Isayas 51:6 - Hanunuu

⁶ Bantayi niyu ti langit hanggan ti kalibutan. Madura ti langit ga anus, madaut ti kalibutan ga rutay, mamatay ti manga nasakupan ga manga iyay. Dapat kang iayaw pag karibrihan pumirmaminti hanggan aban. Ti panalu ag katuwiran ginan sa kangku mapasa-kanyu hanggan aban.

Isayas 51:6 Iomraidhean Croise

Kanta 103:17

Dapat balaw may katugkaan ti pagmahal Panginuun sa manga maggalang sa kanya, sa manga magtupad sa kay taratu, ag sa manga magsunud sa kay manga sugu. Ag kay matadlung pag pagbuwatun pumarargu sa kanda manga sinulput.

Kanta 111:3

Ti manga binwat Diyus magpaburayhaw kay kamaskihan ag kadayawan; ag kay katadlungan parargu sa unman may katapusan.

Isayas 13:13

Tandugun niku ti langit hanggan ti kalibutan. Aku, ti Panginuun Makamaskihan, buwatun niku inda sa sirang ipakakit niku kang masyadu pag pangagalit.”

Isayas 33:6

Siya ti pumarig-un sa kanyu. Alagaan niya kamu ag pakan-an kadunungan hanggan kaalaman. Ti mahalaga pag kayamanan niyu imaw ti paggalang sa Panginuun.

Isayas 34:4

Matunaw ti tanan bagay sa langit, ag ti langit madura, ga kasuratan linuhut. Magkaralagpak ti manga pamgasan ga manga labung ubas ngatay igus magkarubay ag magkarubas.

Isayas 40:26

Pagbantay kamu sa langit! Si unu nguna ti naglalang sa tunda pag manga pamgasan? Ti Diyus ti naglalang tunda. Ipinalwang niya tigus-a tigus-a tunda mintaras pagtawagun kanda manga ngaran. Dahil sa kay kamaskihan, una di usa unman may nadura.

Isayas 45:17

Dapat ti Israil iribri di nimu, Panginuun, kanda karibrihan unman may katapusan. Balaw yi gid sida mangay-a una kapira.

Isayas 50:9

Pagpatingi kamu! Ti Panginuun Diyus imaw ti mag-awat sa kangku. Si unu ti makasabi nagkasala aku? Miparihu sida sa rutay magkarunut, uta-utahun manga iyay.

Isayas 51:8

Dahil miparihu sida sa rutay pag arit-itun iyay. Dapat ti panalu ag katuwiran kang iayaw pumirmaminti hanggan aban. Ti karibrihan ginan sa kangku mapasa-kanyu hanggan aban.”

Isayas 54:10

Una magkarapugdak ti tagudtud ag bantud, ti pagmahal niku sa kanmu balaw madura, una kang kasunduan sa kanmu ipauli niku kawu sa marinu pag kahamtangan. Aku, ti Panginuun magkaawa sa kanmu, ti magsabi inda.

Isayas 54:9

“Para sa kangku, parihu inda sa kaybi sa udas ni Nuwi pagka nanaratu aku balaw yi niku gunawun ti kalibutan. Taynguna waydi, nanaratu aku balaw yi aku magalit ngatay mamarusa sa kanyu.

Danyil 9:24

“Itinagka yi Diyus ti 490 ka timpu sa banal pag banwa hanggan sa kanmu kasimanwa hampay umapas kanda paglaban ag pagbuwat daut sa Diyus, para malukat sida sa kanda manga kasalanan, hampay maiparargu Diyus ti katadlungan tugka aban, hampay matupad ti pangakakitun hanggan ti hula, ag hampay maitalaga maan ti Balay Diyus.

Matiyu 24:35

Madura di aban ti langit hanggan ti daga, dapat kang manga bagaw dayu pumalya.”

Huwan 5:24

“Ungud duy kang pagsabihun sa kanyu, nu ti tawu magtanggap sa kang bagaw ag magsarig sa Diyus sa nagsugu sa kangku, tunda pag tawu may tutuu pag buhi unman may katapusan. Balaw yi sakup siya sa sintinsiya aban. Kay patabgan balaw yi kamatayan, bagkus ngap buhi kay patabgan.

Diyuturunumiyu 4:19

Danga kamu magpaangay sa magsamba sa manga bagay ati sa langit — sa init, sa bulan, ag sa manga pamgasan. Ipinauli inda Panginuun niyu Diyus para sa tanan nasyun sa buu kalibutan.

2 Tisalunika 2:16

Kanmi pag-idarangin kamu hampay pasayahun nita Panginuun Hisu-Kiristu hanggan nita Diyus Ama, imaw ti nagmahal sa kanta. Kinaawaan gid niya kita, pinakan-an niya kita unman magkauman pag matutum naisipan hanggan marig-un pagsarig.

Hibriyu 5:9

Natupad yi niya ti buu kagustuhan Diyus. Nakan ginan sa kanya pag makatanggap karibrihan unman may katapusan ti manga tawu nu magpaniwala sa kanya;

Hibriyu 9:12

Kas-a lang gid pag nagsaka si Kiristu ati sa Pinakabanal pag Sulud-sulud, udyi kailangan ulitun. Sa kay nagsaka may dara diman siya dugu hampay siya makaatubang sa Diyus, dapat balaw dugu kambing, balaw diman dugu ibun baka nu unman kay ngap sadili pag dugu. Nakan unman may katapusan kay kinamhan ati pag karibrihan sa kanta manga kasalanan.

Hibriyu 9:15

Sa kay pagkamatay linukat ni Kiristu ti manga tawu ginan sa manga kasalanan kanda binwat sa kanda di waya sakup sa un-an pag taratu. Nakan si Kiristu ngani tigpamahala sa bag-u pag taratu hampay ti manga pinili Diyus makatanggap sa kay itinaratu pag papalad unman may katapusan.

Ipinakakit 20:11

Bag-u nakitan niku ti laun pag malagti pag tukawan hari hanggan ti matukawan siti. Naparaw sa kay atubangan ti daga hanggan langit, udyi maan nakitan uman.