Isayas 51:1 - Hanunuu

^1-2 Magkun ti Panginuun, “Pagpatingi kamu sa kangku, kamu ti manga magkaibug maribri hanggan ti manhagad awat sa kangku. Alalahana niyu sida ni Abraham ni Sara kanyu manga ginurang. Parihu sida sa batu nagpikahan ngatay nagkalihan sa kanyu. Kaybi tinawagan niku si Abraham, usa-usa siya, dapat pinapaladan niku siya ag pinakan-an mayamu pag linahi.

Isayas 51:1 Iomraidhean Croise

2 Krunika 15:2

Napasampak siya kan Asa ag magkun, “Patingihi niyu aku Hari Asa, hanggan kamu tanan pag taga Huda ag taga Binhamin. Pumirmaminti ti Panginuun sa kanyu habang pirmaminti kamu sa kanya. Nu mandangup kamu sa kanya, awatan niya kamu. Dapat nu patlikudan niyu siya, patlikudan waydi niya kamu.

2 Krunika 15:4

Dapat sa kanda kakurian, nagdangup sida sa Panginuun, ti Diyus Israil, ag inawatan niya sida.

Kanta 24:6

Tunda pag kalasi tawu ti makapakarani ag magsamba sa Diyus ni Hakub.

Kanta 94:15

Pihu mangyari maan ti matadlung pag pagsintinsiya, ag sundun inda tanan tawu magpangabuhi matadlung.

Kabagawan 15:9

Pagkadat-an Panginuun ti magbuwat daut, dapat pagmahalun niya ti magkaibug bumuwat matadlung.

Kabagawan 21:21

Ti magpangabuhi sa katadlungan hanggan sa kaayadan lumawig kay buhi ag umabunda, ag parangalan siya manga tawu.

Isayas 45:19

Balaw aku nagbagaw sa lipudan, sa unman may nakaalam. Balaw niku sinabi sa manga linahi ni Hakub kuntay pagpakarani sida sa kangku, unman diman waydi sida may matanggap sa kangku. Aku, ti Panginuun, magbagaw tutuuhanan. Pagsabihun niku nu hintay ti tama.”

Isayas 48:1

“Pagpatingi kamu, manga linahi ni Hakub, pag-ingarnan Israil, ginan sa sinulput ni Huda. Magsumpa kamu sa ngaran Yawi, ti Panginuun, bag-u magtawag sa Diyus Israil. Dapat magpabalhinguun lang maaw, dahil balaw diman matadlung kanyu pangabuhi.

Isayas 48:12

“Pagpatingi kamu sa kangku, kamu pag manga taga Israil kang ipinasaman. Aku ti Diyus; aku ti gimpuunan ag ti katapusan tanan.

Isayas 51:4

“Manga nasakupan niku, pagpatingi kamu sa kangku. Patingihi niyu aku, nasyun niku! Ipakaun niku kang kasuguan ag sumirbi inda sulu sa manga nasyun.

Isayas 51:7

Pagpatingi kamu sa kangku, kamu ti manga may alam nu hintay ti kang-ud ag magsunud sa kang kasuguan! Danga kamu magkadala sa manga magpakay-a ag magpuya pag manga tawu sa kanyu.

Isayas 55:6

Pagpakarani yi kamu sa Panginuun ag pagtawag sa kanya habang asan di waya siya hampay awatan kamu.

Isayas 65:10

Papaladan niku sida ti manga magpakarani sa kangku. Ti manga karatagan Sarun hanggan Akur buwatun paraharaban nida manga hayup.

Amus 5:6

Pagdangup kamu sa kangku, kamu pag lahi ni Husi, agud mabuhi kamu. Dahil nu unman, girahun niku kamu ga apuy. Nakan maruris ti Bitil ag unman may makaampara inda.

Sipanyas 2:3

Kamu waydi pag manga mapinakumbabaun ag masurundun sa manga sugu Panginuun, pagpakarani kamu sa kanya. Pagparargu kamu sa pagbuwat matadlung ag pagpakumbaba kamu. Barang abi alagaan kamu Panginuun sa sirang ibuhus niya kay pangagalit.”

Matiyu 5:6

Papaladan Diyus ti tawu nu ga magkalun-us ag magkauwaw kay magpatigagad makatupad sa kagustuhan Diyus, dahil ipakaun sa kanda ti kanda paggagadun.

Matiyu 6:33

Dapat una sa tanan hugudan niyu hampay kamu harian Diyus ag hampay mag-ugali angay sa kay kagustuhan bag-u ipakaun niya sa kanyu ti tanan niyu pangangailangan.

Ruma 10:3

Dahil unman naintindihan nida kay paraan Diyus hampay kay pagkilalan-un niya ti manga tawu kuntay manga matadlung. Unman nida sinunud ti paraan Diyus. Bagkus ngap nanipag sida sa kanda sadili paraan hampay pagkilalan-un sida Diyus kuntay manga matadlung.

Ruma 14:19

Nakan hingabtun gid nita buwatun ti manga bagay makaparig-un sa kada usa.

Pilipus 3:13

Manga patar-ari, unman pag-isipun niku kuntay aku nakaaput yi sa turunu. Dapat ay usa lang ka bagay kang pagbuwatun, balaw yi pag-isipun niku ti manga nalawyan yi. Lalu pagtuyuun niku ti turunu sa kang paratabgan.

1 Timutiyu 6:11

Dapat kawu duy ti suruguun Diyus, pag-iwas kawu sa tunda pag manga bagay. Isipa gid nimu, pagkaayad kanmu ugali sa magpakatadlung, sa pagpasakup sa Diyus, sa pagsarig, sa pagmahal, sa pagtiis hanggan sa maalumanay.

2 Timutiyu 2:22

Nakan iwasi yi nimu ti hilig sa daut buwat manga kalay-awan. Hingabtun nimu mangabuhi matadlung, matinupadun hanggan mapinasunaidun. Pag-ugali kawu sa mahusay kaibahan manga tawu malumpiyu kay tagipusuun sa kanda magdangup sa Panginuun.

Hibriyu 12:14

Tupadun niyu ti kahusayan sa tanan tawu ag pag-ugali kamu sa unman may kasalanan. Ti tawu nu unman mag-ugali sa lubus marapasakup sa Diyus dayu siya kumakit sa Panginuun.