Isayas 59:18 - Hanunuu

¹⁸ Balusan niya kay manga kalaban angay sa kanda binwat, hanggan yi ti manga ati sa ararayu pag daga. Malakawan gid nida kay pangaisug.

Isayas 59:18 Iomraidhean Croise

Hirimyas 17:10

Aku, ti Panginuun, mag-usisa sa tagipusuun ag isip tawu. Balusan niku ti kada usa angay sa kay pag-ugaliun ag manga buwat.

Isayas 63:6

Sa kang pangagalit, tinat-an niku ti manga nasyun ag pinadampiray sida ga manga langu. Inuyang niku sa daga kanda dugu.”

Ruma 2:6

Dahil ti Diyus gumanti sa tanan tawu angay sa kanda balus.

Matiyu 16:27

Dahil udyi dugay bumalik yi ti Anak Tawu may mamaski pag kapangyarihan niya Ama, kaibahan niya kay manga anghil. Ati katpung pag udas gantihan niya ti kada tawu angay sa kay binwat.

Nahum 1:2

Balaw magkaibug ti Panginuun Diyus mansamba ti manga tawu sa tuhay pag manga diyus. Galit siya sa kay manga kalaban ag balusan niya sida.

Lukas 21:22

Dahil tunda yi ti kaudasan kaparusahan hampay matupad ti tanan manga bagay isinurat sa Banal Kasuratan.

Karukuan 4:11

Ipinasamit Panginuun kay buu pangagalit sa Hirusalim. Nakan inirub niya inda hanggan ti manga patakinan inda.

Isayas 66:15

Pagpatingi kamu! Rumas-ug ti Panginuun may dara apuy. Sumakay siya sa kay kalisa pan-gira parihu sa buhawi. Ipakakit niya kay galit sa kay manga kalaban, ag parusahan niya sida maglabdaban pag apuy.

Isayas 63:3

Sinmagut ti Panginuun, “Sa kang pangagalit, pin-gis niku ga ubas ti manga nasyun. Usa-usa di aku nagpigis; unman aku may iba. Kanda dugu tinmarupsik sa kang rutay; nakan nadagtaan kang rutay.

Isayas 1:24

Nakan magkun ti Panginuun, ti Makamaskihan pag Diyus Israil, “Gumaan kang tagipusuun nu maparusahan yi niku kamu pag manga taga Hirusalim kang manga kalaban.

Kanta 62:12

Pihu gumanti ti Panginuun sa manga tawu angay sa kanda manga binwat.

Hub 34:11

Pagbalusan niya ti tawu angay sa kay binuwat; pagmayadun niya inda angay sa kay ugali.

Ipinakakit 19:15

Nagluwang ginan sa kay bibig ti baladaw matarum, imaw ti pandaug niya sa manga nasyun tawu. Humari siya sa kanda may bitbit pamakul baul. Siya ngap ti tumata sa manga ubas sa basad pirigsan, imaw ngani ti mahigpit pag galit Diyus Makamaskihan sa tanan.

Ipinakakit 16:19

Natlu ti daka pag banwa. Natumpag yi ti manga banwa tanan nasyun. Udyi nakaribri sa sintinsiya Diyus ti bantug pag banwa Babilunya, pinainman intus, kay kahulugan kay mahigpit ngani pag galit Diyus.

Lukas 19:27

Nu bay kang manga kalaban tunda, daran-a niyu sitay tag sa kangku matya sa kang atubangan dahil sa dayu sida aku makahari sa kanda.’ ”

Isikil 38:18

Dapat Gug, sa tunda pag sirang indaay ti mangyari sa kanmu: Nu girahun yi nimu ti Israil, magalit gid aku. Aku, ti Panginuun Diyus ti may sabi inda.

Isikil 6:12

Ti manga ati sa arayu mamatay sa sakit. Ti asan sa arani mamatay sa girahan. Ag ti masawad mamatay sa lun-us. Sa inda pag paraan maungdan nida kang pangagalit sa kanda.

Isikil 5:13

“Nu mangyari yi inda madura yi kang masyadu pag pangagalit sa kanyu, ag makabalus yi aku. Nu maipasamit yi niku sa kanyu kang pangagalit, maalaman niyu aku, ti Panginuun, nagpakihampang sa kanyu dahil sa kang masyadu pag pangagalit sa kanyu.

Hirimyas 50:29

“Tawaga niyu ti manga manugpana hampay man-gira sa Babilunya! Sangputan niyu hampay unman may makapalagiw. Balusi niyu siya sa kay binuwat; buwata niyu sa kanya ti binuwat niya sa iba dahil linabanan niya ti Panginuun, ti Banal pag Diyus sa Israil.

Libitiku 26:28

sa kang pangagalit labanan niku kamu bag-u parusahan pitu waya gid ka bisis.

Diyuturunumiyu 7:10

Dapat ti manga unman magmahal sa kanya parusahan gid niya ag ipadamhak.

Isayas 35:4

Sabihun niyu sa manga magkadala, “Danga kamu magkadala. Pabisuga niyu kanyu nalub-anan. Rumas-ug kanyu Diyus hampay manmalus sa kanyu manga kalaban, ag iribri niya kamu.”

Isayas 40:10

Magras-ug ti Panginuun Diyus makamaskihan ag humari siya may kamaskihan. Magras-ug siya dara ti pirimyu, ti irinibri niya pag nasakupan.

Isayas 49:4

Dapat magkun aku, “Kang kakurian unman may pulus; inuyang niku kang kabisugan sa ud may pulus.” Dapat iinintirga niku inda sa Panginuun niku Diyus. Siya ti mamakaun pirimyu sa kang manga binwat.

Isayas 65:6

Magkun waya ti Panginuun, “Pagpatingi kamu, nisurat yi ti sintinsiya para sa kang manga nasakupan. Balaw mahimu mamatidung lang aku; bumalus aku. Balusan niku sida angay sa kanda manga kasalanan hanggan ti manga kasalanan nida kaumputan. Dahil magtuub sida manga kamangyan ag linabag aku una sa bantud hanggan sa manga tagudtud. Nakan balusan niku sida angay sa kanda binwat.”

Isayas 66:6

Mag-asaydan aw niyu ti ingay sa banwa hanggan sa Balay Diyus? Ingay tunda Panginuun habang pagbalusan niya kay manga kalaban.

Isikil 23:49

Ag kamu pag duwa ka magtar-ari, mangagwanta gid kamu dahil sa kanyu mahalay pag buruwatun ag pagsamba sa manga diyus-diyusan. Bag-u maalaman niyu aku ti Panginuun Diyus.”

Huwil 3:4

“Kamu pag manga taga Tiru, pag manga taga Sidun, hanggan ti tanan rugar sa Pilistiya, hintay inda ti pagbuwatun niyu laban sa kangku? Pagbalusan aw niyu aku sa manga binwat niku? Nu katunda, kadaka niku kamu balusan sa pagbuwatun niyu.

Diyuturunumiyu 32:41

asaun niku kang magkislap pag baladaw ag gamitun niku inda sa pagparusa. Balusan niku kang manga kalaban ag pabayadun ti manga magdumut sa kangku.

Isayas 66:14

Nu makitan niyu inda kang pagbuwatun, makabaya kamu, lumangba ga tanum. Ipakakit Panginuun kay kamaskihan sa kay manga manugsirbi, dapat ipakakit niya kay pangagalit sa kay manga kalaban.

Hirimyas 32:19

Pinakamarinu duy kanmu manga gayak ag makadululaw kanmu manga buwat. Mag-akitan nimu ti tanan pagbuwatun manga tawu ag pagbalusan duy nimu sida angay sa pag-ugaliun ag buwat nida.

Hirimyas 50:15

Paghuyaw kamu laban sa kanya sa tanan pag rugar! Bantayi niyu! Nag-ampu yi ti Babilunya! Magkawayak yi kay manga bantayaw ag nagkarapugdak yi ti manga alad batu niya. Ti Panginuun ti nagbalus sa kanya. Nakan balusan niyu siya ag buwatun niyu sa kanya ti binuwat niya sa iba.