Isayas 55:1 - Hanunuu

¹ Magkun ti Panginuun, “Pagpakarani kamu, kamu tanan ti magkauwaw, indaay ti danum! Una unman kamu may kuwarta, pagpakarani kamu, pag-inum hanggan pagkaun! Abala kamu, pagbuul kamu intus ag gatas hanggan butiran karan-unun balaw may bayad!

Isayas 55:1 Iomraidhean Croise

Kanta 143:6

Ipinaabwat niku kang manga kamang sa kanmu sa kang magdarangin; magkauwaw aku sa kanmu parihu sa mamara pag daga magkauwaw sa danum.

Kanta 63:1

Diyus, kawu kang Diyus ag magdangup aku sa kanmu. Magkauwaw kang buu buhi sa kanmu, ga asan aku sa mamara pag daga unman may danum.

Kabagawan 8:4

“Kamu tanan pag nasakupan, may ihampang aku sa kanyu.

Kabagawan 9:1

Ti kadunungan parihu sa usa ka tawu nagpatindug daka ag marinu pag balay.

Kabagawan 9:5

Pagsitay kamu pagkaun karan-unun ag pag-inum sa inalistu para sa kanyu.

Kanta ni Sulumun 1:2

Parigsa aku nimu manga aruk, dahil kanmu pagmahal mas matagsing waya kaysa intus.

Kanta ni Sulumun 1:4

Tabana aku, mandaldali kita lakaw. Kawu kang hari. Daran-a aku sa kanmu sulud-sulud. Magbaya gid kami sa kanmu! Mas pagkaibgan nimi kanmu pagmahal kaysa intus. Hustu lang maibug sida sa kanmu!

Kanta ni Sulumun 5:1

Sinmulud aku sa kang gardin, sa mahal niku pag babayi. Tinipun niku kang mira hanggan manga pamanglu. Kinaun niku kang daykut ag nanginum kang intus hanggan gatas. Kamu pag manga magmalahalan, pagkaun kamu ag pag-inum.

Isayas 1:19

Nu sumunud lang kamu sa kangku, makakaun kamu pinakamarinu pag patubas daga.

Isayas 44:3

Dahil pakan-an niku kawu danum pamaraw uwaw hanggan humaug sa kanmu tigangan daga. Ipakaun niku kang Ispiritu sa kanmu linahi ag papaladan niku sida.

Isayas 52:3

Dahil inda ti pagsabihun Panginuun Diyus, “Binihag kamu ga manga tawu ipinabili bilang suruguun unman may bayad, nakan lukatun niku kamu unman diman may bayad. Nag-atag kamu kaybi sa Ihiptu hampay ati pag mangulianan ag inihid kamu ati. Ag kaybi sa uryan binihag diman kamu taga Asirya unman may bayad.

Karukuan 5:4

Kailangan waya nimi bilihun ti danum kanmi pag-inmun hanggan ti kayu kanmi pamagba.

Isikil 47:1

Bag-u dinara aku tawu pabalik sa may sabian Balay Diyus, ag ati may nakitan aku danum magbulus atabug sa butlakan ginan sa sirung sabian Balay Diyus. (Ti Balay Diyus maatubangan sa butlakan.) Bag-u linmiku ti danum pasikun, sa kanaway baliwa harandugan.

Isikil 47:9

Una naan tag pagbumulus tunda pag danum, mayamu gid manga isda hanggan iba waya manga hayup sa danum ti magkarabuhi, dahil pinasarap inda ti maasin pag danum.

Husyas 14:4

Magkun ti Panginuun, “Paayadun niku kang nasakupan sa kanda pagkamalinabagun, ag buluntad sa kang tagipusuun mahalun niku sida. Dahil nadura yi kang galit sa kanda.

Huwil 3:18

Sa ati katpung pag udas, papaladan niku kamu. Umabunda kanyu bag-u intus ginan sa mayamu pag ubas sa kabantudan, umabunda diman kanyu gatas ginan sa mayamu baka hanggan kambing magharab sa manga tagudtud. Udyi mak-atan kanyu manga laad hanggan sapa. Bumulus ti bulbugan ginan sa Balay Panginuun. Imaw ti maglantap sa manga nak-at pag bululusan danum sa may manga puun akasya.

Sakaryas 10:7

Ti nasakupan Israil bumaliw parihu sa mabaskug pag sundalu. Bumaliw masulung sida parihu sa nakainum irinmun makalangu. Maalaala nida manga linahi inda pag panalu ag makabaya sida dahil sa kang binwat.

Sakaryas 2:6

Magkun ti Panginuun sa manga Israilita, “Pinanwayak niku kamu una naan tag baliwa sa buu kalibutan. Dapat taynguna, pag-ighit yi kamu, hanggan kamu pag manga binihag sa Babilunya, ag pagbalik kamu sa Siun.”

Sakaryas 9:15

Ingatan Panginuun Makamaskihan kay nasakupan. Panat-an lang nida ti manga batu pag-ibintuk sa kanda nida manga kalaban. Mangaran-an ag manginuman sida sa pagdaus kanda panalu. Manhuruyawan sida ga manga langu. Mapnu kanda tiyan irinmun parihu sa malukung punu dugu panwidwisik sa manga suuk harandugan.

Matiyu 10:8

Paayadun niyu ti may manga sakit, buhiun niyu ti manga namatay. Paayadun diman niyu ti may dilikadu pag sakit sa lukub, ipalwas niyu ti manga labang. Nagtanggap kamu unman may bayad, pagpakaun kamu balaw waydi may bayad.

Matiyu 13:44

Magkun si Hisus, “Ti kaharian langit parihu sa yaman nakalubung sa usa ka tanman. Nakutkut tunda usa ka tawu bag-u kay dap maan tinabunan. Sa daka pag kabayaan niya nag-ati siya ipinabili niya ti tanan niya pag kasiyunan bag-u kay binili tunda pag tanman.”

Matiyu 26:29

Kang pagsabihun sa kanyu, dayi aku uminum inda pag intus ubas hanggan sa udwaya inmun niku ti bag-u intus ubas kasaru niku kamu sa kaharian niku Ama.”

Matiyu 5:6

Papaladan Diyus ti tawu nu ga magkalun-us ag magkauwaw kay magpatigagad makatupad sa kagustuhan Diyus, dahil ipakaun sa kanda ti kanda paggagadun.

Binwat 8:20

Sinabi ni Pidru sa kanya magkun, “Kailangan ipadamhak sa kamatayan kanmu kuwarta hanggan kawu, dahil kanmu banta hantup kuntay mabalyuhan kuwarta inda pag karampatan kay pakaun Diyus.

Ruma 3:24

Dahil sa pangaawa Diyus kinilala niya sida matadlung. Si Kiristu Hisus ti nagribri sa kanda.

1 Kurintu 3:2

Tinugun niku kamu gatas, balaw kamu pinakan-an niku maganit karan-unun dahil kamu udwaya karaug. Una kainda tugka kamu udwaya may kaya.

1 Pidru 2:2

Parihu sa manga lapsag bag-u nianak hanapun niyu ti pinagkagatas angay sa Ispiritu unman may lakut daut, hampay dumaka kanyu pagsarig hanggan sa udwaya matanggap niyu ti buu karibrihan.

Ipinakakit 21:6

Sinabi waya waydi niya sa kangku magkun, “Kang-ud tinupad yi. Aku ti Alpa ag ti Umiga, aku ti umpisa aku diman ti masawad. Una si unu ti magkauwaw pakan-an niku karampatan hampay makainum danum unman may bayad ginan sa bulbugan gimpuunan buhi.

Ipinakakit 22:1

Ipinakakit diman anghil sa kangku ti usa ka sapa kay danum makapakaun tutuu pag buhi sa tawu. Tunda pag sapa kay danum malindag parihu sa bubug. Kay bulbugan ginan sa tukawan Diyus hanggan Anak Karanidu. Bag-u magbulus sa karaw-an karsada banwa.

Ipinakakit 22:17

Pagsabihun Ispiritu hanggan aguman babayi magkun, “Pagsitay yi gid duy kawu.” Ti tanan nakadnug inda pagsabi waydi, “Pagsitay yi gid kawu.” Una si unu ti magkauwaw pagpakarani, pagbuul danum makapakaun tutuu pag buhi. Pakan-an diman siya unman may bayad.

Ipinakakit 3:18

Nakan ngani kang pagsabihun sa kanmu, pagbili kawu sa kangku lunsay yi pag gintu hampay kawu ungud gid yumaman. Pagbili diman waydi kawu malagti pag rutay hampay kawu may isulung, udyi kawu mangay-a sa kanmu pagkalilus. Pagbili waydi pamulung sa mata hampay kawu kumakit maan.

Rut 4:1

Nag-atag si Buus sa puwirtahan banwa tinmukaw ati. Pagka linmawuy ti pagsabihun niya pag pinakaarani pag katawuhan ni Ilimilik, magkun si Buus sa kanya, “Ampud, abala pagtukaw dap kawu.” Nagpakarani waydi ti lalaki ag tinmukaw.