Isayas 54:3 - Hanunuu

³ Dahil dumaka kanyu katugkaan, sakupun nimu manga nasakupan ti iba manga nasyun, ag kanda ulianan ati ti manga banwa tinayakan.

Isayas 54:3 Iomraidhean Croise

Gimpuunan 26:22

Nighit maan siyun ginan sida ni Isaak ag nankutkut maan tuhay pag bubun. Balaw yi nida inda inaratwanan, nakan iningarnan inda ni Isaak Rihubut. Dahil magkun siya, “Taynguna pinakan-an kita Panginuun maluang pag rugar hampay lalu waya kita yumamu sa inda pag rugar.”

Gimpuunan 28:14

Kanmu manga linahi yumamu ga galbuk sa daga. Man-ngalat sida sa inda pag tuhay-tuhay pag bahagi daga. Sa panab-anan nimu hanggan nimu manga linahi, papaladan niku ti tanan tawu sa kalibutan.

Gimpuunan 49:10

Parargu kawu magpangulu, Huda. Ginan sa kanmu linahi ti bumaliw manga takinan. Nakan pumakaun buhis sa kanmu ti manga nasyun ag sumunud sa kanmu.

Isayas 14:1

Kaawaan Panginuun ti Israil ag utru niya piliun bilang kay nasakupan. Utru pauliun niya sida sa kanda sadili daga, ag may manga day-uhan kumuyug mangulian kaibahan sa nasyun Israil.

Isayas 14:2

Awatan iba nasyun ti Israil hampay makabalik sida sa daga ipinakaun Panginuun sa kanda. Bumaliw suruguun nida ti manga day-uhan. Bihagun nida ti nagbihag sa kanda kaybi, ag sakupun nida ti manga nangapi sa kanda.

Isayas 26:15

Panginuun pinadaka nimu kanmi nasyun. Pinaluang nimu kanmi tab-anan, ag inda ti nakapakaun kagalangan sa kanmu.

Isayas 45:14

Magkun ti Panginuun sa Israil, “Masakup nimu ti Ihiptu, ti manga taga Itiyupya hanggan ti manga taga Siba kanda kalalakihan arabwat. Ataytag sida sa kanmu dara kanda kayamanan hanggan manga inani. Sida bumaliw bihag nimu. Manluhud sida sa kanmu ag sumabi, ‘Tutuu ungud ti Diyus kaibahan nimu, siya lang ti Diyus!’ ”

Isayas 48:19

Kanyu mana manga linahi nagbaliw ga baras kay kayamu dayu mabilang, balaw gid sida midamhak sa kang atubangan.”

Isayas 49:12

Rumas-ug kang manga nasakupan ginan sa arayu — ti iba ginan sa kanaway, ti iba waydi sa isalpan, ag ti iba ginan waya sa Sinim.”

Isayas 49:8

Inda ti pagsabihun Panginuun, “Sa kang-ud pag kaudasan iribri niku kawu, dungugun ag awatan. Alagaan niku kawu, sa panab-anan nimu, bumuwat aku kasunduan sa manga tawu. Utru nimu ipatindug ti daga Israil nawayak, bag-u ipakaun nimu inda sa kang manga nasakupan.

Isayas 52:9

Manringgit sa kabayaan, ti guba Hirusalim, dahil pasulungun ag pabisugun yi Panginuun kay nasakupan. Iribri niya ti Hirusalim!

Isayas 53:10

Dapat nalub-anan Panginuun masaktan siya ag pakurianan. Una waya binuwat siya handug sa Panginuun hampay mabayadan ti kasalanan manga tawu, makitan niya kay manga linahi ag makatanggap siya malawig pag buhi. Ag sa panab-anan niya matupad ti nalub-anan Panginuun.

Isayas 55:5

Tawagan niyu ti balaw kaibahan niyu pag manga nasyun, ag mandaldali sida pumakarani sa kanyu, dahil aku, ti Panginuun niyu Diyus, ti Banal pag Diyus Israil, ti nagpakaun kagalangan sa kanyu.”

Danyil 7:27

Bag-u iayaw sa banal pag manga nasakupan Kaabwat-abwatan pag Diyus ti pagdumara hanggan kapangyarihan sa manga kaharian buu kalibutan. Nakan humari sida hanggan aban, ag pasakup sa kanda ti tanan kaharian.

Ruma 10:18

Dapat kang paingana, unman aw nguna sida nakadnug? Nakadnug yi waydi sida. Dahil magkun sa Banal Kasuratan, “Ras-ug yi sa tanan rugar kanda bagaw, kanda bagaw nilantag yi sa kalibutan.”

Ruma 11:12

Ginan sa pagsimray manga Hudiyu may natanggap papalad ti tanan nasyun sa babaw daga, ag ginan sa kanda nibuyu, nagras-ug ti kaayadan sa manga balaw Hudiyu. Nu masakup maan aban ti tanan manga ginayak Diyus pag manga Hudiyu, mas lalu daka man pag kaayadan ti matanggap manga balaw Hudiyu.

Kulusas 1:23

Kailangan kamu pagmarig-un gid sa kanyu pagsarig sa Mayad pag Barita, danga pagpabay-ani niyu, barang maanggihut kamu ginan sa pag-asa kanyu tinanggap pagka nadnugan niyu ti Mayad pag Barita. Kay nagustuhan Diyus aku si Pablu hampay magsirbi sa Mayad pag Barita. Imaw diman pag Mayad pag Barita ti ipagpaliwanag sa tanan manga tawu.