Isayas 57:15 - Hanunuu

¹⁵ Inda waya ti pagsabihun Kaabwat-abwatan pag Diyus, ti Banal pag Diyus buhi hanggan aban: “Mag-uli aku sa abwat ag banal pag rugar, dapat mag-uli diman aku kaibahan manga tawu mapinakumbabaun ag mapinatawadun, hampay sida kang pabisugun.

Isayas 57:15 Iomraidhean Croise

Gimpuunan 21:33

Nantanum si Abraham usa ka puun kayu tamarisku ati sa may Biirsiba ag sinamba niya ati ti Panginuun, ti Diyus hanggan aban.

1 Hari 8:27

“Diyus, makaulian gid aw waydi kawu sitay sa kalibutan? Unman ngani kawu magkang-ud sa langit, una sa pinakaabwat pag bahagi langit, sitay aw waya sa kang ipinatindug pag Balay Diyus?

2 Krunika 34:27

Pinatingihan niku kanmu darangin, dahil nag-ampu kawu ag nagpakumbaba sa atubangan niku pagka nadnugan nimu ti sinabi niku laban sa inda pag rugar ag sa manga mag-uli sitay. Ginisi nimu waya kanmu rutay ag nanlumi sa kang atubangan bilang pagpakakit karukuan nimu. Nakan aku, ti Panginuun, magsabi

Hub 22:29

Nu may imaw tawu magpanlumuy, ag nu idarangin nimu siya sa Diyus kuntay pabisuga siya, awatan niya tunda pag tawu.

Hub 6:10

Nu inda matupad, masulung diman aku, dahil una sa kang kakurian balaw gid niku pagdayuun ti bagaw Banal pag Diyus.

Kanta 111:9

Linukat niya kay nasakupan, ag nagbuwat siya kasunduan sa kanda sa unman may katapusan. Banal siya ag makadululaw kay ngaran.

Kanta 115:3

Kanmi Diyus asan sa langit ag pagbuwatun niya una hintay kay pagkaibgan.

Kanta 123:1

Panginuun, magdarangin aku sa kanmu, asan kawu sa langit, sa kanmu tukawan.

Kanta 138:6

Panginuun, una labaw kawu sa tanan, magpasunaid kawu sa manga makuri kay kahamtangan; dapat magpakarayu kawu sa manga tawu marapadayaw-dayaw.

Kanta 138:7

Una asan aku sa kakurian, pag-alagaan nimu kang buhi sa pangagalit niku manga kalaban. Pag-iribri nimu aku sa panab-anan nimu kapangyarihan.

Kanta 147:3

Pagpaayadun niya ti manga tagipusuun nibuyu; pagbulungun niya kanda manga biyag.

Kanta 34:18

Arani ti Panginuun sa manga may karukuan kay tagipusuun. Pag-iribri niya ti manga nabul-an pag-asa.

Kanta 34:19

Una mayamu ti manga kakurian sa matadlung pag tawu pag-iribri di siya Panginuun ginan sa tanan inda.

Kanta 51:17

Diyus, ti handug makapasulung sa kanmu, imaw ti buhi mapinakumbabaun ag mag-ampu sa kay manga kasalanan. Inda pag kalasi handug balaw nimu pagbugyahan.

Kanta 51:19

Bag-u makabaya kawu sa kang-ud pag manga handug, sakup yi ti manga handug pagsunugun lubus. Ag ihandug ti manga tudu baka sa kanmu harandugan.

Kanta 83:18

Mana maalaman nida kawu, Panginuun, imaw lang gid ti Kaabwat-abwatan pag Diyus sa buu kalibutan.

Kanta 90:2

Sa udwaya nimu linalang ti manga bantud hanggan ti kalibutan, kawu yi ti Diyus, ag kawu diman ti Diyus sa unman may katapusan.

Kanta 93:2

Hari yi kawu ginan waya sa kabag-u, dahil asan yi kawu kaybi waya.

Kanta 97:9

Dahil kawu, Panginuun, ti Kaabwat-abwatan pag Diyus, maghari sa buu kalibutan. Langbaw kawu sa tanan pag diyus.

Kanta 99:3

Dumayaw ti manga tawu sa kanya dahil makamaskihan ag garalangun siya. Banal siya!

Pag-ighit 15:11

Panginuun, si unu waya pag diyus ti parihu sa kanmu? Unman kawu may kaparihu sa kabanalan ag kamaskihan. Kawu lang ti Diyus ti magbuwat makadululaw pag bagay!

Pag-ighit 15:13

Sa panab-anan nimu parargu pag pagmahal, ibahan nimu kanmu irinibri pag nasakupan. Sa panab-anan nimu bisug, ibahan nimu sida sa banal nimu pag ulian.

Pag-ighit 15:18

Humari kawu, Panginuun, hanggan waya aban.”

Pag-ighit 40:34

Igu namhan inda tanan, ti Turda Taragbuan sinaput kadayawan Panginuun sa histuda rurum.

Pag-ighit 40:35

Unman makaslud si Muysis sa Turda dahil nasaput inda kadayawan Panginuun sa histuda rurum.

Kabagawan 16:19

Mayad man ti magkabuhi mapinakumbabaun kaibahan ti manga pugri kaysa manhururayan manga tinakawan pag bagay kaibahan ti manga mayabang.

Kabagawan 8:23

Hinistuda yi niya aku sa kabag-u di waya. Daan di aku udwaya ti kalibutan: ti dagat, ti manga bulbugan, ti manga bantud, ti manga tagudtud, hanggan manga katanmanan una waya ti manga galbuk.

Isayas 18:4

Dahil inda ti pagsabihun sa kangku Panginuun, “Ginan sa kang tukawan, maariwaya aku magbantay ga magrayaw init sa karaw-an sirang, ga sa magkabuu anitay sa maaringahut panahun tig-arani.”

Isayas 33:5

Ti Panginuun abwat sa tanan! Dahil siya mag-uli sa langit. Ipalantag niya ti katadlungan ag katuwiran sa Hirusalim.

Isayas 40:28

Unman aw niyu alam ngatay unman aw niyu nadnugan ti Panginuun imaw ti unman may katapusan pag Diyus ti naglalang buu kalibutan? Balaw siya magkagasa ngatay magpanlumuy, ag unman may makasalum sa kay isip.

Isayas 52:13

Magkun ti Panginuun, “Kang manugsirbi manalu. Bumaliw bantug siya ag paggalangun.

Isayas 6:1

Kaybi katpung timpu pagkamatay ni Hari Usyas, nakitan niku ti Panginuun matukawan sa abwat pag turukawan. Kay aba niya rutay magtaklub sa buu Balay Diyus.

Isayas 6:3

Magsarabihan sida sa usa kag sa usa: “Banal, Banal, Banal ti Panginuun Makamaskihan! Kay kadayawan magsakup sa buu kalibutan.”

Isayas 63:15

Bantayan duy nimu kami ginan sa langit, imaw kanmu banal ag abwat pag ulian. Naan yi kanmu pasunaid sa kanmi hanggan kanmu ipinakakit pag kamaskihan kaybi sa kanmi? Naan yi kanmu pagmahal ag pangaawa sa kanmi?

Hirimyas 10:10

Dapat ti Panginuun imaw ti tutuu pag Diyus. Siya ti buhi pag Diyus ag Hari unman may katapusan. Nu magkagalit siya magkatandug ti kalibutan, unman may nasyun makapadugay sa masyadu gid pag galit niya.

Karukuan 3:41

Bukasan nita kanta manga tagipusuun ag ipaabwat kanta manga kamang sa Diyus sa langit ag sabihun,

Isikil 16:63

Alalahanun nimu kanmu manga kasalanan ag mangay-a kawu, ag ga udyi kawu makabagaw sa masyadu pag kakay-ahan nu patawadun yi niku ti tanan nimu binwat. Aku, ti Panginuun Diyus, ti magbagaw inda.”

Isikil 9:4

ag sinabihan, “Palibuta ti Hirusalim ag markahi ti bangas manga magpanruku dahil sa tanan mayagting pag pagbuwatun sa banwa.”

Danyil 2:11

Makuri gid kanmu paghagadun, Mahal Hari. Ti manga diyus lang gid ti makabwat katida, dapat unman sida mag-uli kaibahan sa manga tawu.”

Danyil 4:17

Imaw inda ti parusa ipinasandam anghil hampay maalaman tanan ti Kaabwat-abwatan pag Diyus imaw ti may kamaskihan sa kaharian manga tawu. Ag mahimu niya sida ipasakup una sa kantapu nu gustu niya, una waya sa pinakapugri pag tawu.

Danyil 4:34

“Pagkalawuy pitu ka timpu, aku, si Nabukudunusur, nagdangup sa Diyus, ag nagbalik kang daan pagkaisipan. Nakan dinayaw niku ag kinilala ti Kaabwat-abwatan pag Diyus buhi sa unman may katapusan. Nagkumun aku, ‘Kay paghari unman may katapusan.

Huwil 2:13

Pag-ampu kamu sa buu niyu tagipusuun ag balaw pabalhinguun lang pag patawad sa panab-anan paggisi kanyu manga rutay. Pagbalik kamu sa Panginuun niyu Diyus, dahil maawaun siya ag marapasunaidun. Maawaun siya balaw magalitun. Alistu siya umanun kay isip hampay balaw yi mamadara parusa.

Mikas 5:2

Magkun ti Panginuun, “Bitlihim Iprata, una usa kawu sa pinakadiit pag banwa Huda, ginan sa kanmu pag tawu ti sumirbi sa kangku bilang takinan sa Israil. Kay manga kaumputan bantug kaybi sa un-an pag panahun.”

Mikas 6:8

Sinmagut si Mikas: “Tinudluan yi kita Panginuun nu hintay ti mayad. Inda ti gustu niya buwatun nita: Buwatun nita ti matadlung, palabihun nita ti maawaun sa iba ag pagmapinakumbabaun kita sa pagsunud sa kanta Diyus.”

Sakaryas 2:13

Dag-ingay kamu tanan pag manga tawu sa atubangan Panginuun, dahil rumas-ug siya ginan sa kay banal pag ulian.

Sakaryas 9:9

Magkun ti Panginuun “Paghuyaw kamu sa kabayaan, kamu pag manga mag-uli sa Siun, ti banwa Hirusalim, dahil kanyu hari rumas-ug yi. Matadlung siya ag marapanalu. Mapinakumbabaun siya ag rumas-ug masakyan sa anak asnu.

Matiyu 6:9

Kainda kamu nu magdarangin magkun, ‘Kanmi Ama sa langit, mana dayawun manga tawu kanmu ngaran.

Lukas 1:49

Dahil ti Diyus makapangyarihan may binwat daka pag manga bagay sa kangku. Banal kay ngaran!

Lukas 4:18

“Ti Ispiritu Panginuun nangulian sa kangku, dahil pinili niya aku hampay magtudlu Mayad pag Barita sa manga pugri. Sinugu niya aku hampay ibarita sa manga sa pirisuhan sida makaribri, hanggan sa manga buta sida humiling, ag hampay iribri ti manga naapi.

Binwat 3:14

Si Hisus banal ag matadlung. Dapat kanyu ngap dinayu. Bag-u hinagad ngap niyu ti manlilibun tawu hampay siya ti ipalpas.

Ruma 1:20

Kay unman may katapusan pag kamaskihan hanggan kay pagka-Diyus pag-ipakilala malinaw ginan sa manga bagay kay binwat niya ginan waya sa pagkalalang niya sa kalibutan. Nakan ngani unman yi sida may isingyanan.

2 Kurintu 1:4

Pinaariwaya niya kita sa tanan nita manga kakurian hampay kita maan makaawat sa tanan may manga kakurian dahil sa kanta maariwaya pag naisipan kanta tinanggap ginan sa Diyus.

2 Kurintu 2:7

Taynguna patawada yi niyu siya, sayahun niyu barang kay karukuan rargu ikalubay niya sarig.

2 Kurintu 7:6

Dapat ti manga maruku balaw pagpabay-anan Diyus. Sinaya niya aku pagka rinmas-ug si Titu.

Diyuturunumiyu 33:27

Ti unman may katapusan pag Diyus imaw ti kanyu darangpan; pag-alagaan niya kamu sa kay unman may katapusan pag kamaskihan. Ipatabug niya sa kanyu ti manga kalaban niyu, bag-u isugu niya sa kanyu padamhakan sida.

1 Timutiyu 1:17

Taynguna ti kadayawan hanggan kapangyarihan pagsa kanya, sa usa-usa ka Diyus, sa Hari ud may pinag-umpisahan, unman may katapusan, unman may kamatayan ag unman mag-akitan sa mata. Amin.

1 Timutiyu 6:16

Siya lang ti ud may kamatayan, siya ti mangulian sa dayu masumpung pag karayawan. Unman may nakakit sa kanya ag unman may kumakit sa kanya una kainda. Sa kanya ti kadayawan hanggan ti unman may katapusan pag kamaskihan. Amin.

Hibriyu 9:14

Lalu gid waya daka kay namhan dahil sa dugu ni Kiristu. Dahil sa kamaskihan Ispiritu unman may katapusan ipinakaun niya kay sadili sa Diyus unman may huput kasalanan. Kay dugu ni Kiristu tiglumpiyu sa kanta tagipusuun hanggan naisipan sa manga buwat unman may kabuluhan hampay kita magsirbi sa Diyus buhi.

Santiyagu 4:6

Dapat masyadu diman marig-un kay awat Diyus sa kanta. Dahil magkun ti Banal Kasuratan, “Ti Diyus lumaban sa manga mayabang, dapat mag-awat sa manga mapinakumbabaun.”

1 Pidru 5:5

Kamu duy pag manga udwaya masyadu kanyu idad, kailangan pagpasakup kamu sa manga manug-asiwa iglisya. Pagparasakpan kamu tanan magsirirbihan kamu sa usa kag sa usa. Angay sa isinurat sa Banal Kasuratan magkun, “Ti Diyus lumaban sa mayabang-yabang, dapat pakan-an niya kaayadan ti mapinakumbabaun kay naisipan.”

Ipinakakit 15:4

Si unu nguna, Panginuun, ti unman magkadala sa kanmu? Si unu nguna ti dayu manultul sa kanmu kamaskihan? Kawu lang ti banal. Tanan pag manga nasyun pumakarani, sumamba sa kanmu. Dahil nakitan tanan tawu matadlung kanmu manga buwat.”

Ipinakakit 3:7

“Isurat nimu inda para sa anghil magbantay sa iglisya sa banwa Piladilpiya: “Inda ti magsabi imaw yi ngani ti banal ag masarigan, ti may bitbit susi ni Hari Dabid. Nu siya ti nagbukas unman may makasiradu. Unman waydi may makabukas nu siya ti nagsiradu:

Ipinakakit 4:8

Tigtigun-um ka pakpak ti upat ka linalang may buhi, lipus mata sa kanda buu bilug. Unman may apas sida magkanta sirang yabi magkun, “Banal, banal, banal ti Panginuun Diyus Makamaskihan sa tanan. Ti Diyus kaybi ginan hanggan taynguna hanggan waya aban.”

1 Samwil 2:2

Unman gid may iba banal nu unman ti Panginuun. Unman gid may pumarihu sa kanya. Unman gid may palalan-iban pag batu ti pumarihu sa kanta Diyus.