Isayas 59:1 - Hanunuu

¹ Pagpatingi kamu! Ti Panginuun balaw malumuy hampay balaw rumibri. Balaw diman bungul siya hampay ud makadnug nu magtawag kamu sa kanya.

Isayas 59:1 Iomraidhean Croise

Gimpuunan 18:14

May bagay aw lugud balaw mabuwat Panginuun? Parihu sa kang sinabi, bumalik aku sitaay sa sunud pag timpu sa ga kainda diman pag udas, ag si Sara may imaw yi anak lalaki.”

Kanta 94:9

Ti Diyus ti naglalang kanta manga tuli hanggan manga mata, unman aw lugud siya makadnug ag makakit sa kanta?

Isayas 50:1

Magkun ti Panginuun sa kay manga nasakupan, “Ipinurya aw lugud niku ti Hirusalim parihu sa usa ka lalaki nanayak sa kay asawa? Puruybahan niyu! Ipinabihag yi aw niku kamu parihu sa usa ka tawu ipinabili kay manga anak sa kay inutangan hampay buwatun suruguun bayad sa kay utang? Unman gid! Ipinabili kamu dahil sa kanyu kasalanan. Dinayu ti Hirusalim dahil sa kanyu paglapastangan.

Isayas 50:2

Hayga balaw niyu aku binati katpung sa kang pagras-ug? Hayga balaw kamu nagsagut katpung pagtawagan niku kamu? Balaw aw lugud niku kamu kaya iribri? Kaya ngani niku pak-atun ti dagat sa usa lang ka bagaw. Kaya diman niku buwatun tigangan ti sapa hampay mamatay ti manga isda.

Isayas 58:9

Nu manpakarani kamu sa kangku hampay manhagad awat, sagutun niku kamu. “Nu apasan niyu kanyu mag-api, ti magbangdan kapudilan, ti magbagaw daut,

Isayas 6:10

Magkun waya siya, “Paganita nimu tunda pag manga tawu kay tagipusuun. Pabay-ani nimu sida magpabungul-bungul ag magpabuta-butaun, dahil barang makadnug sida, makakit, ag makaintindi. Dahil nu makaintindi sida, bumalik sida sa kangku, ag maayadan.”

Isayas 63:1

Si unu tunda tig patangad ginan sa Busra sa sakup Idum, kay marinu pag rutay nadagtaan maragang? Magras-ug siya may dara kapangyarihan. Siya ti Panginuun magpaburayhaw kapanaluhan niya manga nasakupan ag may kamaskihan magribri.

Isayas 65:24

Bag-u di sida mandarangin ngatay sa udas di waya magdarangin, sagtun yi niku sida.

Hirimyas 14:9

Parihu diman aw duy kawu sa tawu unman may magkabwat ag sundalu unman may kakayahan magribri? Kaibahan nimi kawu, Panginuun, ag kami kanmu nasakupan, nakan danga duy nimu kami pagpabay-ani.”

Hirimyas 32:17

“Panginuun Diyus, linalang nimu ti langit ag ti daga sa panab-anan nimu kamaskihan. Unman may una hintay pag bagay ti unman nimu mabwat.

Isikil 8:18

Nakan masamitan nida kang pangagalit. Balaw gid niku sida kaawaan. Una manringgit waya sida mabisug sa paghagad awat sa kangku, balaw niku sida patingihan.”

Mikas 2:7

Hayga, sinaadan aw lugud Panginuun kay lahi ni Hakub? Tabu yi aw lugud kay pasunaid? Buruwatun aw lugud niya ti magruris?” Inda kay sagut Panginuun, “Nu pagbuwatun lang niyu ti kaayadan, matanggap gid niyu kang manga taratu.

Bilang 11:23

Magkun ti Panginuun sa kan Muysis, “May hangganan aw lugud kang kamaskihan? Makitan nimu taynguna nu mangyari kang pagsabihun ngatay unman.”

Matiyu 13:15

Maganit kay tagipusuun inda pag manga tawu. Makuri makadungug kanda manga tuli, ag ipinusik nida kanda manga mata, dahil dayu nida ibantay ngatay ipakidnug, barang makaunawa kanda tagipusuun ag bumalik sida sa kangku, ag kang paayadun.’

Hibriyu 7:25

Nakan ngani siya ti lubus makaparibri sa manga tawu magpakarani sa Diyus sa panab-anan niya, dahil pirmi di buhi siya hampay manab-anan sa kanda sa atubangan Diyus.

1 Samwil 4:3

Pagkalawuy girahan, nagbalik sa kanda kampu ti nasawad pag manga Israilita. Pinaingana sida manga manugpamahala sa Israil magkun, “Hayga pinabay-anan Panginuun matalu kita manga Pilistiyu? Mayad waya bul-un nita ti Kaban Kasunduan Panginuun ati sa Silu, hampay giyahan niya kita ag iribri sa kanta manga kalaban.”

1 Samwil 8:18

Ati katpung aban dumangup yi gid kamu sa Panginuun dahil sa pag-unuunu niyu hinagad pag hari, dapat kamu balaw gid dungugun Panginuun.”