Isayas 53:6 - Hanunuu

⁶ Kita tanan ga manga karanidu tinmalang. Kada usa sa kanta nagbuwat kanta pagkaibgan buwatun. Dapat siya ti pinarusahan Panginuun parusa para mana sa kanta tanan.

Isayas 53:6 Iomraidhean Croise

Gimpuunan 22:6

Ipinapas-an ni Abraham sa kan Isaak ti manga kayu pamagba sa handug, bag-u siya ti nandara utak hanggan apuy.

Kanta 119:176

Tinmalang aku parihu sa nadura karanidu, nakan hanapa aku, kanmu manugsirbi, dahil unman niku pagkalimtan kanmu manga sugu.

Kanta 69:4

Mayamu ti maglaban ag magkaibug mumatay sa kangku sa balaw may kadahilanan. Mas mayamu waya sida sa kang buhuk. Pagpilitun nida aku ulian ti manga bagay balaw niku tinakaw.

Isayas 40:2

Pagbagaw kamu maalumanay sa nasakupan Hirusalim. Sabihun niyu sa kanda kuntay natapus yi ti kakurian nida, pinatawad yi kanda manga kasalanan. Pinarusahan yi niku sida hustu sa tanan nida kasalanan.”

Isayas 53:10

Dapat nalub-anan Panginuun masaktan siya ag pakurianan. Una waya binuwat siya handug sa Panginuun hampay mabayadan ti kasalanan manga tawu, makitan niya kay manga linahi ag makatanggap siya malawig pag buhi. Ag sa panab-anan niya matupad ti nalub-anan Panginuun.

Isayas 53:11

Nu makitan niya kay burak niya kakurian, makabaya siya. Magkun ti Panginuun, “Sa panab-anan kadunungan niku matadlung pag manugsirbi, mayamu ti kilalan-un niya matadlung, mangagwanta siya para sa kanda manga kasalanan.

Isayas 53:12

Dahil siyun, dayawun niku siya parihu sa bantug pag tawu ag makapangyarihan dahil ipinakaun niya kay buhi. Imininsan siya usa sa manga makasalanan ag hinagad waya niya sa Diyus kuntay sida patawadun.”

Isayas 53:5

Ti tutuu, biniyagan siya dahil sa kanta manga paglabag; hinampak siya dahil sa kanta kadautan. Ti inagwanta niya pag parusa imaw ti nagpauli sa kanta sa mayad pag kahamtangan. Dahil sa kay manga biyag naayadan kita.

Isayas 53:7

Inihid siya ag pinakurianan, dapat balaw siya nagdangup. Ga karanidu siya daran-un sa iriyawan hampay matyun, ngatay karanidu pag-uguyan ud mag-ingay.

Isayas 55:7

Patlikudi yi manga tawu daut kanda daut pag manga ugali, bag-uha yi kanda daut pag naisipan. Pagbalik yi sida sa Panginuun nita Diyus, dahil kaawaan ag patawadun niya sida.

Isayas 55:8

Magkun ti Panginuun, “Kang naisipan balaw parihu sa naisipan niyu ag ti pamaraan niku balaw parihu sa pamaraan niyu.

Isayas 56:11

Ga manga idu sida daluk ud magkabsug. Ti manga manugbantay Israil unman may intindi. Ti kada usa sa kanda magbuwat una lang hintay kanda gustu buwatun. Sadili lang ikaayad ti kanda pagpabalagan.

Isayas 6:7

Ipinad-ut niya ti baga sa kang bibig ag magkun, “Hinikap yi kanmu bibig, udyi kawu may kasalanan dahil pinatawad yi kawu.”

Isayas 66:3

Dapat ay kaindaay kang kundisyun sa manga tawu magsunud sa kanda sadili kagustuhan ag magbaya sa kanda pagbuwatun subra daut laban sa kangku: Nu manmatay sida baka hampay ihandug, kilalan-un niku sida ga nakamatay tawu. Nu manhandug sida karanidu kilalan-un niku sida ga nakamatay idu. Nu mangayaw sida handug bilang pakaun, kilalan-un niku ga nanagda sida dugu babuy. Ag nu magtuub sida kamangyan bilang pag-alaala sa kangku, kilalan-un niku magdayaw sida sa diyus-diyusan.

Hirimyas 50:6

“Ti manga nasakupan niku ga manga karanidu nagtalalang. Pinabay-anan sida manga manug-alaga nida ati sa kabantudan ag katagudtudan bag-u udyi nida alam ti dalan sa mag-uli.

Isikil 3:18

Nu sumabi aku ti usa ka daut pag tawu mamatay, ag unman nimu siya pinaandaman kuntay pagsisi sa kay daut pag buruwatun hampay maribri siya, mamatay ati pag daut tawu dahil sa kay kasalanan, dapat suktun niku kawu sa kay pagkamatay.

Danyil 9:5

Nagkasala kami sa kanmu. Nagbuwat kami manga kadautan ag ipinasipala nimi kanmu manga sugu hanggan surundanun.

Ruma 4:25

Namatay si Hisus dahil sa kanta manga kasalanan, binuhi maan uman hampay kita mahimu kilalan-un Diyus kuntay manga matadlung.

Santiyagu 5:20

inda tandai niyu una si unu lang ti magbawi sa tawu makasalanan ginan sa kay naugalian salan, kay irinibri niya ti usa ka tawu karadwa sa kamatayan. Dahil sa kay nagbawi nakan mayamu pag kasalanan ti napatawad yi.

1 Pidru 2:25

Kaybi kamu nanwayak-wayak yi parihu ga manga karanidu tinmalang, dapat taynguna tinipun maan kamu Manug-alaga, imaw ti manuggiya niyu manga karadwa.

1 Pidru 3:18

Dahil ngani si Kiristu namatay sa manga tawu makasalanan. Si Kiristu ti unman may kasalanan namatay kas-a lang gid para sa manga tawu makasalanan, hampay kamu kay madara sa Diyus. Sa ungud, minatay siya sa kay bilug sitay sa babaw daga, dapat binuhi uman siya sa Ispiritu.

Talaghusay 21:25

Sa tunda pag udas, unman may hari ti Israil, nakan makapagustu lang ti kada usa nu unu kanda gustu buwatun.