Isayas 51:5 - Hanunuu

⁵ Arani yi niku kamu pakan-an panalu. Udyi dumugay, iribri yi niku kamu. Aku ti mandumara sa manga nasyun. Ti manga sa ararayu pag rugar mag-alagad sa kangku, maghingabut sa kang kamaskihan.

Isayas 51:5 Iomraidhean Croise

Kanta 110:6

Parusahan niya ti manga nasyun, mayamu kay panmatyun. Parusahan niya ti manga takinan sa buu kalibutan.

Kanta 67:4

Mana manbarayaan ag mangarantahan sa kabayaan ti tanan tawu sa kalibutan dahil matadlung kanmu paghatul sa kanda ag paggiyahan nimu sida.

Kanta 85:9

Tutuu gid iribri niya ti manga maggalang sa kanya, hampay ipakakit kay kamaskihan pumirmaminti sa kanta daga.

Kanta 96:13

sa atubangan Panginuun. Dahil pihu yi rumas-ug siya agud intindihun ti manga tawu sa kalibutan. Intindihun niya sida may katadlungan ag angay sa kay katutuuhanan.

Kanta 98:9

Pagmasulung sida sa atubangan Panginuun dahil rumas-ug siya agud sintinsiyahan ti manga tawu sa kalibutan. Sintinsiyahan niya sida may katadlungan, balaw siya may pagkampihan.

Isayas 11:11

Sa ati pag sirang utru gamitun Panginuun kay kamaskihan hampay pauliun ti manga nasawad pag nasakupan niya dinara-bihag sa Asirya, sa Ihiptu, sa Patrus, sa Itiyupya, sa Ilam, sa Babilunya, sa Hamat ag sa iba waya rugar arayu.

Isayas 24:15

Nakan kailangan diman dayawun manga tawu sa butlakan hanggan manga rugar arani sa dagat ti Panginuun, ti Diyus Israil.

Isayas 26:4

Pagsarig kamu pirmi sa Panginuun, dahil siya kanta palalan-iban pag batu hanggan aban.

Isayas 33:2

Panginuun, kaawai duy nimu kami. Pabisuga nimu kami sirang-sirang, ag ribrihan sa udas kakurian.

Isayas 33:22

Buwatun inda Panginuun dahil siya kanta talaghusay, manugbuwat batas, ag hari. Siya ti rumibri sa kanta.

Isayas 40:10

Magras-ug ti Panginuun Diyus makamaskihan ag humari siya may kamaskihan. Magras-ug siya dara ti pirimyu, ti irinibri niya pag nasakupan.

Isayas 42:4

Balaw gid siya manlumuy ngatay maduraan pag-asa hanggan sa unman niya lubus naipalantap ti katadlungan sa buu kalibutan. Una ti manga tawu sa ararayu pag rugar manpatigagad sa kay manga tudlu.”

Isayas 46:13

Balaw yi dumugay, ipakaun niku ti panalu hanggan ti katadlungan sa Hirusalim. Arani yi niku inda iribri; kilalan-un niku ti Israil.

Isayas 49:1

Pagpatingi kamu sa kangku, kamu ti manga mag-uli sa ararayu pag rugar: Udwaya aku ilinusad, pinili yi aku Panginuun hampay manirbi sa kanya.

Isayas 54:17

Unman may una hintay pag armas ti binuwat hampay manalu laban sa kanmu, ag masagut nimu una hintay ti ibangdan laban sa kanmu. Inda ti ipamana niku sa kang manga manugsirbi. Pakan-an niku sida panalu. Aku, ti Panginuun, ti magsabi inda.”

Isayas 56:1

Inda ti pagsabihun Panginuun: “Ugalia niyu ti katadlungan ag ti katuwiran dahil arani yi niku iribri kamu.

Isayas 59:16

Maglingut siya sa kay nakitan dahil unman may una di usa ti mag-awat sa manga pag-apihun. Nakan ngani sa panab-anan niya kamaskihan irinibri niya sida. Dahil matadlung siya, maawatan niya sida.

Isayas 62:11

Pagpatingi kamu! Nagpadara tultulanun ti Panginuun sa buu kalibutan, magkumun, “Sabiha niyu sa tanan taga Israil kanda Manugribri rinmas-ug yi may dara pirimyu, ti irinibri sa pagkabihag!

Isayas 63:5

Naglingut aku dahil nakitan niku unman may nangawat sa kangku una di usa. Nakan aku lang ti nagribri sa kang manga nasakupan sa panab-anan niku kamaskihan. Kang pangagalit imaw ti nagsugu sa kangku hampay parusahan kang manga kalaban.

Huwil 3:12

Magkun ti Panginuun, “Kailangan garyahun ti manga nasyun sa palibut kuntay pag-atag sida sa Karatagan ni Husapat, dahil ati niku sida pag pihuun.

Sipanyas 2:11

Padalaun sida Panginuun dahil papasun niya ti tanan manga diyus-diyusan sa buu kalibutan. Ag sambahun siya manga tawu sa tanan nasyun sa kanda manga banwa.”

Matiyu 28:18

Nagpakarani si Hisus bag-u sinabi niya sa kanda magkun, “Ipinakaun sa kangku ti tanan karampatan sa langit hanggan sa babaw daga.

Matiyu 3:2

“Iampu yi niyu kanyu kasalanan, dahil udyi dugay rumas-ug yi ti kaharian langit.”

Markus 16:15

Sinabi ni Hisus sa kanda magkun, “Pag-ati kamu sa tanan rugar sitay sa babaw daga, itudlu niyu ti Mayad pag Barita sa tanan manga tawu.

Lukas 24:47

Ag itudlu sa tanan nasyun, umpisa ginan sa Hirusalim, sa panab-anan niya patawadun Diyus ti manga tawu mag-ampu sa kanda kasalanan.”

Binwat 17:31

May itinaning yi siya kaudasan hampay pihuun ti daut ti mayad. Tunda pag buruwatun kay iinintirga sa kay pinili pag tawu. Kay pinatutuuhanan inda pagka kay binuhi maan tunda pag tawu.”

Ruma 2:16

Angay sa Mayad pag Barita kang pag-itudlu, mangyari gid tunda nu sa kaudasan aban ti manga ilinihim manga tawu sa kanda tagipusuun pihuun Diyus nu daut nu mayad sa panab-anan ni Kiristu Hisus.

2 Kurintu 5:10

Dahil ngani ti kada usa sa kanta umatubang sa kan Kiristu hampay kay suyasidun kita bag-u kay pakan-an kita pirimyu angay sa kanta binwat, ngatay mayad ngatay daut kanta waya sa babaw daga.

Diyuturunumiyu 30:14

Asan sa kanyu inda pag manga bagaw, sa kanyu bibig ag tagipusuun, nakan tupada niyu inda.

1 Samwil 2:10

Rurisun niya ti manga maglapastangan sa kanya. Pakurarugun niya ti langit laban sa kanda. Ti Panginuun ti sumintinsiya sa buu kalibutan. Sa panab-anan niya, bumaliw makapangyarihan ag marapanalu kay pinili pag hari.”