Isayas 59:8 - Hanunuu

⁸ Unman kamu may alam tungkul sa may kahusayan pagpangabuhi. Pag-ipasipala niyu ti katadlungan ag kanyu waya inda pagpasalanun. Una si unu ti sumunud sa kanyu manga pagbuwatun, balaw diman makalakaw may kahusayan pagpangabuhi.

Isayas 59:8 Iomraidhean Croise

Kanta 125:5

Dapat parusahi kaibahan ti manga daut pag tawu kanmu nasakupan, ti magsunud sa balaw mayad pag-ugali. Israil, pagsa kanyu mana ti kahusayan!

Kabagawan 2:13

Tunda pag manga tawu nagbugya sa mayad pag ugali ag nagsunud sa ugali kadudulman.

Kabagawan 2:15

Balaw mayad kanda pag-ugaliun; balaw matadlung kanda paglakawan.

Kabagawan 21:8

Balaw matadlung ti buruwatun tawu may kasalanan, dapat matadlung ti buruwatun tawu unman may kasalanan.

Kabagawan 28:18

Ti tawu magpangabuhi unman may ikasabi balaw maunu, dapat ti tawu balaw hustu kay pagbuwatun midamhak rargu.

Kabagawan 3:17

Makaawat gid inda sa kanmu buhi ag ikaayad nimu kahamtangan.

Isayas 48:22

Dapat ti daut unman magkaimaw kahusayan, magkun ti Panginuun.

Isayas 5:7

Ti ubasan Panginuun Makamaskihan kay pag-alagaan ag makapakaun mana kabayaan sa kanya imaw yi ngani ti Israil ag Huda. Magsarig siya mangugali sida sa katadlungan dapat nadnugan ngap niya ti maglulumian manga pag-unuunuhun.

Isayas 59:11

Man-ngurub kita sa kakurian ga usu ag mandaghum ga manga kalapati. Pag-alagdun nita parusahan yi Diyus kanta manga kalaban ag iribri kita, dapat udwaya gid magkatupad.

Isayas 59:9

Nakan ngani udwaya pagparusahan Diyus kanta manga kalaban, ag udwaya nita magkatanggap ti panalu hanggan ti katadlungan. Nag-alagad kita rayaw, dapat dulum ti rinmas-ug. Nakan ngani sa madlum kita pag maglakaw.

Isayas 65:2

“Magpakaalagad aku sa kang manga nasakupan maganit kay ulu ag unman magsunud sa mayad pag-ugali. Kanda pagsundun kanda lang sadili naisipan.

Hirimyas 5:1

Magkun ti Panginuun, “Manga taga Hirusalim, pag-atag kamu sa kanyu manga baklayan! Bantayi niyu kanyu manga buruybuyahan! Nu may mag-akitan kamu matadlung hanggan matinupadun, balaw niku wayakun ti banwa.

Matiyu 23:23

“Kaawaawa kamu pag manga manugtudlu Kasuguan hanggan manga Parisiyu, magpabalhinguun lang kamu! Dahil kamu magpakaun ikasampulu manga pamanglu sa upi hanggan tanan manga urupiun, dapat unman niyu pagtupadun ti mas mahalaga pag sugu tungkul sa katadlungan hanggan sa maawaun ag matinupadun. Dahil magpakampi kamu sa kadautan, unman kamu maawaun, unman diman matinupadun. Balaw salan kamu sa kanyu magpakaun ikasampulu, dapat danga waydi niyu paglimti pagtupada ti mas mahalaga pag manga sugu.

Lukas 1:79

Marayawan ti manga tawu nangulian sa kadudulman ag hinarian kamatayan. Ilakaw kanta raprapa sa dalan kahusayan sa Diyus hanggan sa kanta kaparihu.”

Ruma 3:17

Unman nida alam ti dalan kahusayan.