawan Panginuun sa tungud manga kirubin ag sinmalyu sa sabian Balay Diyus. Pinatakipan rurum ti Balay Diyus, ag ti sugkadan nagrayaw dahil sa kadayawan Panginuun.

Danyil 10:17

Kabitay aku makahampang sa kanmu udyi aku may kabisugan, harus unman yi aku makaarup?”

Danyil 7:9

“Bag-u nakitan niku may ipinauli manga tukawan, ag tinmukaw sa kay tukawan ti Diyus Buhi unman may Katapusan. Masilaw kay rutay hanggan kay buhuk dahil sa kalagtian. Maglabdab kay tukawan may manga gulung.

Bilang 12:8

Nu maghampang aku sa kanya, ga mag-aratubangan diman kami dahil kang pagbagawun sa kanya magkasalman gid mayad ag balaw sa pahalimbawa. Ga mag-akitan niya aku. Nakan hayga kamu unman gid magkadala magbagaw daut laban sa kang suruguun sa kan Muysis?”

Matiyu 25:31

Sinabi ni Hisus magkun, “Rumas-ug ti Anak Tawu aban hampay maghari, kaibahan niya ti tanan manga anghil, bag-u gamitun niya kay karampatan sa pagkahari may kadayawan.

Huwan 1:18

Kaybi ginan unman may tawu nakakit sa Diyus. Ti Bugtung Anak ti nagpakilala sa manga tawu nu kabitay ti Diyus. Dahil ti Bugtung Anak kaibahan Diyus ag pirmi gid sa kay arani Ama.

Huwan 12:41

Inda kay sinabi ni Isayas dahil ipinakakit Diyus sa kanya kay kadayawan aban ni Hisus ag kay binagaw ni Isayas tungkul ngani sa kan Hisus.

1 Timutiyu 6:16

Siya lang ti ud may kamatayan, siya ti mangulian sa dayu masumpung pag karayawan. Unman may nakakit sa kanya ag unman may kumakit sa kanya una kainda. Sa kanya ti kadayawan hanggan ti unman may katapusan pag kamaskihan. Amin.

Ipinakakit 15:8

Ti Balay Diyus punu yi anus dahil sa kay kadayawan hanggan kamaskihan Diyus. Unman may makasulud sa Balay Diyus hanggan sa ud makalawuy ti pitu ka kahigpitan ti dinara pitu ka anghil.

Ipinakakit 20:11

Bag-u nakitan niku ti laun pag malagti pag tukawan hari hanggan ti matukawan siti. Naparaw sa kay atubangan ti daga hanggan langit, udyi maan nakitan uman.

Ipinakakit 3:21

Ti manalu pag tawu imaw ti makatukaw sa kang arani minsan sa kang karampatan maghari parihu diman waydi sa kangku. Dahil aku nanalu nakan matukawan aku kainda sa arani niku Ama minsan sa kay karampatan maghari.

Ipinakakit 4:10

Sa kanda katpung magdayaw ti duwapulu may upat ka takinan napadapa sa atubangan tukawan hari, kanda pagsambahun ti matukawan siyun, ti may buhi unman may katapusan. Pag-ibugtang nida sa atubangan tukawan hari kanda manga sangbaw magkun,

Ipinakakit 4:2

Kadaka sinuldan aku Ispiritu Banal bag-u nakitan niku sa langit ti usa ka tukawan hari ag nakitan diman niku may matukawan siyun.

Ipinakakit 4:3

Kay uyahun masilaw ga mahalaga pag batu, ga haspi ag kurnalina. Sa kay sangput tukawan hari may usa ka balangaw malatuy ga batu ismiralda.

Ipinakakit 4:9

Katunda ngani ti upat ka linalang may buhi kanda magdayaw, maggalang hanggan magpasalamat sa hari magtukaw sa tukawan, imaw ti may buhi unman may katapusan.

Ipinakakit 5:1

Bag-u may nakitan aku sa sikun pag kamang Hari sa kay tukawan ti usa ka kasuratan malulunan may surat sa sulud hanggan sa luwas, siniradu pitu ka kula.

Ipinakakit 5:7

Nagpakarani ti Anak Karanidu bag-u kay ginamit ti kasuratan malulunan ginan sa sikun pag kamang Hari sa kay tukawan.

Ipinakakit 6:16

Magkun sida tabug sa manga bantud hanggan manga batu, “Tabuni yi niyu kami hampay unman makitan nimi ti uyahun Hari nakatukaw sa kay tukawan ag hampay unman madnugan nimi ti pangagalit Anak Karanidu.