Isayas 59:12 - Hanunuu

¹² Dahil masyadu yi mayamu kanta manga kasalanan sa Diyus imaw ti puruyba kuntay kailangan maparusahan kita. Pihu alam diman waydi nita magbuwat kita kadautan.

Isayas 59:12 Iomraidhean Croise

Isra 9:13

Pinarusahan nimu kami, Diyus nimi, dahil sa kanmi manga kasalanan. Dapat ti parusa nimu sa kanmi kurang waya sa dapat nimi tanggapun, ag pinasnuan nimu waya may masawad buhi sa kanmi.

Isra 9:6

Magkun aku, “Diyus niku, magkay-a gid aku. Unman aku makatangda sa kanmu sa masyadu pag kay-a, dahil masyadu gid kanmi manga kasalanan; ga lapaw yi inda sa kanmi manga ulu ag nag-aput yi sa langit.

Nihimyas 9:33

Matadlung kanmu binwat pagpihu sa kanmi. Matinupadun kawu sa kanmi, dapat kami inda nagbuwat kasalanan.

Kanta 51:3

Dahil sa tanan pag udas pag-isip-isipun ag pag-akuun niku kang manga kasalanan.

Isayas 1:4

Sida nasyun makasalanan, manga tawu punu kadautan, linahi manga manugbuwat daut ag magpandaut. Dinayu nida ag pinuyaan ti Panginuun, ti Banal pag Diyus Israil, ag pinatlikudan nida siya.

Isayas 3:9

Magkahalata sa manga uyahun nida kanda magsalan. Lantadan sida magbuwat kasalanan parihu sa Suduma. Balaw nida inda pag-itagu. Kaawaawa sida! Sida ngapu ti magpadamhak sa sadili nida.

Isayas 58:1

Magkun ti Panginuun, “Paghuyaw kamu ka daka parihu sa budyung! Danga niyu pag-apasi! Sabiha niyu sa kang manga nasakupan manga linahi ni Hakub kanda manga kasalanan hanggan paglabag.

Isayas 64:4

Ginan kaybi hanggan taynguna unman may nakadnug ngatay nakakit sa Diyus parihu sa kanmu mag-awat sa manga magsarig sa kanya.

Hirimyas 14:7

Magkun ti manga tawu, “Panginuun nagsalan duy kami sa kanmu. Pirmi kami magpakarayu sa kanmu, nakan dapat lang kami parusahan. Dapat awati duy nimu kami, sa ikadayaw nimu ngaran.

Hirimyas 3:2

“Bantayi niyu ti arabwat pag rugar nu naan asan kamu pag nagsamba sa kanyu manga diyus-diyusan. May rugar aw waya ati ti unman niyu inuringan? Pinayagting niyu ti daga dahil sa kadautan niyu. Kamu ga babayi baraydan matukawan sa saruy dalan mag-alagad lalaki. Parihu diman kamu sa usa ka mananakaw mag-alagad kay matakawan sa pangawakawaan.

Isikil 5:6

Linabag niya kang manga sugu, ag mas daut waya siya kaysa iba pag manga nasyun sa kay palibut. Dinayu niya kang manga sugu ag manga surundanun.

Isikil 7:16

Ti manga makaribri sa kamatayan ag makapalagiw tabug sa manga bantud manlumi ga uni manga kalampati, dahil sa kanda manga kasalanan.

Isikil 7:23

“Bihagun kang nasakupan dahil pirmi lang may magmaratyan ag kahigpitan sa kanda banwa.

Husyas 4:2

Bagkus ngap, daut kanyu pagbuwatun tabug sa iba, magpamudil, magpanmatay, magpanakaw ag magpanguragin. Nibarita yi inda una naan, ag dasun-dasun ti magmaratyan.

Husyas 5:5

Kanyu marapadayaw-dayaw magpatutuu kuntay dapat kamu parusahan. Ag dahil sa kanyu manga kasalanan midamhak kamu pag manga taga Israil kaibahan ti manga taga Huda.

Husyas 7:10

Kanda magpadayaw-dayaw ti magpatutuu dapat sida parusahan. Lang madi nangyari inda tanan sa kanda, unman gid sida nagbalik ag nagdangup sa kangku, ti Panginuun kanda Diyus.

Habakuk 1:4

Nakan nagbaliw unman may pulus ti kasuguan. Ag unman diman pag-ipatupad ti katadlungan dahil ti manga tawu may kasalanan imaw ti magpanalu sa atubangan husgadu balaw ti unman may kasalanan. Nakan nadura ti katadlungan.”

Bilang 32:23

“Dapat nu balaw katida kanyu buwatun, magkasala kamu sa Panginuun, ag pihu gid bayadan niyu kanyu kasalanan.