Isayas 51:9 - Hanunuu

⁹ Panginuun, awati yi duy nimu kami. Gamita yi nimu kanmu kamaskihan sa pagribri sa kanmi. Awati nimu kami parihu sa binwat nimu kaybi. Balaw aw kawu ti nagtuktuk sa daragun si Rahab?

Isayas 51:9 Iomraidhean Croise

Hub 26:12

Sa kay kamaskihan pagpahumbakun niya ti dagat, sa kay kadunungan tinalu niya ti daragun si Rahab.

Hub 9:13

Balaw pag-amparahun Diyus kay pangagalit. Una ti manga kaawat daragun kay ngaran si Rahab magyuk-ub sa dala sa kanya.

Kanta 21:13

Pagdayawun kawu, Panginuun, dahil sa kanmu kabisugan. Manganta kami manga pagdayaw dahil sa kanmu kapangyarihan.

Kanta 44:1

Diyus, nasaydan nimi ti itinultul nimi manga ginurang tungkul sa kanmu manga binwat sa kanda kaudasan, kaybi waya pag timpu.

Kanta 44:2

Pinaighit nimu ti manga tawu balaw magsunud sa kanmu ag kanmi manga ginurang imaw ti ipinatahan nimu sa kanda manga rugar. Pinakurianan nimu tunda pag manga tawu dapat pinaabunda nimu kanmi manga ginurang.

Kanta 44:23

Panginuun, awati yi kami! Danga kami pagbugyahi hanggan aban.

Kanta 44:24

Hayga magpatagu kawu sa kanmi, pagkalimtan nimu kanmi mag-agwanta hanggan ti pag-api-api sa kanmi?

Kanta 59:4

Unman aku may nabwat kasalanan, dapat alistu sida gumira sa kangku. Panginuun Diyus Makapangyarihan, Diyus Israil, pakidnugi aku ag awati. Parusahi yi ti manga tawu balaw magsunud sa kanmu. Danga pagkaawai ti daut pag manga manugdaya.

Kanta 7:6

Panginuun niku Diyus, ta malu duy, pakakitan kanmu pangagalit sa kang manga kalaban magkagalit gid sa kangku, dahil katadlungan diman kanmu paghanapun.

Kanta 77:5

Pag-isip-isipun niku ti manga sirang nakalawuy ag ti dugay yi pag manga timpu.

Kanta 78:65

Bag-u ga nimata ti Panginuun; parihu siya sa usa ka mabisug pag tawu sinaladan pag irimnun makalangu.

Kanta 87:4

Magkun siya, “Nu ilista ti manga nasyun magkilala sa kangku, iminsan niku ti Ihiptu ag ti Babilunya, hanggan diman ti Pilistiya, ti Tiru, ag ti Itiyupya. Iminsan niku kanda manga nasakupan kuntay tinubu sa Siun.”

Kanta 89:10

Rinunut nimu ti daragun pag-ingarnan Rahab ag namatay inda. Sa panab-anan nimu kamaskihan pinanwayak nimu kanmu manga kalaban.

Kanta 89:11

Kanmu ti langit ag ti kalibutan; linalang nimu ti kalibutan ag ti tanan asan.

Kanta 93:1

Hari kawu, Panginuun; kanmu kamaskihan ag kadayawan imaw ti kanmu makahari pag rutay. Ibinugtang nimu marig-un ti kalibutan ag balaw inda magkatandug.

Pag-ighit 6:6

Nakan kumumun kawu sa manga Israilita: ‘Aku ti Panginuun. Palpasan niku kamu sa pagkapanawuhun sa Ihiptu. Sa panab-anan kamaskihan niku, mabuyat pag parusa ti ipakaun niku sa manga Ihipsiyu, ag kamu kang iribri.

Isayas 27:1

Sa ati pag sirang, gamitun Panginuun kay matarum ag makamaskihan pag baladaw hampay matyun ti Libyatan, ti maliksi ag magyapang pag daragun sa kalalawdan.

Isayas 30:7

Tida pag nasyun ti Ihiptu yi ngani, kay awat ud may pulus. Nakan pag-ingarnan niku inda “Rahab, ti Daragun Unman may pag Buwatun.”

Isayas 51:17

Hirusalim, pagbangun kawu! Ti pangagalit Panginuun ga intus ininum nimu tanan tugka kawu sa magpasuray-suray sa langu.

Isayas 51:5

Arani yi niku kamu pakan-an panalu. Udyi dumugay, iribri yi niku kamu. Aku ti mandumara sa manga nasyun. Ti manga sa ararayu pag rugar mag-alagad sa kangku, maghingabut sa kang kamaskihan.

Isayas 52:1

Pagbangun kawu, Siun, ag pagpakarig-un. Ipakakit nimu kanmu kapangyarihan, Banal pag banwa Hirusalim. Isulung maan nimu kanmu marinu pag rutay, dahil kanmu manga kalaban balaw Israilita, binaliw nimu mauring udyi utru makaslud sa kanmu sabian.

Isayas 52:10

Ipakakit Panginuun ti bukud tangi niya pag kamaskihan sa tanan nasyun, ag makitan buu kalibutan ti pagribri nita Diyus.

Isayas 53:1

Si unu ti nagpaniwala sa kanmi ibinarita? Ag sa kantapu pag ipinaburayhaw Panginuun kay kamaskihan?

Isayas 62:8

Nangaku ti Panginuun buwatun niya tunda sa panab-anan niya kamaskihan. Magkun siya, “Balaw yi niku ipakaun kanyu manga tirigu sa kanyu manga kalaban day-uhan. Udyi hanggan nida mainum ti manga binudlayan niyu pag irinmun ubas.

Isikil 29:3

Sabihi siya aku, ti Panginuun Diyus, magkun: Kalaban niku kawu, hari Ihiptu. Parihu kawu sa daka pag buaya malanguyan sa sapa. Magsabi kawu, ‘Ti Sapa Nilu, aku ti nagbuwat inda para sa kang sadili.’

Mikas 7:15

Pagpakakit kawu sa kanmi manga makadululaw ga kanmu diman binwat katpung ipinalwas nimu kami sa Ihiptu.

Habakuk 2:19

Kaawaawa kamu pag manga magsabi sa diyus-diyusan kayu ngatay batu, “Pag-ipulaw kawu ag awati kami.” Unman ngani inda makatudlu sa kanyu. Una pinahaklupan inda gintu ag pilak, unman waydi may buhi.

Habakuk 3:13

hampay iribri nimu kanmu pinili pag nasakupan. Minatay nimu ti takinan daut pag kaharian ag ipinadamhak nimu lubus kay nasakupan.

Sakaryas 10:11

Dumipay sida sa dagat mabalud dapat kumalma di ti manga balud. Una ti Sapa Nilu mak-at di. Ti pag-ipadayaw-dayaw Asirya umababa ag ti kapangyarihan Ihiptu madura di.

Sakaryas 2:13

Dag-ingay kamu tanan pag manga tawu sa atubangan Panginuun, dahil rumas-ug siya ginan sa kay banal pag ulian.

Lukas 1:51

Ipinakakit niya kay kabisugan ag kamaskihan. Kinalat-kalat niya ti manga palabi-labihun.

Huwan 12:38

Inda tanan-tanan nangyari hampay matupad kay sinabi kaybi ni Purupita Isayas magkun, “Panginuun, si unu ti naniwala sa kanmi sinabi? Sa kantapu pag ipinakilala Panginuun kay kapangyarihan?”

Binwat 7:7

Ati pag nasyun kanda sirbihan, kang waydi pakan-an aban daka pag kakurian.’ Bag-u sinabi Diyus, ‘Pagka dugay umighit sida ati ginan pag daga bag-u sumamba sida sa kangku sitay sa inda pag rugar.’

Diyuturunumiyu 4:34

May imaw aw tuhay pag diyus nagpanghas bul-un ti usa ka lahi ginan sa usa ka nasyun hampay inda kanya yi sa panab-anan manga pagpakuri, manga makadululaw, manga kalalingutan pag bagay, girahan hanggan manga makamaskihan ag makapangyarihan pag buwat? Dapat tunda ti binuwat Panginuun niyu Diyus ati sa Ihiptu, kamu ngani ti nakakit ati.

Ipinakakit 11:17

magkun, “Panginuun Diyus makamaskihan sa tanan, kawu ti Diyus kainda, una kaybi ginan. Magpasalamat kami dahil ginamit nimu kanmu kamaskihan unman may katapusan. Kawu naghari yi taynguna.

Ipinakakit 12:9

Ti laun pag daragun imaw yi ti pagkumnun gurangun pag ulay, kay ngaran diyablu, imaw ti pagkumnun si Satanas, imaw tigdaya sa bilug kalibutan. Ayinmut siya atag sa daga hanggan kay manga kakampi pag manga anghil ayinmut waydi.

Talaghusay 6:13

Nagsagut si Gidyun, “Nu kaibahan nimi ti Panginuun, hayga unman siya magbuwat manga makadululaw parihu sa kay binwat kaybi pagka ipinalwas niya sa Ihiptu kanmi manga ginurang, angay sa kanda sinabi sa kanmi? Dapat taynguna pinabay-anan yi kami Panginuun ag ipinahintulut sa manga Midyanita.”