Isayas 55:8 - Hanunuu

⁸ Magkun ti Panginuun, “Kang naisipan balaw parihu sa naisipan niyu ag ti pamaraan niku balaw parihu sa pamaraan niyu.

Isayas 55:8 Iomraidhean Croise

2 Samwil 7:19

Ag taynguna, Panginuun Diyus, bukud waya siyun, may taratu waya kawu tungkul sa patabgan niku linahi. Kainda aw gid waydi ungud kawu nu mag-awat sa tawu?

2 Hari 5:11

Dapat nangisug si Naaman ag linmakaw yi magkurim-ud. Magkun siya, “Kang isip pihu gid lumuwas siya ag umatubang sa kangku. Kang isip manawag siya sa Panginuun sa kay Diyus bag-u ikupa niya kay kamang sa babaw niku lukub ag paayadun aku.

Hub 35:5

Pagtangda kawu sa langit ag bantayi kaayad nu kabitay kaabwat ti manga rurum.

Kanta 25:10

Sa tanan nimu pagbuwatun, pag-ipakakit nimu kanmu pagmahal hanggan katapatan sa manga magsunud sa pag-isugu nimu kasuguan.

Kanta 33:11

Dapat ti gayak Panginuun pumarargu sa unman may katapusan; kay manga turunu pumirmaminti hanggan aban.

Kanta 40:5

Panginuun niku Diyus, unman may makaparihu sa kanmu. Mayamu pag makadululaw manga bagay ti binwat nimu, ag mayamu kanmu gayak sa kanmi. Balaw niku inda mitultul tanan dahil masyadu mayamu.

Kanta 92:5

Panginuun, makamaskihan kanmu manga binwat! Balaw nimi masalman kanmu naisipan.

Kabagawan 21:8

Balaw matadlung ti buruwatun tawu may kasalanan, dapat matadlung ti buruwatun tawu unman may kasalanan.

Kabagawan 25:3

Nu kabitay balaw masukat ti kaabwatun langit ag ti kaabasadan daga, unman diman maalaman ti pag-isipun manga hari.

Isayas 14:24

Nanumpa ti Panginuun Makamaskihan magkun, “Matupad kang manga gayak, mangyari gid kang manga pasya.

Isayas 53:6

Kita tanan ga manga karanidu tinmalang. Kada usa sa kanta nagbuwat kanta pagkaibgan buwatun. Dapat siya ti pinarusahan Panginuun parusa para mana sa kanta tanan.

Isayas 58:13

Alalahana niyu ti Sirang Pamahari. Danga kanyu lang sadili kahamtangan ti kanyu pag-isipun sa tunda pag pinakamahalaga pag sirang. Pahalgai niyu inda sa panab-anan pagpigil sa kanyu sadili manga kagustuhan hanggan ikabaya, ag pag-apas magbagaw baragawun ud may kabuluhan.

Isayas 65:2

“Magpakaalagad aku sa kang manga nasakupan maganit kay ulu ag unman magsunud sa mayad pag-ugali. Kanda pagsundun kanda lang sadili naisipan.

Isayas 66:18

Alam niku kanda pagbuwatun ag pag-isipun. Nakan rumas-ug aku tipunun niku kang manga nasakupan sa tanan nasyun, bag-u makitan nida kang kadayawan.

Hirimyas 3:1

“Nu ti usa ka babayi tayakan niya asawa, bag-u inda pag babayi utru maan mangasawa, balaw yi siya kailangan bawiun niya un-an asawa, dahil magpauring gid inda sa kanyu daga. Kamu pag manga taga Israil magkabuhi ga usa ka babayi baraydan. Mayamu kanyu pagmahalun pag manga diyus-diyusan. Una katida, tawagun di maan niku kamu pagbalik sa kangku. Aku, ti Panginuun, ti magsabi inda.

Isikil 18:29

Dapat barang sumabi kamu nasakupan Israil, ‘Balaw matadlung ti palakaw Panginuun.’ Nasakupan Israil, kangku aw nguna pag manga palakaw ti balaw matadlung ngatay kanyu?

Danyil 4:37

Nakan taynguna pagdayawun niku ag pagkilalan-un ti Hari langit, dahil hustu ag matadlung ti tanan niya pagbuwatun, ag pag-ipaababa niya ti una si unu ti magpadayaw-dayaw.”

Husyas 14:9

Mana masalman ag maintindihan may pan-intindi ti manga nakasurat sitay. Kang-ud gid ti palakaw Panginuun ag pagsundun inda manga matadlung, dapat nagbaliw karadayaanan sa manga malinabagun.

1 Samwil 16:7

Dapat magkun ti Panginuun sa kan Samwil, “Danga kawu magbantay sa kay abwat ngatay sa kay rinu dahil balaw siya kang pinili. Kangku pag pamantay balaw parihu sa pamantay tawu. Ti tawu kay pagbantayan kay lang panluwas pag rinu, dapat aku sa tagipusuun di gid tawu pag magbantay.”