Isayas 53:3 - Hanunuu

³ Pinuyaan siya ag ipinurya manga tawu. Nakalakaw siya sakit ag kakurian. Pinatlikudan nita siya, pinuyaan, ag balaw pinahalgaan.

Isayas 53:3 Iomraidhean Croise

Kanta 69:29

Magkabyatan aku ag mag-agwanta, nakan alagai aku, Diyus, sa panab-anan pagribri sa kangku.

Kanta 88:4

Usa yi aku sa manga hirimugtasun. Parihu aku sa tawu balaw yi maawatan.

Isayas 49:7

Ti Panginuun, ti Manugribri ag Banal pag Diyus Israil, magkun sa tawu pagpuyaan ag pagkayagtingan manga nasyun hanggan manugsirbi manga takinan, “Makitan manga hari nu si unu gid ungud kawu ag tumindug sida hampay galangun kawu. Ti manga takinan yumuk-ub sa kanmu. Mangyari inda dahil sa kangku, ti Panginuun matinupadun, ti Banal pag Diyus Israil. Aku ti nagpili sa kanmu.”

Isayas 50:6

Isinarangu niku kang dayu sa manga nagbakul sa kangku ag isinarangu diman niku kang uyahun sa manga nag-ayit kang bungut. Pinabay-anan niku sida pakay-ahun aku hanggan bug-anan kang uyahun.

Isayas 52:14

Mayamu ti madiklahan sa kanya, dahil harus mawayak yi kay uyahun ga balaw yi uyahun tawu.

Isayas 53:10

Dapat nalub-anan Panginuun masaktan siya ag pakurianan. Una waya binuwat siya handug sa Panginuun hampay mabayadan ti kasalanan manga tawu, makitan niya kay manga linahi ag makatanggap siya malawig pag buhi. Ag sa panab-anan niya matupad ti nalub-anan Panginuun.

Isayas 53:4

Ti tutuu, inagwanta niya ti manga sakit ag manga karukuan mana kita ti lumakaw. Kanta isip pinarusahan siya Diyus dahil sa kay manga kasalanan.

Mikas 5:1

Manga taga Hirusalim, alistuhan niyu kanyu manga sundalu, dahil nasangputan yi kamu manga kalaban. Bakulun nida sugkud ti uyahun takinan Israil.

Sakaryas 11:8

Pinaighit niku ti tulu ka manug-alaga karanidu sa sulud lang usa ka bulan. Dahil natabwan aku pasunaid sa kanda, ag sida diman magkagalit sa kangku.

Matiyu 26:67

Bag-u binug-anan nida siya sa kay uyahun bag-u kanda sinuntuk. Sinampal waya siya manga iba magkun,

Matiyu 27:63

Sinabi nida, “Naalaala duy nimi pagka siya buhi waya, sinabi tunda pag magpanaguabi magkun, nu lawuy tulu ka sirang mabuhi siya uman.

Markus 10:33

Magkun siya, “Malu duy kita sa dalan yi tag babaw, tag sa banwa Hirusalim. Nu ati yi, ipahintulut ti Anak Tawu sa manga pangulu manughandug hanggan sa manga manugtudlu Kasuguan. Bag-u kanda sintinsiyahan siya sa kamatayan. Bag-u kanda ipabahala siya sa manga balaw Hudiyu,

Markus 10:34

hampay kanda muransahun, bug-anan, hampakun bag-u matyun. Dapat nu makalawuy yi tulu ka sirang mabuhi maan siya uman.”

Markus 14:34

Sinabi niya sa kanda, “Kang tagipusuun mas-ut yi sa karukuan harus ga mamatay yi aku. Pag-alagad kamu sitay. Pagmaimatahan kamu.”

Markus 15:19

Bag-u binakul nida kay ulu usa ka bahi anyamu, kanda waya binug-anan. Bag-u nagluhud sida bilang kanda ginalang si Hisus.

Markus 9:12

Sinmagut si Hisus magkun, “Sumitay ngani dapu si Ilyas hampay kay ialistu ti tanan manga bagay. Dapat kang pagsabihun sa kanyu, nagsitay yi ginan si Ilyas ag binwat yi manga tawu sa kanya ti nagustuhan nida angay sa isinurat sa Banal Kasuratan tungkul sa kanya. Dapat hayga pagsabihun Banal Kasuratan magkun aban ti Anak Tawu kailangan umagwanta waydi sa mayamu kakurian ag dayuun siya manga tawu?”

Lukas 16:14

Inda pag manga adal tanan-tanan nadnugan manga Parisiyu manga maraibgun sa kuwarta. Nakan linibak nida si Hisus.

Lukas 19:41

Pagka arani yi si Hisus ag magkaalantaw niya ti banwa Hirusalim, linumian niya ti banwa,

Lukas 8:53

Kinasarin-an nida siya. Alam nida tigbak yi tunda.

Lukas 9:22

Magkun waya siya sa kanda, “Dahil kailangan mag-agwanta ti Anak Tawu sa mayamu pag kakurian. Dayuun siya aban manga paggurangunun manga Hudiyu hanggan manga pangulu manughandug hanggan manga manugtudlu Kasuguan. Kailangan siya kanda pagmatyun bag-u mabuhi maan uman sa ikatlu pag sirang.”

Huwan 11:35

Naglumi si Hisus.

Huwan 8:48

Sinabi manga Hudiyu sa kan Hisus magkun, “Bukun ngap salan kanmi pagkumnun kawu Samaritanu, inapuan paman labang.”

Diyuturunumiyu 32:15

Nagmaalwan ti manga Israilita dapat naglaban sida. Nagtabul sida ag nagbisug, dapat pinatlikudan nida ti Diyus, ti naglalang sa kanda, ag binugyahan nida ti palalan-iban nida pag batu imaw ti kanda Manugribri.

Hibriyu 4:15

Kanta pangulu manughandug sa Balay Diyus makapasunaid di gid sa kanta kalumuyan. Dahil sinubukan siya sa tanan paraan parihu diman ga kanta, dapat unman gid siya nagkasala.

Hibriyu 5:7

Pagka sa babaw waya daga si Hisus, nandarangin siya, ainalsa kay busis, nanlumi nagdangup sa Diyus sa may kamaskihan makaribri sa kanya sa kamatayan. Ag nadnugan diman kay darangin dahil sa kay nagpakumbaba nagpasakup sa Diyus.