Isayas 55:3 - Hanunuu

³ Pagpakarani kamu sa kangku, pagpatingi hampay mabuhi kamu. Mamuwat aku unman may katapusan pag kasunduan sa kanyu. Ipadamdam niku sa kanyu kang pagmahal hanggan pangaawa ti itinaratu niku sa kan Dabid.

Isayas 55:3 Iomraidhean Croise

Gimpuunan 17:7

Tupadun niku kang kasunduan sa kanmu hanggan sa manga linahi nimu sa sunud pag manga sinulput tawu, aku kanyu Diyus hanggan aban. Inda pag kasunduan pumarargu hanggan aban.

Gimpuunan 49:10

Parargu kawu magpangulu, Huda. Ginan sa kanmu linahi ti bumaliw manga takinan. Nakan pumakaun buhis sa kanmu ti manga nasyun ag sumunud sa kanmu.

2 Samwil 23:5

Katunda ngani kang linahi sa magbantay Diyus, ag nagbuwat siya kasunduan unman may katapusan sa kangku. Inda pag kasunduan mayad ag malinaw, unman inda mauman. Nakan pihu aku pirmi di iribri Diyus ag ipakaun niya sa kangku ti tanan niku pagkaibgan.

2 Samwil 7:29

Mana ikabaya nimu ti pagpapalad sa kang magtal-anakan hampay pumarargu sida sumirbi sa kanmu atubangan hanggan aban, dahil tunda ngani kanmu itinaratu Panginuun Diyus. Ag sa inda pag papalad nimu, mapalad kang magtal-anakan hanggan aban.”

2 Krunika 6:42

Panginuun Diyus, danga duy pagbugyahi kanmu pinili pag hari. Alalahana duy kanmu pagmahal sa kan Dabid kanmu manugsirbi.”

Kanta 119:112

Nagdisisyun aku tupadun gid niku ti kanmu manga surundanun tugka aban.

Kanta 119:175

Pararguhan kang buhi hampay madayaw niku kawu, ag mana mangawat sa kangku kanmu manga sugu.

Kanta 78:1

Manga kasimanwa, patingihi niyu kang manga tudlu.

Kanta 89:28

Iparargu niku kang pagmahal sa kanya tugka aban, ag kang kasunduan sa kanya balaw gid pumalya.

Kanta 89:29

Ti kada hari sa Israil ginan sa kay manga linahi hanggan aban; kay kaharian dumugay parihu sa langit, unman may katapusan.

Pag-ighit 15:26

“Nu buu tagipusuun kamu sumunud sa kangku, ti Panginuun niyu Diyus, ag bumuwat mayad sa kang magbantay, ag sundun kang manga kasuguan hanggan surundanun, unman kamu padaran-an niku manga panakitun parihu sa ipinadara niku sa Ihiptu. Aku ti Panginuun kanyu manugbulung.”

Kabagawan 4:20

Anak, patingihi kaayad ti manga pag-itudlu niku sa kanmu;

Kabagawan 7:2

buwata ti manga pag-isugu niku sa kanmu, hampay lumawig kanmu buhi. Dahanan kaayad ti manga pag-itudlu niku sa kanmu parihu sa pagdahan nimu sa kanmu mata.

Isayas 51:4

“Manga nasakupan niku, pagpatingi kamu sa kangku. Patingihi niyu aku, nasyun niku! Ipakaun niku kang kasuguan ag sumirbi inda sulu sa manga nasyun.

Isayas 54:10

Una magkarapugdak ti tagudtud ag bantud, ti pagmahal niku sa kanmu balaw madura, una kang kasunduan sa kanmu ipauli niku kawu sa marinu pag kahamtangan. Aku, ti Panginuun magkaawa sa kanmu, ti magsabi inda.

Isayas 54:8

Dahil sa kadaka aku nagalit sa kanmu, tinayakan niku kawu ngalay, dapat dahil sa kang unman may katapusan pag pagmahal sa kanmu, kaawaan di niku kawu. Aku ti Panginuun kanyu Manugribri ti magsabi inda.

Isayas 61:8

“Dahil aku, ti Panginuun, magbaya sa katadlungan. Magkagalit aku sa manga mananakaw ag sa iba pag kadautan. Sa kang katapatan, pirimyuhan niku kang manga nasakupan ag mamwat aku usa ka kasunduan unman may katapusan sa kanda.

Hirimyas 30:9

Manirbi yi sida sa kangku, sa Panginuun kanda Diyus, bag-u mamili aku kanda hari ginan sa linahi ni Dabid.

Hirimyas 32:40

Mamuwat aku kasunduan unman may katugkaan sa kanda kuntay parargu aku magbuwat kaayadan sa kanda. Pakan-an niku sida maghinaum maggalang sa kangku hampay balaw yi sida pumakarayu sa kangku.

Hirimyas 33:26

pumirmaminti diman ti kasunduan niku sa manga linahi ni Hakub ag sa kan Dabid sa kang manugsirbi. Pumili aku ginan sa linahi ni Dabid humari sa manga linahi nida ni Abraham, Isaak ag Hakub. Kaawaan gid niku sida ag pabalikun sa kanda sadili daga ginan sa pagkabihag.”

Hirimyas 38:20

Magkun si Hirimyas, “Balaw duy kawu ipakaun sa kanda nu sundun lang nimu ti Panginuun. Maribri di duy kanmu buhi ag unman may una hintay ti mangyari sa kanmu.

Hirimyas 50:5

Mamaingana sida sa dalan atabug sa Hirusalim ag umati sida. Mamuwat sida unman may katapusan pag kasunduan sa kangku, ag unman yi gid nida inda kalimtan.

Isikil 16:60

Dapat tupadun di niku kang binwat kasunduan sa kanmu katpung kalay-awan waya kawu, ag mamwat aku sa kanmu kasunduan pumarargu sa unman may katapusan.

Isikil 34:24

Aku, ti Panginuun, bumaliw kanda Diyus, ag ti linahi niku suruguun ni Dabid imaw ti manug-alaga sa kanda. Aku, ti Panginuun, ti magbagaw inda.

Isikil 34:25

“Mamwat aku kasunduan sa kanda kuntay mumayad kanda kahamtangan. Palayasun niku ti maisug pag manga hayup sa kanda daga hampay makaulian sida sa pangawakawaan ag makaturug sa katalunan ribri sa kadilikaduhan.

Isikil 37:26

Mamuwat aku usa ka kasunduan sa kanda kuntay bumaliw mayad kanda kahamtangan ag inda pag kasunduan pumarargu tugka aban. Pauliun niku sida sa kanda daga ag payamuun niku sida, bag-u ipatindug niku kang Balay Diyus sa kanda karaw-an sa unman may katapusan.

Amus 5:4

Nakan pagdangup kamu sa kangku, kamu pag nasakupan Israil, agud mabuhi kamu.

Amus 5:6

Pagdangup kamu sa kangku, kamu pag lahi ni Husi, agud mabuhi kamu. Dahil nu unman, girahun niku kamu ga apuy. Nakan maruris ti Bitil ag unman may makaampara inda.

Matiyu 11:28

“Pagsitay tag kamu sa kangku, kamu tanan manga purus sa kanyu tarabahu hanggan sa kanyu dara mabuyat, kamu kang paalwanun.

Matiyu 13:16

“Pinapaladan kamu Diyus, dahil maghiling kanyu manga mata, magdungug kanyu manga tuli.

Matiyu 17:5

Sa kay di waya magbagaw hinamuyan sida masinay pag rurum. May nagbagaw ati ginan sa rurum magkun, “Inda kang pagmahalun pag Anak, siya lubus kang pagbayaun. Patingihi gid niyu siya.”

Huwan 10:27

Kang manga karanidu magdungug sa kang magbagaw. Kilala niku sida ag sida magkuyug sa kangku.

Huwan 6:37

Una si unu pag tawu nu iinintirga Ama sa kangku, pumasakup ngani tunda sa kangku. Ti tawu nu pumasakup sa kangku balaw kang dayuun.

Huwan 7:37

Pagka sa katapusan yi pag sirang Kapistahan imaw yi ti pinakamahalaga pag sirang, ati katpung tinmindug si Hisus bag-u sinabi niya sa daraka buka magkun, “Una hintay pag tawu nu magkauwaw, pagsitay siya sa kangku, pag-inum.

Huwan 8:47

Nu ti tawu anak yi Diyus, tanggapun niya kay manga bagaw Diyus. Nakan unman pagtanggapun niyu kang pag-itudlu, dahil unman kamu manga anak Diyus.”

Binwat 13:34

“Tungkul sa kay nagbuhi maan niya sa kan Hisus hampay dayu makalakaw karunutan hanggan aban, inda kay sinabi Diyus magkun, ‘Pihu gid pakan-an niku kamu kaayadan angay sa kang pakiusa sa kanyu, ga kang diman itinaratu sa kan Dabid.’

Ruma 10:5

Kainda kay sinurat ni Muysis tungkul sa kay pagkilala Diyus sa tawu kuntay matadlung nu sida magtupad sa Kasuguan. Magkun siya, “Ti tawu nu magtupad sa Kasuguan, may buhi siya sa panab-anan waydi Kasuguan.”

Hibriyu 13:20

Diyus ti gimpuunan kahusayan. Binuhi niya uman kanta Panginuun Hisus. Nakan si Hisus ti makamaskihan pag manug-alaga sa manga karanidu. Dahil sa kanya pag dugu pag itinalaghut ti unman may katapusan pag taratu.