Isayas 57:5 - Hanunuu

⁵ Pagsambahun niyu kanyu diyus-diyusan sa panab-anan pag-ululidan niyu sa sirung manga maraybung pag puun kayu kanyu isip banal. Pag-ihandug niyu kanyu manga anak sa manga bululusan danum sa sagasadan manga bantud.

Isayas 57:5 Iomraidhean Croise

1 Hari 14:23

Nagbuwat diman sida manga simbahan sa abwat pag manga rugar hanggan aramirawan pag manga batu. Nagpatindug sida manga tulduk tanda diyusa si Asira sa kada babaw tagudtud ag sa kada sirung maraybung pag puun kayu.

2 Hari 17:10

Nagpatindug sida aramirawan pag manga batu hanggan manga tulduk tanda diyusa si Asira sa kada babaw tagudtud ag sa kada sirung maraybung pag puun kayu.

2 Hari 17:7

Nangyari inda sa manga taga Israil dahil nagkasala sida sa Panginuun nida Diyus, ti nagpalwas sa kanda sa Ihiptu, ag nagribri sa kanda sa kamang hari Ihiptu. Nagsamba sida sa manga diyus-diyusan

2 Hari 23:10

Ipinadaut diman ni Husyas ti harandugan sa Tupit, sa Luung Bin Hinum, hampay unman may manhandug ati kanda manga anak sa apuy para sa kan Muluk.

2 Krunika 28:3

Nagsunug siya manga handug sa Luung Bin Hinum, ag ihinandug gid ngap niya sa apuy kay manga anak lalaki. Sinunud niya ti mayagting pag manga buruwatun manga nasyun ipinalayas Panginuun sa panab-anan manga Israilita.

Pag-ighit 32:6

Nakan pagkanasurip, madlum surip nagbangun yi ti manga tawu ag namakaun manga handug pagsunugun hanggan handug sa mayad pagpakiusa. Nansararuhan sida ag nanginuman, bag-u ilinubus kanda kabayaan sa pagsamba sa gintu baka.

Isayas 1:29

Mangay-a kamu manga taga Hirusalim dahil sa kanyu magsamba sa manga puun kayu insina hanggan sa manga banal pag halamanan.

Hirimyas 17:2

Una kanyu manga anak magsamba sa manga harandugan niyu hanggan sa manga tulduk tanda diyusa si Asira sa sirung maraybung pag puun kayu ag sa manga babaw tagudtud.

Hirimyas 2:20

“Katpung panawuhun kamu, ga baka kamu nakasingkaw ngatay manga pirisu nakatarikada. Dapat pagka napalpasan yi niku kamu, dayu maan kamu magsirbi sa kangku. Bagkus ngap, nagsamba kamu sa manga diyus-diyusan sa kada arabwat pag tagudtud hanggan sa sirung kada maraybung pag puun kayu. Parihu kamu sa babayi baraydan.

Hirimyas 3:13

Akua lang nimu kanmu kasalanan, kuntay naglaban kawu sa kangku, sa Panginuun nimu Diyus, hanggan sa pagsunud nimu sa tuhay pag manga diyus sa panab-anan pagsamba sa kanda sa sirung kada maraybung pag puun kayu. Akua nimu kuntay unman kawu nagsunud sa kangku. Aku, ti Panginuun, ti magsabi inda.’ ”

Hirimyas 3:6

Katpung udas kay maghari ni Usyas, magkun sa kangku ti Panginuun, “Nakitan aw nimu ti binwat maradaya pag Israil? Sinmamba siya sa manga diyus-diyusan sa kada arabwat pag tagudtud hanggan sa sirung kada maraybung pag puun kayu. Siya ga babayi magpanguragin.

Hirimyas 32:35

Nagpatindug sida manga simbahan para kan Baal ati sa Luung Bin Hinum, ati diman nida pag-isagda sa kan Muluk kanda manga anak. Balaw niku inda pag-isugu sa kanda; balaw diman inda sinmulud sa kang isip kuntay buwata nida inda pag mayagting pag bagay imaw ti pinun-an kasalanan manga taga Huda.

Hirimyas 50:38

Mak-at ti tanan pagbul-an niya danum! Dahil ti Babilunya rugar napnu pagkayamu pag diyus-diyusan, manga diyus-diyusan magpatalang sa manga tawu.

Hirimyas 51:7

Ga siya ungut gintu sa kang kamang punu intus. Pinainman niya ti manga nasyun sa buu kalibutan, bag-u sida nalangu ag nagbaliw paung.

Hirimyas 7:31

Nagpatindug diman sida simbahan sa abwat pag rugar sa Tupit, sa Luung Bin Hinum, hampay ati pagsunugun nida kanda manga anak bilang handug. Balaw niku inda pag-isugu sa kanda, balaw diman inda sinmulud sa kang isip.

Isikil 16:20

“ ‘Bin-ul diman nimu kanmu manga anak lalaki ag babayi kanmu anak sa kangku ag ihinandug nimu bilang karan-unun sa manga diyus-diyusan. Unman aw waya lugud kawu magkasulung sa kanmu magpanguragin?

Isikil 20:26

Pinabay-anan diman niku sida dagtaan nida kanda sadili sa panab-anan nida manga handug sa manga diyus-diyusan kaibahan yi sitay ti pagsagda nida kanda panganay pag manga anak lalaki. Pinahintulutan niku inda hampay umalinlangan ag madala gid sida bag-u maalaman nida aku ti Panginuun.’

Isikil 20:28

Dahil katpung dinara niku sida sa daga kang itinaratu ipakaun sa kanda, naghandug sida manga handug, manga kamangyan, ag manga irinmun sa abwat pag manga rugar ag sa maraybung pag manga kayu kanda makitan. Nakan nagalit gid aku sa kanda.

Isikil 20:31

Taynguna pagdagtaan niyu kanyu sadili sa panab-anan pagsagda sa kanyu manga diyus-diyusan kaibahan yi ti pagsagda niyu sa kanyu manga anak lalaki sa apuy. Nakan nasakupan Israil, aku, ti Panginuun Diyus buhi, balaw gid mamakaun payu sa kanyu una waya manhagad kamu.

Isikil 6:13

Ag maalaman nida aku ti Panginuun nu ti manga bangkay nida manga kasimanwa mawayak kaibahan sa kanda manga diyus-diyusan sa sangput nida manga harandugan, sa manga bantud, sa tagudtud manga bantud, sa puun daraka pag manga kayu, ag sa puun maraybung pag manga kayu insina, nu naan maghandug sida kamangyan sa kanda manga diyus-diyusan.

Libitiku 18:21

Danga nimu ipakaun kanmu anak bilang handug sa diyus-diyusan si Muluk, dahil paglapastangan tunda sa kangku sa kanmu Diyus. Aku ti Panginuun.

Bilang 25:6

Bag-u may usa ka Israilita nagtaban babayi Midyanita tag sa kay magtal-anakan. Maghiling si Muysis hanggan ti buu kadamlan Israil habang mag-amiraw sida siyun sa may sabian Turda Taragbuan.

Diyuturunumiyu 12:2

Nu tabugun yi niyu ti manga mag-ulian ati pag manga tawu, pandauta niyu ti tanan rugar sarambahan nida sa kanda manga diyus-diyusan: sa manga babaw bantud hanggan sa manga tagudtud, ag sa sirung maraybung pag manga kayu.

Ipinakakit 18:3

Dahil ga pinalangu banwa Babilunya ti tanan manga nasyun tawu sa kay pinagkaalak, sa kay magpanguragin. Nanguragin sa kanya ti manga hari sa babaw daga, ti manga magnigusyu nagyaman dahil sa kay ugali magpanguragin.”