Isayas 50:2 - Hanunuu

² Hayga balaw niyu aku binati katpung sa kang pagras-ug? Hayga balaw kamu nagsagut katpung pagtawagan niku kamu? Balaw aw lugud niku kamu kaya iribri? Kaya ngani niku pak-atun ti dagat sa usa lang ka bagaw. Kaya diman niku buwatun tigangan ti sapa hampay mamatay ti manga isda.

Isayas 50:2 Iomraidhean Croise

Gimpuunan 18:14

May bagay aw lugud balaw mabuwat Panginuun? Parihu sa kang sinabi, bumalik aku sitaay sa sunud pag timpu sa ga kainda diman pag udas, ag si Sara may imaw yi anak lalaki.”

2 Krunika 32:15

Danga kamu magpaluku sa kan Isikyas. Danga kamu magpaniwala sa kanya, dahil unman may diyus sa una naan pag nasyun ngatay kaharian ti nakaparibri sa kay nasakupan sa kang kamang ngatay sa kamang niku manga ginurang. Ag lalu yi gid kanyu diyus!”

Kanta 106:9

Binilinan Panginuun ti Marara pag Dagat kuntay mak-at, ag nak-at ngani; ag giniyahan niya kay nasakupan sa pagdipay sa dagat ga maglakaw lang sida sa pangawakawaan.

Kanta 107:33

Pagbuwatun Panginuun ti manga sapa ga pangawakawaan, ag pagbuwatun niya ti manga bulbugan mamara pag daga.

Pag-ighit 14:21

Bag-u ihinunat ni Muysis kay kamang sa dagat, ag naayaw ti dagat sa panab-anan mabisug pag durus kay ipinadara Panginuun ginan sa butlakan. Buu yabi naghuyup ti durus tugka sa binmaliw mamara ti panungaan dagat.

Pag-ighit 14:29

Dapat ti manga Israilita linmakaw sa mamara pag daga sa karaw-an dagat, bilang ga alad batu ti danum baliw-baliw habig.

Pag-ighit 7:18

Magkaramatay ti manga isda, bumawu ti sapa, ag balaw mainum manga Ihipsiyu kay danum.’ ”

Pag-ighit 7:21

Nagkaramatay ti manga isda ag namawu ti sapa, nakan unman mainum manga Ihipsiyu kay danum. Nagbaliw dugu ti tanan danum sa Ihiptu.

Kabagawan 1:24

Dahil balaw niyu pinakidnugan kang magtawag sa kanyu kuntay pagpakarani kamu sa kangku,

Isayas 11:15

Pamarahun Panginuun ti Dagat Ihiptu, ag pauypun niya ti mainit pag durus sa Sapa Iyupratis hampay bumaliw wadi pitu ka dariit pag bululusan danum mahimu madipay tawu.

Isayas 19:5

Mak-at ti Sapa Nilu.

Isayas 23:11

Ihinunat Panginuun kay kamang sa dagat, hinalu niya ti manga kaharian. Isinugu niya wayakun ti manga kampu Pinisya.

Isayas 36:20

Naan pag manga diyus inda pag manga nasyun ti nakaparibri sa kanda nasyun laban sa kangku? Nakan kabitay mairibri Panginuun ti Hirusalim sa kang manga kamang?”

Isayas 41:28

Binantayan niku ngatay may diyus-diyusan makapaanyu, dapat unman gid aku may nakitan. Una di usa sa kanda unman gid may nakasagut sa kang manga paingana.

Isayas 42:15

Tumpagun niku ti manga bantud hanggan ti manga tagudtud, ag marubay ti manga tanum. Pamarahun niku ti manga sapa hanggan ti manga lasaan.

Isayas 43:16

Aku ti Panginuun, ti nagbuwat dalan sa karaw-an dagat.

Isayas 44:27

Nu sabihun niku mak-at ti sapa, mak-at gid inda.

Isayas 51:10

Bukun aw kawu diman duy ti nagpak-at dagat, nagbuwat dalan sa kay karaw-an inda hampay makadipay kanmu nasakupan, ti irinibri nimu sa Ihiptu?

Isayas 54:6

“Hirusalim, parihu kawu sa usa ka kalay-awan babayi nangasawa ag magkaruku dahil tinayakan siya niya asawa. Dapat taynguna, pagtawagan kawu niku hampay utru makaibahan.

Isayas 59:1

Pagpatingi kamu! Ti Panginuun balaw malumuy hampay balaw rumibri. Balaw diman bungul siya hampay ud makadnug nu magtawag kamu sa kanya.

Isayas 59:16

Maglingut siya sa kay nakitan dahil unman may una di usa ti mag-awat sa manga pag-apihun. Nakan ngani sa panab-anan niya kamaskihan irinibri niya sida. Dahil matadlung siya, maawatan niya sida.

Isayas 63:13

Naan yi siya ti naggiya sa kanta katpung nagdipay kita sa dagat? Unman ngani kita nidayaan parihu sa manga kabayu maglakaw sa marayaw pag rugar.

Isayas 64:6

Kami tanan nagbaliw ga mauring pag bagay, ag ti tanan nimi mayad buwat bilang ga mauring pag tarapu. Kami tanan nagbaliw ga labung magkalayung, ag parihu sa durus, ipinayag kami nimi kadautan.

Isayas 65:12

Nakan iinalistu niku sa kanyu tanan ti kapaladun mamatay. Dahil pagka nagtawag aku, balaw kamu nagsagut; katpung nagbagaw aku balaw kamu namatingi. Nagbuwat kamu daut sa kang atubangan; nu naan kang pagbugyahan imaw ngap kanyu pagbuwatun.

Isayas 66:4

Bukud waya siyun, padarahan niku sida kaparusahan subra gid nida kadalaan. Dahil katpung aku nagtawag unman sida nagsagut; katpung aku nagbagaw balaw sida namatingi. Nagbuwat sida daut sa kang pamantay ag nu hintay kang pagdayuun, imaw ngap kanda pagbuwatun.”

Hirimyas 14:9

Parihu diman aw duy kawu sa tawu unman may magkabwat ag sundalu unman may kakayahan magribri? Kaibahan nimi kawu, Panginuun, ag kami kanmu nasakupan, nakan danga duy nimu kami pagpabay-ani.”

Hirimyas 35:14

Si Hunadab kay anak ni Rikab nagsugu sa kay manga linahi kuntay balaw sida manginum intus, ag sinunud nida inda. Taynguna tugka, balaw sida mag-inum intus dahil pagsundun nida ti sugu nida ginurang ni Hunadab. Dapat kamu unman magsunud sa kangku, una pira yi ka bisis aku magsabi sa kanyu

Hirimyas 35:15

sa panab-anan manga manugsirbi niku purupita. Pagsabihun nida sa kanyu, ‘Patlikudi yi niyu kanyu manga daut ugali, bag-uhun yi niyu kanyu magpangabuhi, ag danga yi kamu magsamba sa manga diyus-diyusan, hampay parargu kamu mangulian sa iinayaw niku pag daga sa kanyu ag sa kanyu manga ginurang.’ Dapat unman kamu nagpasnu ngatay nagsunud sa kangku.

Hirimyas 5:1

Magkun ti Panginuun, “Manga taga Hirusalim, pag-atag kamu sa kanyu manga baklayan! Bantayi niyu kanyu manga buruybuyahan! Nu may mag-akitan kamu matadlung hanggan matinupadun, balaw niku wayakun ti banwa.

Hirimyas 7:13

Habang pagbuwatun niyu ti daut pag manga bagay, paulit-ulit niku kamu pinaandaman, dapat unman kamu namatingi. Pagtawagan niku kamu, dapat ay unman kamu magsagut.

Hirimyas 7:27

Hirimyas, nu sabihun nimu sa kanda inda tanan, balaw mamatingi sida sa kanmu. Nu tawagun nimu sida, balaw sida mansagut.

Hirimyas 8:6

Pinatingihan niku mayad ti manga binagaw niyu, pat-ay balaw tutuu kanyu sinabi. Una si unu sa kanyu unman gid may nag-ampu sa kanyu kadautan. Unman may nagsabi kuntay, ‘Hintay lugud ti binuwat niku?’ Bagkus ngap, ti kada usa sa kanyu maliksi sa magbuwat kasalanan ga kabayu magpalagiw tag sa girahan.

Danyil 3:15

Taynguna pagbilinan niku kamu pagsamba sa tinawu-tawu nu masaydan niyu ti tunug manga pamatunug. Dahil nu unman, iyamut kamu sa maglabdaban pag pugun. Bantayan nita nu may diyus manribri sa kanyu ginan sa kang kamang.”

Danyil 3:29

Nakan pag-isugu niku una si unu pag tawu una naan pag nasyun hanggan linahi, ngatay pamagaw ti mamagaw daut laban sa Diyus nida ni Sadrak, ni Misak, ag ni Abidnigu pamuldun kay bilug ag dautun kay manga balay. Dahil unman gid may iba diyus manribri parihu ga kanda Diyus.”

Danyil 6:20

Pagkaras-ug niya ati, maruku siya nagtawag, “Danyil, suruguun buhi pag Diyus, irinibri aw kawu sa manga liyun nimu pirmi pagsirbihan pag Diyus?”

Danyil 6:27

Magribri siya ag magbuwat makadululaw ag lilingutan pag manga tanda sa langit hanggan sitay sa babaw daga. Irinibri niya si Danyil sa manga liyun.”

Husyas 11:2

Dapat taynguna, una sigi kang tawag sa kanda pag manga taga Israil, lalu di gid sida magpakarayu sa kangku. Magsagda sida ag magtuub manga kamangyan sa manga diyus-diyusan Baal.

Husyas 11:7

Sida kang nasakupan nagpasya yi pumakarayu sa kangku. Nakan una waya manawag sida tanan sa kangku, balaw niku awatan.

Nahum 1:4

Sa kay lang bagaw magkak-at ti manga dagat una ti manga sapa, ag magkarubay ti manga pananum sa Basan, hanggan sa Bantud Karmilu ag sa Libanun.

Habakuk 3:8

“Panginuun, parihu kawu sa sundalu masakyan sa kalisa magpakaun panalu sa labanan. Nakaalistu yi kawu pumana. Dapat si unu lugud kanmu pagkagalitan? Ti manga sapa aw ag ti manga dagat? Pinagini nimu ti daga ag nagbulus siyun ti danum.

Bilang 11:23

Magkun ti Panginuun sa kan Muysis, “May hangganan aw lugud kang kamaskihan? Makitan nimu taynguna nu mangyari kang pagsabihun ngatay unman.”

Markus 4:39

Nagbangun si Hisus, tinamyaw niya ti bagyu ag sinabi niya sa danaw magkun, “Paghubung yi, danga yi magpaywas pag danum.” Naghubung yi ngani ti untug, ag kinmalma ti danaw.

Huwan 1:11

Nagsitay siya sa kay sadili daga, dapat kay manga kasimanwa unman nagtanggap sa kanya.

Huwan 3:19

Parusahan sida dahil nagsitay sa kalibutan ti katutuuhanan ga karayawan ginan sa Diyus. Dapat pinalabi waya manga tawu ti kadudulman sa karayawan, dahil daut kanda manga buwat.

Huswi 3:16

rargu inmapas ti bulus danum. Nagpat-ung ti danum sa usa ka rugar pag-ingarnan Adam — usa ka banwa arani sa Saritan. Unman may danum magbulus atabug sa Dagat Namatay, nakan nakadipay ti manga tawu sa rugar arani sa Hiriku.