Isayas 55:2 - Hanunuu

² Hayga niyu paggastusun kanyu kuwarta sa manga bagay bukun magkakaun? Hayga niyu pagtabuhun kanyu upa sa manga bagay bukun makapabusug sa kanyu? Pagpatingi kamu sa kangku ag makakaun kamu manga masarap pag karan-unun, ungud mabsug kamu.

Isayas 55:2 Iomraidhean Croise

Kanta 22:26

Mangaun ti manga pugri ag mabsug sida. Dayawun kawu manga magdangup sa kanmu. Pagsa kanda ti kaayadan hanggan ti malawig pag buhi.

Kanta 34:11

Abala kamu pag manga magkaibug dumunung sa kangku, patingihi niyu aku. Tudluan niku kamu sa paggalang sa Panginuun.

Kanta 36:8

Pagustu sida sa abunda pag karan-unun sa kanmu balay; pagpa-inmun nimu sida sa kanmu mahudmay pag danum.

Kanta 63:5

Makabaya aku parihu sa tawu busug gid sa karan-an. Ag dumayaw aku sa kanmu maghuyaw sa kabayaan.

Pag-ighit 15:26

“Nu buu tagipusuun kamu sumunud sa kangku, ti Panginuun niyu Diyus, ag bumuwat mayad sa kang magbantay, ag sundun kang manga kasuguan hanggan surundanun, unman kamu padaran-an niku manga panakitun parihu sa ipinadara niku sa Ihiptu. Aku ti Panginuun kanyu manugbulung.”

Kabagawan 1:33

Dapat ti magpatingi sa kangku mabuhi may kahusayan. Balaw siya maunu ag unman siya may kadalaan.”

Kabagawan 7:23

hampay matyun siya sa pamana. Parihu diman siya sa usa ka manuk magdaldali atabug sa suduk, unman niya alam kamatayan maaw kay patabgan.

Kabagawan 8:32

Nakan taynguna manga anak, patingihi niyu aku, dahil mapalad ti manga magsunud sa kang manga palakaw.

Kabagawan 9:5

Pagsitay kamu pagkaun karan-unun ag pag-inum sa inalistu para sa kanyu.

Manugtudlu 6:2

May manga tawu pinakan-an Diyus sa tanan nida pagka ibgan: ikadayaw, kasiyunan ag tuhay waya pag kayamanan. Dapat unman sida pinahintulutan Diyus makakinabang sa inda nu unman ti iba tawu. Unman inda may pulus, ag unman gid mayad.

Isayas 1:19

Nu sumunud lang kamu sa kangku, makakaun kamu pinakamarinu pag patubas daga.

Isayas 10:27

Sa ati katpung pag sirang, palpasan niku kamu ginan sa kapangyarihan Asirya. Ga bin-ul kanyu pas-an mabuyat ginan sa kanyu labay hanggan ti singkaw magpabuyat sa kanyu liug. Makalpas kamu ginan sa kanda kapangyarihan dahil bumaliw matabul kamu.”

Isayas 25:6

Sitaay sa Bantud Siun, ti Panginuun Makamaskihan mangalistu usa ka karan-an para sa tanan. Manga masarap pag karan-unun hanggan manga irinmun kay ialistu.

Isayas 44:20

Ti manga magbuwat inda ga nangaun dapug. Ipinatalang siya niya daut pag kaisipan, balaw niya mairibri kay sadili. Balaw siya pumasnu kuntay ti tawu-tawu asan sa kanya balaw diyus.

Isayas 46:6

Ti iba pag manga tawu magbulwat kay manga gintu ngatay pilak pagbayadan nida ti panday-pilak hampay buwatun tunda tawu-tawu bag-u kanda luhudan ag sambahun.

Isayas 51:1

Magkun ti Panginuun, “Pagpatingi kamu sa kangku, kamu ti manga magkaibug maribri hanggan ti manhagad awat sa kangku. Alalahana niyu sida ni Abraham ni Sara kanyu manga ginurang. Parihu sida sa batu nagpikahan ngatay nagkalihan sa kanyu. Kaybi tinawagan niku si Abraham, usa-usa siya, dapat pinapaladan niku siya ag pinakan-an mayamu pag linahi.

Isayas 51:4

“Manga nasakupan niku, pagpatingi kamu sa kangku. Patingihi niyu aku, nasyun niku! Ipakaun niku kang kasuguan ag sumirbi inda sulu sa manga nasyun.

Isayas 51:7

Pagpatingi kamu sa kangku, kamu ti manga may alam nu hintay ti kang-ud ag magsunud sa kang kasuguan! Danga kamu magkadala sa manga magpakay-a ag magpuya pag manga tawu sa kanyu.

Isayas 62:8

Nangaku ti Panginuun buwatun niya tunda sa panab-anan niya kamaskihan. Magkun siya, “Balaw yi niku ipakaun kanyu manga tirigu sa kanyu manga kalaban day-uhan. Udyi hanggan nida mainum ti manga binudlayan niyu pag irinmun ubas.

Isayas 62:9

Kamu ngap ti manug-ani tirigu ti kumaun tunda, ag dayawun niyu aku. Kamu ngap ti manugputi ubas ti uminum kay pinigis tunda ati sa kang Balay.”

Isayas 65:23

Balaw sida manarabahu sa ud may makinabang hanggan kanda manga anak balaw may malakawan kamalasan. Dahil sida manga tawu pagpapaladan Panginuun. Hanggan kanda manga anak kaibahan nida papaladan diman.

Hirimyas 12:13

Kang manga nasakupan mamamgas tirigu, dapat mangani sida dugi. Mangungud sida sa tarabahu dapat unman sida may pakinabangun. Mangani sida kakay-ahan dahil sa kang masyadu pangagalit.”

Hirimyas 17:24

Dapat nu sumunud lang kamu sa kangku, balaw kamu manarabahu ngatay mandara manga paninda sa puwirtahan Hirusalim sa Sirang Pamahari, bagkus ngap kilalan-un niyu inda ipinablag pag sirang,

Hirimyas 2:13

“Nagbuwat ti manga nasakupan niku duwa ka kasalanan: Dinayu nida aku, ti bulbugan magpakaun buhi, ag nagsamba sida sa tuhay pag manga diyus, bilang ga magkali sida bubun magkak-at.

Hirimyas 31:14

Pakan-an niku mayamu pag handug ti manga manughandug. Busugun niku abunda pag papalad kang manga nasakupan. Aku, ti Panginuun, ti magbagaw inda.”

Husyas 12:1

“Ti manga taga Israil magsarig sa manga bagay unman may pulus. Ti paglagsun nida sa buu sirang imaw ti manga bagay makapadamhak sa kanda. Mag-amat kanda pamudil hanggan pamuya. Magbuwat sida kasunduan sa Asirya hanggan sa Ihiptu, nakan ngani magdara sida lana ulibu sa Ihiptu bilang pamakaun.”

Husyas 8:7

“Parihu lang sida ga magpamgas durus ag mag-ani buhawi. Parihu diman sa tirigu unman may uhay, unman inda makapakaun karan-unun. Una waydi mamurak, iba nasyun di waydi ti kumaun.

Habakuk 2:13

Dapat tunda kanyu ipinabwat sa binihag niyu pag manga tawu sunugun lang waydi, nakan unman diman may pulus kanda binudlayan. Itinagka yi inda Panginuun Makamaskihan.

Matiyu 15:9

Kanda magsamba sa kangku unman may kabuluhan, dahil ti bilin tawu kanda pag-itudlu kuntay bilin Diyus.’”

Matiyu 22:4

Nagpasugu maan uman ti hari sa kay manga panawuhun magkun, ‘Sabiha niyu sa kang manga pinaalaman, malu ihinanda yi niku ti manga karan-unun, iniyaw yi niku kang manga tudu baka hanggan ti pinatabul pag manga ibun baka. Pagluwang yi kamu sitay sa pamasaruhan.’

Matiyu 5:6

Papaladan Diyus ti tawu nu ga magkalun-us ag magkauwaw kay magpatigagad makatupad sa kagustuhan Diyus, dahil ipakaun sa kanda ti kanda paggagadun.

Markus 7:14

Ipinakarani ni Hisus ti kayamuan sa kanya bag-u sinabi niya sa kanda, “Pagpatingi kamu tanan-tanan, intindiha kang pagsabihun sa kanyu.

Lukas 15:23

Bul-a niyu kanta pinatabul pag ibun baka, iyawa niyu bag-u kita mangaun hampay masulung gid.

Huwan 6:27

Danga kamu magbudlay tungkul lang sa karan-unun magkabangsiw. Pagmasigasid kamu hampay matanggap niyu ti karan-unun unman magkabangsiw, imaw ti makapakaun tutuu pag buhi unman may katapusan. Tunda ngani pag karan-unun ti ipakaun Anak Tawu sa kanyu dahil may tinanggap siya karampatan ginan sa Diyus Ama.”

Ruma 10:17

Ti tawu dayu waya sumarig nu unman nakadnug siya sa Mayad pag Barita. Makadnug lang ti tawu nu may manudlu tungkul sa kan Kiristu.

Ruma 9:31

Dapat ti Israil lalu ngap nanipag hampay matupad nida ti Kasuguan ni Muysis hampay pagkilalan-un mana sida Diyus kuntay manga matadlung, dapat sa kay magbantay Diyus kurang di kanda magtupad.

Diyuturunumiyu 11:13

“Nakan nu tupadun lang niyu pirmi ti pag-ipakaun niku pag manga sugu sa kanyu kainda kuntay mahalun niyu ti Panginuun niyu Diyus ag sirbihan niyu buu tagipusuun ag buu karadwa,

Hibriyu 13:9

Danga ngani kamu magpadara sa manga tuhay-tuhay pag manga adal tawu nu balaw angay sa kanta pagsarig sa kan Kiristu. Mayad ngani nu parig-unun nita kanta naisipan sa karibrihan kay pag-ipakaun Diyus sa kay mayad nabubut-un kaysa kanta pagtupad sa manga bilin tungkul sa karan-unun. Ti manga tawu nu magtupad sa tunda pag manga bilin, unman diman nida mapakinabangan tunda.