Isayas 59:11 - Hanunuu

¹¹ Man-ngurub kita sa kakurian ga usu ag mandaghum ga manga kalapati. Pag-alagdun nita parusahan yi Diyus kanta manga kalaban ag iribri kita, dapat udwaya gid magkatupad.

Isayas 59:11 Iomraidhean Croise

Kanta 119:150

Magpakarani sa kangku ti manga daut pag tawu maghingabut sa kangku, imaw ti magbugya sa kanmu kasuguan.

Kanta 119:155

Unman makaribri ti manga daut pag tawu, dahil balaw nida pag-isabuhi kanmu manga surundanun.

Kanta 38:8

Masyadu yi gid kang kalumuyan. Mag-arunghung aku sa sakit niku mag-asaydan.

Kanta 55:2

Patingihi ag saguta aku. Magkaaburidu aku sa kang manga kakurian.

Kanta 85:9

Tutuu gid iribri niya ti manga maggalang sa kanya, hampay ipakakit kay kamaskihan pumirmaminti sa kanta daga.

Isayas 38:14

Nanhagad aku awat hanggan tugka kang busis ga mag-uni wadi alipasang ngatay tagwak. Mag-arunghung aku ga mag-uni kalapati. Ti manga mata niku magkagasa yi sa pakatuturun atag sa tungud. Panginuun, awati nimu duy aku sa inda pagkakurian.

Isayas 51:20

Magpanlulubay sida ag mag-iribugtang sa manga baklayan. Parihu sida sa karasyaw nasduk sa lambat. Nakalakaw sida masyadu pag pangagalit Panginuun; sinungyaw sida Diyus.

Isayas 59:14

Imaw ti singyanan nakan udwaya pagsintinsiyahan Diyus kanta manga kalaban ag udwaya kita pagpakan-an panalu may katadlungan. Dahil udyi mag-akitan ti katutuuhanan una naan, ag ti manga tawu balaw yi masarigan.

Isayas 59:8

Unman kamu may alam tungkul sa may kahusayan pagpangabuhi. Pag-ipasipala niyu ti katadlungan ag kanyu waya inda pagpasalanun. Una si unu ti sumunud sa kanyu manga pagbuwatun, balaw diman makalakaw may kahusayan pagpangabuhi.

Isayas 59:9

Nakan ngani udwaya pagparusahan Diyus kanta manga kalaban, ag udwaya nita magkatanggap ti panalu hanggan ti katadlungan. Nag-alagad kita rayaw, dapat dulum ti rinmas-ug. Nakan ngani sa madlum kita pag maglakaw.

Hirimyas 8:15

Nag-alagad kita kahusayan, dapat unman may rinmas-ug kahusayan. Nag-alagad kita kaayadan, dapat kadalaan ti rinmas-ug.

Hirimyas 9:1

“Nu bubun lang mana danum kang ulu, ag kang manga mata bulbugan luwa, manlumi aku sirang yabi para sa namatay pag manga kasimanwa niku.

Karukuan 3:17

Bin-ul niya sa kangku ti mayad pag kahamtangan, ag unman yi niku magkalakawan ti kaabundahan.

Isikil 7:16

Ti manga makaribri sa kamatayan ag makapalagiw tabug sa manga bantud manlumi ga uni manga kalampati, dahil sa kanda manga kasalanan.

Husyas 7:14

Balaw tutuu kanda magtawag sa kangku. Maglumi sida sa kanda manga igyaan, pagbiyagan nida kanda bilug mintaras maghagad manga ani hanggan irinmun ubas sa kanda manga diyus-diyusan. Magpakarayu sida sa kangku.

Nahum 2:7

Itinagka yi bihagun kamu ag darahun sa iba rugar. Man-ngayung kanyu manga panawuhun babayi ga manga kalampati habang pagtaptapun nida kanda dubdub sa subra karukuan.

Nahum 2:8

Ti manga tawu magpalagiw ginan sa Ninibi ga danum lang magbulus ginan sa nabuswang tambung. Ti manga magpalagiw pagpabalikun nida manga kaibahan dapat unman yi gid may nagbalik.