Isayas 57:1 - Hanunuu

¹ Nu namatay ti usa ka tawu matadlung, unman may magpaingana nu hayga. Unman mayamu ti may alam kuntay ti manga tawu matadlung pagbul-un Diyus hampay ipakarayu sa daut.

Isayas 57:1 Iomraidhean Croise

1 Hari 14:13

Manhimanglaw sa kanya ti buu Israil ag ilubung siya. Siya lang sa magtal-anakan ni Hirubuam ti mailubung mayad, dahil siya lang ti pagbayaun Panginuun, ti Diyus Israil.

2 Hari 22:20

habang buhi waya kawu, balaw rumas-ug ti kadamhakan kang ipadara sa inda pag rugar. Mamatay kawu may kahusayan.” Ag tinultulan nida ti hari kay sagut ni Hulda.

2 Krunika 32:33

Pagka namatay si Isikyas, ilinbung siya sa tungud baliwa kalubngan manga linahi ni Dabid. Ginalang siya tanan nasakupan Huda hanggan Hirusalim katpung sa kay pagkamatay. Ag kay anak si Manasis imaw ti nag-ilis sa kanya bilang hari.

2 Krunika 34:28

tugka buhi waya kawu, unman rumas-ug ti pagruris ipinadara niku sa inda pag rugar ag sa manga mag-uli sitay. Mamatay kawu sa mahusay.” Ag sinabi nida sa hari kay isinagut ni Hulda.

2 Krunika 35:24

Nakan bin-ul nida siya sa kay kalisa ag isinakay sa usa waya niya ka kalisa bag-u dinara sa Hirusalim. Namatay siya ati ag ilinbung sa kalubngan niya manga ginurang. Naghimanglaw para sa kanya ti tanan nasakupan Huda hanggan Hirusalim.

Kanta 12:1

Panginuun, awati aku, dahil unman yi may nasawad maka-diyus hanggan masarigan.

Kanta 37:37

Bantayi kaayad ti tawu matinupadun ag matadlung. May mayad siya pag paratabgan ag may kahusayan.

Isayas 42:25

Nakan ngani, ipinasamit Panginuun ti masyadu niya pag pangagalit sa kanta sa panab-anan pagpakuri sa kanta sa girahan. Kay pangagalit parihu sa apuy nagsangput, mag-irub sa kanta, dapat balaw nita inda pinansin aw ngatay inisip.

Isayas 47:11

Nakan ngani rumas-ug sa kanmu ti kadamhakan, unman nimu alam nu kabitay tunda mipakarayu sa panab-anan nimu manga salumangka. Rumas-ug diman sa kanmu ti sarut balaw nimu mabayadan hampay umapas. Kadaka rumas-ug sa kanmu ti kadamhakan balaw nimu pag-isipun mangyari.

Isayas 47:7

Magkun waya kawu kanmu pagka rayna unman may katapusan. Dapat balaw nimu inisip kanmu manga binwat, nu hintay ti patabgan nimu aban sa uryan.

Isayas 57:11

Magkun ti Panginuun, “Si unu tunda pag diyus-diyusan ti pagkadalaan niyu ag namudil kamu sa kangku? Linimtan niyu aku ag udyi pinansin. Hintay lugud kay dahilan hayga balaw yi niyu aku pag-igalang? Dahil aw sa ud nangingay aku sa dugay pag udas?

Hirimyas 18:11

“Nakan sabihun nimu sa manga taga Huda hanggan sa manga taga Hirusalim kuntay inda ti pagsabihun niku, ‘Pagpatingi kamu! May paggayakun aku parusa para sa kanyu. Nakan pag-apas yi kamu sa kanyu daut pag ugali. Ti kada usa sa kanyu pagbag-u yi kay pagbuwatun hanggan ugali.’

Hirimyas 22:10

Manga taga Huda, danga kamu maglumi sa pagkamatay ni Hari Usyas. Bagkus ngap, paglumi kamu lubus sa kay anak niya sa kan Hihuahas ti nag-ilis sa kanya bilang hari sa Huda. Dahil binihag siya ag unman yi siya makabalik waya. Nakan unman yi niya makitan uman inda pag daga kay linusadan. Dahil Panginuun ti nagsabi balaw yi siya makabalik.

Isikil 21:3

Sabihi sida aku, ti Panginuun Diyus, magkun: Kalaban niku kamu! Ayitun niku kang baladaw ag panmatyun niku kamu tanan, mayad man ngatay daut.

Mikas 7:2

Ti ibug niku sabihun, unman yi aku may nakitan tawu sa Israil matinupadun sa Diyus. Udyi may nasawad tawu matadlung. Ti kada usa maghanap paraan hampay matyun kay kasimanwa, ga tawu mag-alistu suduk sa bulayun niya pag hayup.

Bilang 23:10

Unman may bumilang sa linahi ni Hakub sa kanda kayamuun parihu sa galbuk. Pasnuan mana nimu kang kamatayan parihu sa kanda sa manga matadlung.”