Isayas 53:7 - Hanunuu

⁷ Inihid siya ag pinakurianan, dapat balaw siya nagdangup. Ga karanidu siya daran-un sa iriyawan hampay matyun, ngatay karanidu pag-uguyan ud mag-ingay.

Isayas 53:7 Iomraidhean Croise

Kanta 38:14

Pagpabunglan niku kanda daut paggayakun ag balaw aku magsagut,

Kanta 38:15

dahil magsarig aku sa kanmu, Panginuun. Kawu, Panginuun kang Diyus, ti magsagut sa kang darangin.

Kanta 44:22

Dapat dahil sa kanmi pagsunud sa kanmu, asan kami pirmi sa kadilikaduhan sa kamatayan. Parihu kami sa manga karanidu pag-iyawun.

Isayas 50:6

Isinarangu niku kang dayu sa manga nagbakul sa kangku ag isinarangu diman niku kang uyahun sa manga nag-ayit kang bungut. Pinabay-anan niku sida pakay-ahun aku hanggan bug-anan kang uyahun.

Isayas 53:6

Kita tanan ga manga karanidu tinmalang. Kada usa sa kanta nagbuwat kanta pagkaibgan buwatun. Dapat siya ti pinarusahan Panginuun parusa para mana sa kanta tanan.

Hirimyas 11:19

Aku parihu sa karanidu marignuk pagdaran-un sa iriyawan balaw niku magkaalaman. Unman alam niku kuntay pag gayakun maaw aku nida matyun. Magkun sida, “Matyun nita siya parihu sa magpukan puun kayu may manga burak, hampay madura siya sa kalibutan ag malimtan yi.”

Matiyu 26:63

Dapat unman nag-ingay si Hisus. Bag-u magkun ti pangulu manughandug sa kan Hisus, “Sa ngaran Diyus buhi, kang pag-ibilin sa kanmu, sabiha nimu sa kanmi, nu tutuu kawu ti Pinili Diyus Manugribri pag Hari, ti Anak Diyus.”

Markus 14:61

Dapat unman nag-ingay si Hisus, unman gid siya nagsagut. Pinmaingana maan ti Pangulu Manug-asiwa Balay Diyus magkun, “Kawu aw ti Pinili Diyus Manugribri pag Hari, ti Anak makapangyarihan pag Diyus?”

Markus 15:5

Dapat unman nagsagut si Hisus una di. Nakan lalu naglingut si Pilatu.

Lukas 23:9

Mayamu kan Hirudis paingana sa kan Hisus dapat siya unman nagsagut una di.

Huwan 1:29

Pagka surip, nakitan ni Huwan si Hisus magpakarani sa kanya. Sinabi ni Huwan magkun, “Tunda yi ti Anak Karanidu kay ihinanda Diyus hampay mapatawad ti kasalanan kalibutan.

Huwan 19:9

Nakan dinara maan niya si Hisus sa sulud balay kay pinaingana magkun, “Taga naan kawu?” Dapat unman sinagut ni Hisus kay paingana.

1 Pidru 2:23

Una siya minuransa, unman siya nagganti. Una siya pinakurianan, unman siya tinmima. Nagsarig yi lang siya sa Diyus, sa madunung magpihu sa daut sa mayad.

Ipinakakit 5:6

Bag-u may nakitan aku usa ka Anak Karanidu sa karaw-an tukawan hari, sa kay sangput ti upat ka linalang may buhi hanggan ti manga gurangun. Ti Anak Karanidu ga anyu minatay. May pitu ka sungay siya may pitu waydi ka mata, imaw ti pitu ka Ispiritu Diyus kay sinugu tag sa bilug kalibutan.