Isayas 53:12 - Hanunuu

¹² Dahil siyun, dayawun niku siya parihu sa bantug pag tawu ag makapangyarihan dahil ipinakaun niya kay buhi. Imininsan siya usa sa manga makasalanan ag hinagad waya niya sa Diyus kuntay sida patawadun.”

Isayas 53:12 Iomraidhean Croise

Gimpuunan 3:15

Kawu hanggan ti babayi man-arawayan. Kanmu linahi hanggan kanya pag linahi man-arawayan diman. Runutun niya kanmu ulu ag kagtun nimu kay bingul.”

Hub 30:16

Ag kainda ga mamatay yi aku; unman may apas kang pag-agwanta.

Kanta 2:8

Hagada nimu sa kangku ti manga nasyun tugka sa pinakaarayu pag bahagi kalibutan, ag tupadun niku inda ipakaun sa kanmu.

Kanta 22:14

Nabul-an yi aku kabisugan; ga danum nauyang. Ti tanan niku but-ul ga naliw-as. Naduraan aku kabisugan, ga kandila magkaupud.

Pag-ighit 15:9

Magkun ti kalaban magpayabang, ‘Lagsun niku sida ag dakpun; ayaw-ayawun niku kanda kayamanan ag pasawaan niku kang sadili. Gabutun niku kang baladaw ag rurisun sida.’

Isayas 49:4

Dapat magkun aku, “Kang kakurian unman may pulus; inuyang niku kang kabisugan sa ud may pulus.” Dapat iinintirga niku inda sa Panginuun niku Diyus. Siya ti mamakaun pirimyu sa kang manga binwat.

Isayas 52:13

Magkun ti Panginuun, “Kang manugsirbi manalu. Bumaliw bantug siya ag paggalangun.

Isayas 52:15

Hanggan ti manga nasyun madulaw sa kanya. Ti manga hari dayu makabagaw dahil sa kanya, dahil makitan nida ti manga bagay udwaya nasabi sa kanda. Ag masalman nida ti manga udwaya nasaydan nida pag bagay.”

Isayas 53:6

Kita tanan ga manga karanidu tinmalang. Kada usa sa kanta nagbuwat kanta pagkaibgan buwatun. Dapat siya ti pinarusahan Panginuun parusa para mana sa kanta tanan.

Isayas 53:8

Dinakup siya, sinintinsiyahan, ag minatay. Unman may nakaimatuun, una di usa sa manga sinulput niya, kuntay minatay siya dahil sa kanda manga kasalanan, inagwanta niya ti parusa para mana sa kanda.

Danyil 2:45

Parihu ngani sa kanmu nakitan pag batu nagipak ginan sa bantud (dapat balaw tawu ti naggipak) ti nagrunut sa diyus-diyusan baul, galang, lutuk, pilak, hanggan gintu. “Mahal Hari, ipinasandam duy makamaskihan pag Diyus sa kanmu nu hintay ti mangyari aban sa aratubangun. Imaw tida kanmu tagin-up hanggan kay ibug sabihun. Tutuu gid ti tanan niku sinabi.”

Matiyu 26:42

Nagpakarayu maan siya nandarangin magkun, “Amang nu ud mab-ul inda pag ungut may kakurian nu unman kang inman, kailangan kanmu di pag kagustuhan ti masunud.”

Markus 15:27

May duwa ka tulisan kay kadungan ni Hisus ipinaku waydi sa kurus, ti usa sa sikun baliwa pag kurus, kay usa sa wala baliwa pag kurus.

Markus 15:28

Tinupad yi ti Kasuratan magkun, “Nibilang siya sa manga makasalanan.”

Lukas 22:37

Dahil pagsabihun niku sa kanyu kailangan matupad tungkul sa kangku inda pag sinabi sa Kasuratan magkun, ‘Imininsan siya sa bilang sa manga makasalanan pag tawu.’ Dahil ti isinurat tungkul sa kangku pihu mangyari aban.”

Lukas 23:25

Pinalpasan yi ngani niya si Barabas imaw kanda hinagad pag pirisu. Pinirisu dahil sa pag-arburutu hanggan sa kay naglibun tawu. Dapat ipinabahala ni Pilatu si Hisus sa kanda hampay una hintay kanda gustu buwatun sa kanya.

Binwat 26:18

Kailangan pamuklatun nimu kanda manga mata, kailangan bawiun nimu sida ginan sa kadudulman atag sa marayaw, ginan sa kapangyarihan ni Satanas tabug ngap sa Diyus, hampay nu sida sumarig sa kangku, patawadun kanda manga kasalanan hampay mipaminsan sida sa manga tawu napasakup sa Diyus.’

Ruma 8:34

Hintay waya gid ti sumintinsiya sa kanta atag sa kaparusahan? Udyi! Si Kiristu Hisus sa kay yi sikun baliwa Diyus. Siya waya ngani ti namatay bag-u binuhi uman Diyus. Taynguna siya yi ti nagbaliwa sa kanta.

2 Kurintu 5:21

Unman nakalakaw sa kasalanan si Kiristu. Dapat ay dahilan ngani sa kanta siya ngap nibilang sa makasalanan hampay nu kita magpakiusa sa kanya, mangyari yi ngap sa kanta ti katadlungan Diyus.

Pilipus 2:17

Nu abi aku matyun, kang dugu ibuhus ga ihandug sa Panginuun dungan sa kanyu pag-ipakaun kanyu pagsarig sa kanya. Una abi ti ikamatay niku katida, masulung di aku ag mirinsan kita tanan magbaya.

Kulusas 2:15

Sa panab-anan niya kamatayan sa kurus, dinaug ni Kiristu ti tanan may kamaskihan hanggan kapangyarihan sa kalibutan, ipinakakit niya sa kayamuan tawu kay nanalu sa kanda.

Titu 2:14

Ipinakaun niya kay sadili hampay lukatun niya kita sa tanan nita kasalanan, agud kita kay yi nasakupan, malumpiyu ag magkaibug magbuwat mayad.

Hibriyu 12:2

Bantayan nita kanta manuggiya si Hisus. Siya diman ti turunu nita sarig. Dahil kabayaan kay patabgan, nakan inagwanta yi lang niya madi ipinurya siya sa kay pagkamatay sa kurus. Bag-u tinmukaw siya ati sa langit baliwa sa sikun Diyus, minsan sa karampatan Diyus.

Hibriyu 7:25

Nakan ngani siya ti lubus makaparibri sa manga tawu magpakarani sa Diyus sa panab-anan niya, dahil pirmi di buhi siya hampay manab-anan sa kanda sa atubangan Diyus.

Hibriyu 9:24

Dahil si Kiristu nagsaka sa banal pag rugar balaw binwat tawu kamang ag unman hinuwad ginan sa kay tutuu. Siyun ngap siya sa langit gid sa atubangan Diyus hampay magpamahala sa kanta.

Hibriyu 9:26

Nu abi balaw katida, kailangan mana paulit-ulit si Kiristu mamatay ginan waya sa umpisa pagkalalang kalibutan. Dapat pagka kainda arani yi ti katapusan kalibutan ipinaburayhaw siya kas-a lang bag-u ipinakaun niya kay sadili sa Diyus hampay mab-ul yi ti kasalanan kalibutan.

Hibriyu 9:28

Katunda diman waydi si Kiristu kas-a lang namatay, ipinakaun niya kay buhi sa Diyus ag inaku niya ti kasalanan kalibutan. Bumalik siya aban, balaw yi hampay mamatay maan tungkul sa manga kasalanan tawu, nu unman hampay iribri niya ti manga magpatigagad sa kanya.

1 Huwan 2:1

Aku inda may surat tabug sa kanyu, sa kang manga anak, hampay kamu balaw magkasala. Dapat nu abi may patar-ari magkasala, may usa ka matadlung pag manugpamag-itan kita tabug sa Ama, si Hisu-Kiristu yi ngani.

1 Huwan 2:12

Kamu duy pag manga anak, aku inda magsurat tabug sa kanyu dahil pinatawad yi kanyu manga kasalanan dahil sa kay ngaran ni Kiristu.