Isayas 55:6 - Hanunuu

⁶ Pagpakarani yi kamu sa Panginuun ag pagtawag sa kanya habang asan di waya siya hampay awatan kamu.

Isayas 55:6 Iomraidhean Croise

Kanta 145:18

Panginuun, arani kawu sa tanan magtawag sa kanmu.

Isayas 45:19

Balaw aku nagbagaw sa lipudan, sa unman may nakaalam. Balaw niku sinabi sa manga linahi ni Hakub kuntay pagpakarani sida sa kangku, unman diman waydi sida may matanggap sa kangku. Aku, ti Panginuun, magbagaw tutuuhanan. Pagsabihun niku nu hintay ti tama.”

Kanta 32:6

Nakan ti tanan tapat kailangan magdarangin sa kanmu sa udas kakurian, hampay nu rumas-ug ti kakurian ga baha, balaw sida maunu.

Kanta 14:2

Ginan sa langit magbantay ti Panginuun sa manga tawu, agud usisaun nu may nakaintindi sa katutuuhanan ag magdangup sa kanya.

Isayas 65:24

Bag-u di sida mandarangin ngatay sa udas di waya magdarangin, sagtun yi niku sida.

Amus 5:6

Pagdangup kamu sa kangku, kamu pag lahi ni Husi, agud mabuhi kamu. Dahil nu unman, girahun niku kamu ga apuy. Nakan maruris ti Bitil ag unman may makaampara inda.

1 Krunika 28:9

“Ag kawu, Sulumun anak niku, kilalan-a ag sirbihi ti Diyus ga kanmu ama sa buu nimu tagipusuun ag kaisipan, dahil mag-akitan Panginuun ti kada tagipusuun ag alam niya kanta gayak ag pag-isipun. Nu magdangup kawu sa kanya, awatan kawu niya; dapat nu mamugya kawu sa kanya, dayuun kawu niya tugka aban.

Hibriyu 2:3

Kabitay kita dayu parusahan gid nu unman intindihun nita ti barita tungkul sa inda pag mahalaga pag karibrihan. Pagka sa kabag-u, Panginuun gid ti nagpaalam bag-u ti manga nakadnug sa kanya nagtultul maan sa kanta, pinatutuuhanan nida ti karibrihan.

Kanta 27:8

Tinandug nimu kang tagipusuun kuntay pagdangup aku sa kanmu, nakan nagdangup aku sa kanmu, Panginuun.

Hub 8:5

Dapat nu pumakarani kawu sa Diyus Makamaskihan, manhagad pangaawa sa kanya,

Diyuturunumiyu 4:7

Udyi may tuhay makapangyarihan pag nasyun may diyus arani sa kanda parihu sa Panginuun nita Diyus arani sa kanta sa udas magtawag kita sa kanya.

Kanta 95:7

Dahil siya kanta Diyus, ag kita kay nasakupan kay pagbantayan ag pag-alagaan parihu sa manga karanidu. Nu masaydan niyu kainda ti busis Diyus,

Isayas 49:8

Inda ti pagsabihun Panginuun, “Sa kang-ud pag kaudasan iribri niku kawu, dungugun ag awatan. Alagaan niku kawu, sa panab-anan nimu, bumuwat aku kasunduan sa manga tawu. Utru nimu ipatindug ti daga Israil nawayak, bag-u ipakaun nimu inda sa kang manga nasakupan.

Hibriyu 3:13

Kailangan kamu magpararig-unan sirang-sirang hanggan may udas waya masabi taynguna. Barang una si unu sa kanyu dayaun di kasalanan ag gumanit kay tagipusuun laban sa Diyus.

Lukas 13:25

“Nu tumindug ti may apu balay bag-u kay talakpan yi ti sabian, kamu bay matindugan lang sa luwas sabian mag-ayawun tag sa sulud magkun, ‘Panginuun, bukasi yi duy ti sabian.’ Sumabi siya sa kanyu, ‘Unman aku magkilala sa kanyu nu taga naan kamu.’

Isayas 46:13

Balaw yi dumugay, ipakaun niku ti panalu hanggan ti katadlungan sa Hirusalim. Arani yi niku inda iribri; kilalan-un niku ti Israil.

Huwan 8:21

Sinabi maan ni Hisus sa kanda magkun, “Umighit yi aku aban bag-u kanyu gid hanapun aku, dapat mamatay kamu dahil sa kanyu manga kasalanan. Dayu kamu makaati sa kang atihan aban.”

Kanta 148:14

Pagpabisugun niya ag pagkilal-anun kay matinupadun pag nasakupan, ti Israil pagmahalun gid niya. Dayawun ti Panginuun!

Isikil 8:6

Magkun ti Diyus sa kangku, “Anak tawu, nakitan aw nimu ti pagbuwatun nasakupan Israil? Nakitan aw nimu ti mayagting gid pagbuwatun nida sitaay agud palayasun aku sa kang Balay? Dapat makitan waya gid nimu ti mas subra waya pag kayagtingan.”

2 Krunika 19:3

Dapat may imaw di mayad sa kanmu. Bin-ul nimu sa Huda ti manga tulduk tanda diyusa si Asira ag sinikap nimu sumunud sa Diyus.”

Kanta 75:1

Diyus, magpasalamat kami sa kanmu. Magpasalamat kami dahil arani kawu sa kanmi. Pag-ipabantug manga tawu kanmu makadululaw pag manga buwat.

Ipisu 3:13

Nakan ngani kang pagsabihun sa kanyu, danga malubay kanyu naisipan dahil sa kakurian kang pag-agwantahun tungkul sa kanyu. Inda nakan sa ikadayaw ngap niyu.

Isayas 12:6

Panringgit kamu ag pagkanta sa kabayaan, kamu pag manga taga Siun. Dahil makamaskihan ti Banal pag Diyus Israil sa kanyu arani.”

Matiyu 5:25

“Nu may magdimanda laban sa kanmu sa atubangan husgadu, paghurusayan dapu kamu mintaras may rugar waya hanggan sa udwaya nakaaput sa husgadu. Nu bay unman maghurusayan kamu, ipabahala kawu sa husgadu. Siya tig-intirga maan sa kanmu sa guwardiya ag kawu ipapirisu.

Diyuturunumiyu 4:29

Dapat nu ligawun niyu ti Panginuun niyu Diyus, makitan niyu siya, basta hanapun niyu siya buu tagipusuun.

Isayas 26:9

Buu tagipusuun kawu paghanap-hanapun nu yabi. Nu sintinsiyahan nimu ti manga tawu sa kalibutan, dumunung sida mangabuhi matadlung.

Isayas 45:22

“Pagpakarani kamu sa kangku hampay maribri, kamu tanan sa buu kalibutan. Dahil aku ti Diyus, purya sa kangku udyi may iba waya.

Isayas 58:9

Nu manpakarani kamu sa kangku hampay manhagad awat, sagutun niku kamu. “Nu apasan niyu kanyu mag-api, ti magbangdan kapudilan, ti magbagaw daut,

Isayas 65:10

Papaladan niku sida ti manga magpakarani sa kangku. Ti manga karatagan Sarun hanggan Akur buwatun paraharaban nida manga hayup.

Hirimyas 25:5

Magkun ti Panginuun sa panab-anan nida, “Patlikudi yi niyu kanyu manga daut pag ugali hanggan buwat hampay parargu kamu mangulian hanggan aban sa inda pag daga inayaw niku sa kanyu ag sa manga ginurang niyu.

Hirimyas 33:3

“Pagtawag kawu sa kangku ag sagutun kawu niku, ipaburayhaw niku sa kanmu ti manga makadululaw ag lihim pag manga bagay balaw waya nimu alam.

Isikil 14:6

“Nakan taynguna, sabihi ti nasakupan Israil aku, ti Panginuun Diyus, magkun: Pag-ampu kamu ag bugyahi kanyu manga diyus-diyusan, ag tayaki ti tanan niyu mayagting pag manga buwat.

Isikil 33:11

Taynguna sabihi sida, ‘Aku ti Panginuun Diyus buhi, magsumpa kuntay unman aku magbaya nu may mamatay daut pag tawu. Kang gustu pag-aman sida sa kanda daut ugali hampay mabuhi sida. Nakan kamu pag nasakupan Israil, pag-aman yi kamu sa kanyu daut ugali. Gustu aw lugud niyu mamatay?’

Danyil 4:27

Nakan Mahal Hari, mana tanggapun nimu inda kang paanyu sa kanmu: Pagpakarayu kawu sa kasalanan ag pagbuwat mayad, ag pagmaawaun kawu sa manga pugri. Nu buwatun nimu inda barang pumirmaminti kawu abunda.”

Hunas 3:8

Pagrutay saku kamu tanan, hanggan yi ti manga hayup, bag-u pangungud kamu sa darangin tabug sa Diyus. Pagpatlikud kamu sa kanyu daut pagpangabuhi hanggan sa kanyu maggiit.

Isra 10:2

Bag-u nagsabi sa kanya si Sikanyas anak ni Hiyil, linahi ni Ilam, “Unman kami nagmatinupadun sa kanta Diyus dahil nangasawa kami sa manga babayi balaw Israilita ginan sa kalibut nita pag kalamalayan. Dapat madi katida may pag-asa waya ti nasakupan Israil.

Kanta 34:19

Una mayamu ti manga kakurian sa matadlung pag tawu pag-iribri di siya Panginuun ginan sa tanan inda.

Kabagawan 8:17

Pagmahalun niku ti manga magmahal sa kangku; makitan aku manga maghanap sa kangku.

Husyas 10:12

Sinabi niku sa kanyu, ‘Palug-uda kanyu tagipusuun parihu sa daga inaradu. Pagtanum kamu katadlungan ag pag-ani pagmahal. Dahil udas yi inda hampay dumangup kamu sa kangku tugka sa kang pagras-ug, bag-u padarahan niku kamu karibrihan parihu sa uran.’