Isayas 53:10 - Hanunuu

¹⁰ Dapat nalub-anan Panginuun masaktan siya ag pakurianan. Una waya binuwat siya handug sa Panginuun hampay mabayadan ti kasalanan manga tawu, makitan niya kay manga linahi ag makatanggap siya malawig pag buhi. Ag sa panab-anan niya matupad ti nalub-anan Panginuun.

Isayas 53:10 Iomraidhean Croise

Kanta 110:3

Sa sirang manggira kawu sa kanmu manga kalaban, buluntad mangawat sa kanmu ti nasakupan nimu. Kanmu kalay-awan pag manga nasakupan umatag sa kanmu sa banal pag bantud ga tun-ug kada surip.

Kanta 147:11

kay kabayaan sa manga maggalang di sa kanya ag magsarig sa kay pagmahal.

Kanta 149:4

Dahil magbaya ti Panginuun sa kay nasakupan; pag-alalahanun niya sida pag manga makuri sa panab-anan pagpanalu sa kanda.

Kanta 21:4

Nanhagad siya dugang pag buhi sa kanmu, ag pinakan-an nimu siya aba gid pag buhi.

Kanta 22:30

kanda manga linahi manirbi sa kanmu. Panginuun, itudlu nida sa sunud pag manga sinulput tawu ti tungkul sa kanmu.

Kanta 22:31

Sida ti udwaya manga iinanak tultuli kuntay irinibri nimu kanmu nasakupan, ag kawu gid ti nagbuwat inda.

Kanta 69:26

Dahil pag-unuunuhun nida ti manga tawu kanmu pagparusahan, ag pag-itultul nida sa iba ti pag-agwanta manga biniyagan nimu.

Kanta 72:17

Mana balaw malimtan ti ngaran hari tugka aban, habang may init waya. Mana sa panab-anan niya, papaladan ti tanan nasyun, ag ti manga nasyun sumabi sa kanya mapalad.

Kanta 72:7

Sa kay udas maghari, mana lumuntad ti katadlungan ag pagmayad ti kahamtangan manga tawu tugka aban.

Kanta 89:29

Ti kada hari sa Israil ginan sa kay manga linahi hanggan aban; kay kaharian dumugay parihu sa langit, unman may katapusan.

Kanta 89:36

Ti kada hari sa Israil ginan sa kay manga linahi hanggan aban. Kay kaharian dumugay sa kang pamantay parihu sa init;

Isayas 42:1

Magkun ti Panginuun, “Inda kang pag pabisugun pag manugsirbi. Pinili niku siya ag magbaya aku sa kanya. Asan sa kanya kang Ispiritu, ilantag niya ti katadlungan sa manga nasyun.

Isayas 46:10

Sa umpisa di waya, sinabi yi niku ti manga mangyari sa aratubangun. Kang manga ibinurayhaw pihu gid matupad, buwatun niku ti tanan niku gustu buwatun.

Isayas 49:4

Dapat magkun aku, “Kang kakurian unman may pulus; inuyang niku kang kabisugan sa ud may pulus.” Dapat iinintirga niku inda sa Panginuun niku Diyus. Siya ti mamakaun pirimyu sa kang manga binwat.

Isayas 53:12

Dahil siyun, dayawun niku siya parihu sa bantug pag tawu ag makapangyarihan dahil ipinakaun niya kay buhi. Imininsan siya usa sa manga makasalanan ag hinagad waya niya sa Diyus kuntay sida patawadun.”

Isayas 54:3

Dahil dumaka kanyu katugkaan, sakupun nimu manga nasakupan ti iba manga nasyun, ag kanda ulianan ati ti manga banwa tinayakan.

Isayas 61:9

Kanda linahi mibantug sa manga nasyun. Ti tanan makakit sa kanda sumabi sida pag manga tawu pinapaladan Panginuun.”

Isayas 66:22

Magkun waya ti Panginuun, “Nu kabitay ti bag-u pag langit ag ti bag-u pag daga kang buwatun pumirmaminti hanggan aban, kanyu linahi pumirmaminti diman hanggan aban, ag balaw niku kamu malimtan.

Isayas 9:7

Unman may katapusan kay pagdumara mayad ag may kahusayan. Siya ti mumana kay kaharian ni Dabid. Parig-unun niya inda ag humari ti katadlungan ag ti katuwiran hanggan aban. Siguraduhun Panginuun Makamaskihan matupad inda.

Hirimyas 32:41

Kabayaan niku ti buwatan sida mayad ag buu tagipusuun niku sida patahanun sa inda pag daga.”

Isikil 33:11

Taynguna sabihi sida, ‘Aku ti Panginuun Diyus buhi, magsumpa kuntay unman aku magbaya nu may mamatay daut pag tawu. Kang gustu pag-aman sida sa kanda daut ugali hampay mabuhi sida. Nakan kamu pag nasakupan Israil, pag-aman yi kamu sa kanyu daut ugali. Gustu aw lugud niyu mamatay?’

Isikil 37:25

Mangulian sida sa daga niku ipinakaun sa kang suruguun sa kan Hakub, ti daga nu naan nangulian kanda manga ginurang. Ati sida hanggan kanda manga linahi pag mangulian tugka aban, bag-u humari sa kanda ti hari ginan sa linahi niku suruguun si Dabid sa unman may katapusan.

Danyil 9:24

“Itinagka yi Diyus ti 490 ka timpu sa banal pag banwa hanggan sa kanmu kasimanwa hampay umapas kanda paglaban ag pagbuwat daut sa Diyus, para malukat sida sa kanda manga kasalanan, hampay maiparargu Diyus ti katadlungan tugka aban, hampay matupad ti pangakakitun hanggan ti hula, ag hampay maitalaga maan ti Balay Diyus.

Mikas 7:18

Udyi may tuhay Diyus parihu sa kanmu. Pinatawad nimu ti kasalanan nasawad nimu pag manga nasakupan kanmu magkaapu. Balaw magpirmaminti kanmu pangagalit hanggan aban dahil magbaya di kawu magmahal sa kanmi.

Sipanyas 3:17

Dahil kaibahan niyu ti Panginuun niyu Diyus. Parihu siya sa usa ka makamaskihan pag sundalu manribri sa kanyu. Makabaya gid siya sa kanyu, ag sa panab-anan niya pagmahal bag-uhun niya kanyu buhi. Manganta siya ag manhuyaw may kabayaan dahil sa kanyu,

Sakaryas 13:7

Magkun ti Panginuun Makamaskihan “Alistuhan ti baladaw! Matya kang manug-alaga manga karanidu, kang kaawat. Matya siya hampay mamululagan kay manga karanidu, kang pugri pag manga nasakupan ag parusahan niku sida.

Matiyu 17:5

Sa kay di waya magbagaw hinamuyan sida masinay pag rurum. May nagbagaw ati ginan sa rurum magkun, “Inda kang pagmahalun pag Anak, siya lubus kang pagbayaun. Patingihi gid niyu siya.”

Matiyu 3:17

Bag-u may nagbagaw ginan sa langit magkun, “Inda kang pagmayadun gid pag anak, siya lubus kang pagbayaun.”

Lukas 1:33

Humari siya sa linahi ni Hakub hanggan aban. Ag unman may katapusan kay paghari.”

Huwan 1:29

Pagka surip, nakitan ni Huwan si Hisus magpakarani sa kanya. Sinabi ni Huwan magkun, “Tunda yi ti Anak Karanidu kay ihinanda Diyus hampay mapatawad ti kasalanan kalibutan.

Huwan 12:24

Ungud duy kang pagsabihun sa kanyu, ti pasi tirigu nu unman malagpak sa daga ag mamatay, balaw yi may samilya. Dapat ay nu mamatay ngani tunda pag pasi tirigu, lalu ngap mamurak siya mayamu.

Huwan 13:32

Nu ipinaburayhaw yi ti kadayawan Diyus ginan sa Anak Tawu, susun Diyus yi gid ti pumaburayhaw sa kadayawan Anak Tawu.

Ruma 6:9

Alam gid nita si Kiristu binuhi uman ginan sa kamatayan ag udyi makaulit mamatay. Udyi ngani may kapangyarihan sa kanya ti kamatayan.

Ruma 8:32

Unman inirangan niya kay sadili Anak, bagkus ipinakaun ngap niya para sa kanta tanan. Nu kay ipinakaun kay sadili Anak sa kanta, unman aw lugud ipakaun niya sa kanta ti tanan manga bagay minsan sa kay Anak?

Ruma 8:8

Ag dayu gid mahimu pagbayaun Diyus ti tawu nu mag-ugali angay lang sa sadili kagustuhan niya pagkatawu.

2 Kurintu 5:21

Unman nakalakaw sa kasalanan si Kiristu. Dapat ay dahilan ngani sa kanta siya ngap nibilang sa makasalanan hampay nu kita magpakiusa sa kanya, mangyari yi ngap sa kanta ti katadlungan Diyus.

Galasya 3:13

Pagka inaku ni Kiristu ti saad sa kanta, kita linukat yi niya ginan sa saad Kasuguan. Dahil isinurat sa Banal Kasuratan magkun, “Sinaadan ti kada tawu ibinitay sa puun kayu.”

Ipisu 1:5

kita kay ihinanda daan hampay kay yi manga anak sa panab-anan ni Hisu-Kiristu. Imaw kay turunu kagustuhan Diyus.

Ipisu 1:9

hampay lubus maintindihan nita kay udwaya pinaburayhaw pag gayak niya.

Ipisu 5:2

Pag-ugali kamu lubus may pagmahal parihu sa kan Kiristu. Dahil sa kay pagmahal sa kanta, ipinakaun niya kay buhi, minatay siya ga usa ka mabanglu pag handug pagbayaun Diyus.

2 Tisalunika 1:11

Pirmi di gid nimi pag-alalahanun kamu nu kami magdarangin sa Diyus hampay kanyu ugali buhi sa ikabaya Diyus. Ag hampay angay sa kay kamaskihan papaladan niya kamu sa tanan niyu pagturunuhun mayad hanggan sa tanan niyu buwat pag-udyukan niyu pagsarig.

Hibriyu 2:13

Inda waya kay sinabi magkun, “Ilubus niku kang sarig sa Diyus.” Bag-u inda waya gid magkun, “Inda yi aku hanggan ti manga anak kay ipinakaun Diyus sa kangku.”

Hibriyu 7:27

Balaw siya parihu sa iba pangulu manughandug kailangan maghandug sirang-sirang, un-an para sa kanda sadili kasalanan, bag-u di sa kasalanan manga tawu. Kas-a lang ihinandug siya sa Diyus, pagka ipinakaun niya kay sadili bilug hampay mamatay. Balaw yi niya binwat waya uman.

Hibriyu 9:14

Lalu gid waya daka kay namhan dahil sa dugu ni Kiristu. Dahil sa kamaskihan Ispiritu unman may katapusan ipinakaun niya kay sadili sa Diyus unman may huput kasalanan. Kay dugu ni Kiristu tiglumpiyu sa kanta tagipusuun hanggan naisipan sa manga buwat unman may kabuluhan hampay kita magsirbi sa Diyus buhi.

1 Pidru 2:24

Sa pagkamatay niya sa kurus, “dinara niya sa kay bilug ti kabuyatan nita kasalanan” hampay rargu tayakan nita kanta ugali magkasala bag-u mag-ugali yi angay sa kay kagustuhan Diyus. “Kamu pinaayad yi dahil lang sa kay manga biyag ni Kiristu.”

Ipinakakit 1:18

Buhi aku, aku sitay namatay dapat bantayi nimu, aku buhi kainda, balaw yi aku mamatay hanggan waya aban. Sa kangku yi ti manga susi kamatayan hanggan ulian manga namatay.