Isayas 51:13 - Hanunuu

¹³ Aku aw magkalimtan yi niyu? Aku ti naglalang sa kanyu? Aku ti nagladlad sa langit hanggan ti nagpauli paratukawan kalibutan. Hayga magkabuhi kamu magkadala sa isug manga mag-api ag magkaibug rumuris sa kanyu? Kanda isug balaw makadaut sa kanyu.

Isayas 51:13 Iomraidhean Croise

Istir 5:14

Magkun sa kanya kay asawa hanggan kay manga kakilala, “Hayga kawu unman magbuwat matarum pag kayu, 50 ka luk-an siku kay abwat. Bag-u aldaw surip, hilingun nimu sa hari kuntay tuhugan siyun si Murdukyu hampay makabaya kawu kaibahan ti hari sa inalistu pag yapun.” Nagustuhan inda ni Haman nakan rargu kay ipinabwat tunda.

Istir 7:10

Nakan binitay ngani nida si Haman ati sa kay ipinabwat matarum pag kayu para mana sa kan Murdukyu. Bag-u nadura ti pangagalit hari.

Hub 37:18

makaawat aw lugud kawu sa Diyus sa pagladlad langit ag paganitun inda ga salamin pag galang?

Hub 9:8

Siya lang ti makabuklad sa langit hanggan ti makapapat-ung sa humbak dagat.

Kanta 104:2

Magkatabunan kawu rayaw ga kanmu rutay ag linadlad nimu ti langit ga turda.

Kanta 106:13

Dapat nalimtan rargu nida kay binwat ag unman sida mag-alagad sa kay patigayun.

Kanta 76:10

Pihu kanmu pangagalit sa manga tawu makapakaun kadayawan sa kanmu; pagpigilan waya nimu ti nasawad nimu pangagalit.

Isayas 10:24

Nakan magkun ti Panginuun Diyus Makamaskihan, “Kamu kang manga nasakupan magpangulian sa Siun, danga kamu magkadala sa manga taga Asirya una pagpakurian nida kamu parihu sa binwat sa kanyu manga taga Ihiptu.

Isayas 14:4

puyaan niyu kaindaay ti hari Babilunya: “Ipinakababa yi ti manug-api pag hari. Natapus yi kay magpamakuri.

Isayas 16:4

Paistara mana niyu kami ti manga taga Muab sa kanyu daga. Baliwahi niyu kami sa manga magkaibug mumatay sa kanmi.” Umapas ti manga mag-api hanggan ti magruris. Ag madura yi ti magpan-api sa daga Israil.

Isayas 17:10

Kinalimtan niyu ti Diyus kanyu Manugribri ag batu palalan-iban. Nakan una magtanum kamu manga mararinu pag kalasi tanum, parihu sa ubas ginan sa iba rugar,

Isayas 40:21

Unman aw niyu alam ngatay unman aw niyu napatingihan? Unman aw may nagbarita sa kanyu nu kabitay linalang ti kalibutan?

Isayas 40:22

Linalang inda Diyus matukawan siya sa kay tukawan hari sa tungud kalibutan. Sa pamantay niya, ti manga tawu sa sirung ga manga liyung lang. Ilinadlad niya ti langit ga limbun rutay, ngatay ga usa ka turda hampay ulianan.

Isayas 42:5

Inda ti pagsabihun Diyus, ti Panginuun naglalang langit ga kay linadlad inda ga rutay. Linalang niya ti kalibutan hanggan ti tanan asan. Siya diman ti magpakaun buhi sa manga tawu ag sa tanan linalang magkabuhi sa kalibutan.

Isayas 43:1

Dapat taynguna inda ti pagsabihun Panginuun ti naglalang sa kanmu, Ungud Israil: “Danga kawu magkadala dahil iribri niku kawu. Tinawag niku kawu sa kanmu ngaran, dahil kangku kawu.

Isayas 44:24

Inda ti pagsabihun Panginuun kanyu Manugribri ti naglalang sa kanyu: Aku ti Panginuun ti naglalang tanan bagay. Aku lang usa ti nagladlad sa langit ag aku diman ti naglalang sa kalibutan.

Isayas 45:12

Aku ti nagbuwat kalibutan hanggan ti tanan magpangulian siyun. Kang manga kamang ti nagbuklad sa langit, aku ti nagsugu sa init, sa bulan hanggan sa manga pamgasan kuntay pagluwang.

Isayas 45:18

Kawu, Panginuun, ti Diyus. Kawu ti naglalang langit hanggan kalibutan. Balaw nimu binuwat ti kalibutan ud may magkabuhi. Binuwat nimu inda hampay ulianan. Magkun kawu, “Aku ti Panginuun, udyi may iba waya.

Isayas 48:13

Aku ti nagpauli paratukawan kalibutan hanggan aku diman ti nagbuklad kalangitan. Nu magsugu aku sa kanda, pagsundun nida.

Isayas 49:26

Ipakaun niku sa manga mag-api sa kanmu kanda sadili bilug, bumaliw ga langu sida sa sadili nida dugu. Bag-u maalaman tanan tawu aku, ti Panginuun, kanmu Manugribri hanggan Manugpalpas, ti Makamaskihan pag Diyus ni Hakub.”

Isayas 54:14

Bumaliw marig-un kawu dahil mamuhi matadlung kanmu manga nasakupan. Malagiw kanmu manga kalaban, nakan unman kawu may kadalaan. Udyi makapakarani sa kanmu ti manga kalaban nimu hampay padalaun kawu.

Isayas 57:11

Magkun ti Panginuun, “Si unu tunda pag diyus-diyusan ti pagkadalaan niyu ag namudil kamu sa kangku? Linimtan niyu aku ag udyi pinansin. Hintay lugud kay dahilan hayga balaw yi niyu aku pag-igalang? Dahil aw sa ud nangingay aku sa dugay pag udas?

Isayas 7:4

Inda kanmu sabihun sa kanya, ‘Pag-alistu kawu! Pagmaariwaya kawu ag danga magkadala. Danga kawu magkakulbaan sa masyadu pag pangagalit nida ni Hari Risin taga Aram ag ni Hari Pika kay anak ni Rimalya. Inda pag duwa ga tuud kayu mag-anus dapat unman may apuy.

Isayas 9:4

Dahil palpasan nimu sida sa manga nangapi sa kanda. Miparihu sida sa manga hayup kanmu binari kay pas-an pas-an singkaw hanggan ti pag-ibakul sa kanda pag pamakul. Buwatun duy nimu sa kanda ti binwat nimu kaybi pagka tinalu nimu ti Midyan.

Hirimyas 2:32

“Malimtan aw usa ka daraga kay manga ugsung aw ngatay ti rutay niya pankasal? Dapat kamu kang manga nasakupan, dugay yi niyu aku kinalimtan.

Hirimyas 38:19

Magkun si Hari Sidikyas, “Magkadala aku sa manga Hudiyu magpakampi sa manga taga Babilunya, barang ipakaun aku manga taga Babilunya sa kanda ag sakitun nida aku.”

Hirimyas 41:18

Magkadala sida sa manga taga Babilunya dahil minatay ni Ismail si Gidalyas ti pinili hari Babilunya bilang gubirnadur sa buu daga Huda.

Hirimyas 51:15

Linalang Diyus ti langit ag ti kalibutan sa panab-anan kamaskihan ag kadunungan niya.

Hirimyas 51:19

Dapat ti Diyus ni Hakub balaw parihu sa manga katida. Siya ti naglalang sa tanan bagay hanggan yi ti Israil, ti manga tawu kay pinili niya — Panginuun Makamaskihan kay ngaran niya.

Danyil 3:15

Taynguna pagbilinan niku kamu pagsamba sa tinawu-tawu nu masaydan niyu ti tunug manga pamatunug. Dahil nu unman, iyamut kamu sa maglabdaban pag pugun. Bantayan nita nu may diyus manribri sa kanyu ginan sa kang kamang.”

Danyil 3:18

Dapat nu unman gid waydi niya kami iribri, gustu nimi maalaman nimu, balaw gid kami mansirbi sa kanmu manga diyus ngatay mansamba sa kanmu ipinatindug pag tinawu-tawu gintu.”

Danyil 3:19

Dahil sa kanda sagut, nag-amat di kay pangagalit hari sa kanda, ag makitan inda sa kay uyahun. Nakan nagsugu siya kuntay painita waya gid ti pugun makapitu ka bisis.

Binwat 12:23

Susun yi pinarusahan siya anghil Panginuun dahil unman sinabi niya sa manga tawu siya tawu lang, balaw Diyus. Sinapatan dapu siya bag-u namatay.

1 Kurintu 1:20

Naan yi nguna ti madunung, naan ti manga manugtudlu Kasuguan? Naan ti marahusay magdibati sitay sa kalibutan? Unman aw binwat Diyus unman may kabuluhan ti kadunungan taga kalibutan?

1 Kurintu 15:55

“Kamatayan, naan tag yi kanmu panalu? Kamatayan, naan tag yi kanmu kapangyarihan magpakuri?”

Diyuturunumiyu 32:18

Linimtan nida ti Diyus ti palalan-iban nida pag batu imaw ti naglalang sa kanda.

Diyuturunumiyu 6:12

pihua niyu unman niyu malimtan ti Panginuun, ti nagpalwas sa kanyu sa Ihiptu nu naan kamu binwat panawuhun.

Diyuturunumiyu 8:11

“Dahani gid niyu balaw malimtan ti Panginuun niyu Diyus ag danga niyu paglabaga kay manga sugu hanggan surundanun ti pag-ipakaun niku sa kanyu taynguna.

Hibriyu 11:15

Ag tutuu nu abi kanda naala-ala ati pag daga kanda inighitan, may imaw mana sida rugar hampay bumalik atag.

Ipinakakit 19:20

Nabihag ti hayup malangas, nabihag diman waydi ti pudilun pag purupita imaw ti manugbuwat makadululaw pag tanda sa atubangan hayup malangas. Tunda ngani pag manga tanda makadululaw ti ginamit niya pandaya sa manga tawu nakatanggap marka hayup malangas, sa manga magsamba sa kay tawu-tawu. Ti hayup malangas ag ti pudilun pag purupita iyinmut buhi tag sa maglabdab danaw apuy asupri.

Ipinakakit 20:9

Nangalat sida sa bilug kalibutan bag-u pinalibutan nida ti kampu manga tawu napasakup sa Diyus hanggan ti pagmahalun niya pag banwa. Dapat linmuwang ginan sa langit ti apuy bag-u naayum yi sida.