Isayas 59:4 - Hanunuu

⁴ Balaw niyu pag-isipun ti katadlungan; ti manga bangdan niyu sa kanyu manga kaparihu pudu kapudilan. Daut kanyu manga pag-isipun, bag-u imaw tida kanyu pagbuwatun.

Isayas 59:4 Iomraidhean Croise

Hub 15:31

Balaw niya pagdayaun kay sadili sa panab-anan pagsarig sa manga bagay unman may pulus, dahil unman gid siya may mab-ul siyun ginan.

Hub 15:35

Pag-isipun nida pirmi man-gulu, manmuwat daut, ag mandaya.”

Kanta 12:3

Panginuun, mana paapasun yi nimu ti palabi-labihun hanggan ti marapaumang.

Kanta 62:10

Danga kamu magsarig sa magpanguwarta. Danga kamu magsarig may mab-ul kamu sa panab-anan panakaw. Una magdugang waya kanyu kayamanan, danga inda pagsarigi.

Kanta 62:4

Gustu lang niyu paighitun aku sa kang abwat pag katungkulan. Magbaya kamu magpudil. Magbagaw kamu mayad sa kangku dapat sa basad niyu tagipusuun pagkadat-an niyu aku.

Kanta 7:15

Dapat malu bantayi, kanda pagbuwatun kaguluhan hanggan pag-unuunu magbalik sa kanda. Parihu lang sa magkutkut sida ukang hampay malagpak ti iba, dapat sida ngap maaw ti malagpak.

Kabagawan 4:16

Dahil unman sida makaturug nu unman sida makabwat daut ngatay maipadamhak ti iba.

Isayas 10:1

Kaawaawa kamu manga manugbuwat balaw matadlung pag kasuguan, mag-api sa manga pugri niku pag nasakupan ag mag-irang katadlungan sa kanda. Sa panab-anan tunda pag kasuguan, pagbul-un niyu ti kasiyunan manga buranday hanggan manga ilu.

Isayas 26:18

Nagtawag kami dahil sa kakurian, dapat unman diman kami may ilinusad. Unman kami may nabwat hampay iribri ti daga nimi, ag dapat unman diman kami may nabuwat una hintay.

Isayas 28:15

Dahil magpadayaw kamu ag magkumun, “Nagbuwat kami kasunduan sa kamatayan hampay balaw kami mamatay, ag nagkasundu kami sa rugar manga namatay hampay balaw kami madara ati. Nakan ngani, balaw kami mipadamhak una waya rumas-ug ti manga kadautan ga baha, dahil kami magsarig maribri sa panab-anan nimi pamudil ag pagdaya.”

Isayas 29:20

Dahil madura ti manga marahigpit ag ti manga marapuya. Ag magkaramatay ti tanan maraibgun sa kadautan,

Isayas 30:12

Nakan magkun ti Banal pag Diyus sa Israil, “Dahil sa ipinurya niyu kang pagsabihun ag nagpaniwala kamu sa magpangihid ag magpandaya,

Isayas 30:9

Dahil manga manuglaban sida, pudilun, ag dayu mamatingi sa manga adal niku.

Isayas 33:11

Kamu manga taga Asirya, unman may pulus kanyu manga gayak ag manga pagbuwatun. Kanyu pangagalit parihu sa apuy imaw ti pumadamhak sa kanyu.

Isayas 44:20

Ti manga magbuwat inda ga nangaun dapug. Ipinatalang siya niya daut pag kaisipan, balaw niya mairibri kay sadili. Balaw siya pumasnu kuntay ti tawu-tawu asan sa kanya balaw diyus.

Isayas 47:10

Magpaniwala kawu balaw midamhak sa kanmu magbuwat kadautan, dahil pag-isipun nimu balaw may maghiling sa kanmu. Pag-ipatalang kawu nimu kadunungan hanggan kaalaman, tunda diman kay dahilan nu hayga pagsabihun nimu kawu ti diyus udyi may iba waya.

Isayas 5:18

Kaawaawa kamu manga manugbuwat kadautan nakahigut sa panab-anan kapudilan.

Isayas 5:7

Ti ubasan Panginuun Makamaskihan kay pag-alagaan ag makapakaun mana kabayaan sa kanya imaw yi ngani ti Israil ag Huda. Magsarig siya mangugali sida sa katadlungan dapat nadnugan ngap niya ti maglulumian manga pag-unuunuhun.

Isayas 59:15

Ungud, nadura yi ti katutuuhanan, ag ti manga mag-aman sa kadautan pag-unuunuhun. Nakitan tunda Panginuun ag nanruku siya dahil sa unman may katadlungan.

Isayas 59:16

Maglingut siya sa kay nakitan dahil unman may una di usa ti mag-awat sa manga pag-apihun. Nakan ngani sa panab-anan niya kamaskihan irinibri niya sida. Dahil matadlung siya, maawatan niya sida.

Isayas 59:3

Dahil magmatay kamu, magbuwat waya manga tuhay pag kadautan. Magbagaw kamu manga kapudilan.

Isayas 64:7

Unman una di usa sa kanmi ti maghagad ag maghingbut makahiyaput sa kanmu. Dahil napakarayu kawu sa kanmi, ag pinabay-anan nimu kami sa kanmi manga kasalanan.

Isayas 9:15

Kay ulu imaw ti manga takinan ag manga paggalangun pag tawu, kay ikug imaw ti manga pudilun pag purupita.

Hirimyas 48:7

Manga taga Muab, magtiwala kamu sa kakayahan ag kayamanan niyu nakan bihagun kamu hanggan kanyu diyus-diyusan si Kimus bag-u ti manga manughandug hanggan manga takinan inda.

Hirimyas 5:1

Magkun ti Panginuun, “Manga taga Hirusalim, pag-atag kamu sa kanyu manga baklayan! Bantayi niyu kanyu manga buruybuyahan! Nu may mag-akitan kamu matadlung hanggan matinupadun, balaw niku wayakun ti banwa.

Hirimyas 7:4

Danga kamu magpadaya sa manga tawu paulit-ulit magsabi kuntay unman may daut mangyari sa kanyu dahil sa kanyu ti Balay Panginuun. Magkun sida, “Atay sa kanta ti Panginuun! Atay sa kanta ti Panginuun!”

Hirimyas 7:8

“ ‘Dapat ay bantayi niyu nu hintay kanyu binwat! Magpaniwala kamu sa manga kapudilan unman may pulus.

Husyas 4:1

Kamu pag manga Israilita mag-uli sa daga Israil, patingihi niyu inda pag bangdan Panginuun laban sa kanyu, “Unman yi may matinupadun pag tawu sa kanyu daga, hanggan magmahal ag magkilala sa kangku, kanyu Diyus.

Mikas 2:1

Kaawaawa kamu pag manga magpuyat para lang gumayak daut. Pagka surip pagbuwatun niyu kanyu gayak daut dahil may kakayahan kamu bumuwat tunda.

Binwat 24:9

Nagkausa ti manga Hudiyu sa kan Tirtulu. Pinatutuuhanan nida ti tanan kay sinabi niya.

Santiyagu 1:15

Pagka ti daut pag kagustuhan nagtubu, nan-gamut yi, kay kasuruhan kasalanan. Pagka namhan ti kasalanan, kay kasuruhan yi kamatayan.