Isayas 50:10 - Hanunuu

¹⁰ Si unu sa kanyu ti may dala sa Panginuun ag magsunud sa pag-itudlu niya manugsirbi? Kailangan pagpaniwala siya sa Panginuun Diyus una sa dalan madulum unman may rayaw.

Isayas 50:10 Iomraidhean Croise

Huwan 12:46

Nagsitay aku ga sulu sa kalibutan hampay una hintay pag tawu nu sumarig sa kangku, balaw yi siya sa kadudulman.

Huwan 8:12

Nagbagaw maan si Hisus sa manga Parisiyu magkun, “Aku ti sulu sa kalibutan. Nu ti tawu magpasakup sa kangku, sa kanya yi ti karayawan tigpakaun buhi ag balaw yi siya lumakaw sa madlum.”

Kanta 23:4

Una waya maglakaw aku sa kadudulman, balaw aku magkadala, dahil kaibahan niku kawu. Kanmu pamakul mag-alaga sa kangku; ag kanmu sugkud maggiya ag magpabisug sa kangku.

Hibriyu 5:9

Natupad yi niya ti buu kagustuhan Diyus. Nakan ginan sa kanya pag makatanggap karibrihan unman may katapusan ti manga tawu nu magpaniwala sa kanya;

Isayas 9:2

Ti manga tawu sa kadudulman makakit masyadu gid pagkarayawan, ag marayawan ti may manga kakurian.

Kanta 25:14

Panginuun, arani kawu sa manga tawu maggalang sa kanmu ag pag-ipaalaala nimu sa kanda kanmu kasunduan.

1 Pidru 5:7

Intirgahan niyu sa Diyus ti tanan kakurian niyu, dahil siya madunung mag-alaga sa kanyu.

Kanta 42:11

Hayga lugud magkaruku ag magkataranta gid aku? Dapat magsarig aku sa kanmu ag dayawun maan niku kawu, kawu kang Diyus ag manugribri.

Kanta 28:7

Kawu ti magpakaun sa kangku kabisugan ag mag-alaga sa kangku ga panangga. Magsarig aku sa kanmu ag pag-awatan nimu aku. Nakan makabaya gid aku ag manganta pasalamat sa kanmu.

Malakyas 3:16

Bag-u ti manga maggalang sa Panginuun nanharampangan. Namatingi sa kanda ti Panginuun ag nasaydan niya kanda paghampangan. Isinurat kanda manga ngaran sa ribru ati sa atubangan Panginuun, hampay maalaala niya sida maggalang maaw ag mag-alaala pirmi sa kanya.

Isayas 53:11

Nu makitan niya kay burak niya kakurian, makabaya siya. Magkun ti Panginuun, “Sa panab-anan kadunungan niku matadlung pag manugsirbi, mayamu ti kilalan-un niya matadlung, mangagwanta siya para sa kanda manga kasalanan.

Isayas 50:4

Tinudluan aku Panginuun Diyus nu hintay ti sabihun niku hampay maparig-un ti manga maglumuy. Pagpulawun niya aku kada surip hampay patingihan ti manga pag-itudlu niya sa kangku.

Kanta 25:12

Panginuun, ti manga maggalang sa kanmu, tudluan nimu dalan dapat nida lakawan.

Hub 29:3

katpung pagrayawan waya niya kang dalan habang maglakaw aku sa madlum.

Kanta 128:1

Mapalad kamu pag manga maggalang sa Panginuun, magkabuhi sa kay manga sugu.

Kanta 111:10

Nu ti usa ka tawu magkaibug sa kadunungan, kailangan maggalang siya sa Panginuun. Ti tanan magsunud sa kay manga sugu may kang-ud pag pan-intindi. Pagdayawun siya sa unman may katapusan.

Kanta 62:8

Kamu pag manga nasakupan Diyus, pagsarig kamu sa kanya sa tanan pag udas! Tultulan sa kanya ti tanan niyu kaaburiduhan dahil siya ti mag-alaga sa kanta.

Kanta 145:21

Dayawun niku kawu, Panginuun. Ti tanan may buhi dumayaw sa kanmu hanggan aban.

2 Krunika 20:20

Pagka nasurip, nag-atag yi sida ni Husapat sa pangawakawaan Tikuwa. Habang maglakaw sida, pinmat-ung si Husapat ag magkun, “Patingihi niyu aku, kamu pag taga Huda ag taga Hirusalim! Pagpaniwala kamu sa Panginuun niyu Diyus, ag bumaliw marig-un kamu. Pagsarig kamu sa kay manga purupita, ag bumaliw marig-un kamu. Pagpaniwala kamu sa kay purupita, ag manalu kamu.”

Isayas 42:1

Magkun ti Panginuun, “Inda kang pag pabisugun pag manugsirbi. Pinili niku siya ag magbaya aku sa kanya. Asan sa kanya kang Ispiritu, ilantag niya ti katadlungan sa manga nasyun.

Manugtudlu 12:13

Taynguna nabasa nimu inda tanan, inda kang uryan patigayun: Paggalang kawu sa Diyus ag sunda kay manga sugu, dahil imaw inda ti katungkulan kada tawu.

Hub 13:15

Pihu matyun aku Diyus; unman yi aku may iba pagsarig. Dapat apinan di niku kang sadili sa kay atubangan.

2 Krunika 20:12

Diyus nimi, unman aw nimu sida parusahan? Dahil unman kami may kaya umatubang sa pagkayamu sundalu maggira sa kanmi. Unman nimi alam nu unu ti kanmi buwatun, dapat magsarig kami sa kanmu.”

1 Krunika 5:20

Naghagad sida awat sa Diyus pagka nanlaban sida, ag sinagut Diyus kanda darangin dahil nagsarig sida sa kanya. Nakan ipinanalu sida Diyus sa manga Hagriyu hanggan sa tanan kakampi nida.

1 Samwil 30:6

Nag-amat di gid ti kakurian ni Dabid dahil magkadaut sa kanya kay manga tawuhan dahil sa pagkabihag nida manga anak, ag naggayak sida bumintuk sa kanya. Dapat pinabaskug siya Panginuun niya Diyus.

Isayas 59:9

Nakan ngani udwaya pagparusahan Diyus kanta manga kalaban, ag udwaya nita magkatanggap ti panalu hanggan ti katadlungan. Nag-alagad kita rayaw, dapat dulum ti rinmas-ug. Nakan ngani sa madlum kita pag maglakaw.

Karukuan 3:2

Tinabug niya aku pakarayu ag pinalakaw sa dulum balaw sa marayaw.

Ipisu 5:8

Kaybi kamu sakup sa kadudulman, dapat taynguna kamu sakup yi sa marayaw dahil sa kanyu pakiusa sa Panginuun. Nakan ngani pag-ugali kamu parihu sa manga tawu sakup yi sa marayaw.

Isayas 10:20

Rumas-ug ti sirang ti manga nasawad Israilita linahi ni Hakub unman yi mansarig sa Asirya, imaw ti nagpakuri sa kanda. Sumarig yi sida sa Panginuun, ti Banal pag Diyus Israil. Bumalik nalub-anan sida sa Makamaskihan pag Diyus.

Isayas 12:2

Kawu pag Diyus kang Manugribri. Manarig aku sa kanmu ag balaw yi madala. Kawu, Panginuun, ti magpakaun kabisugan sa kangku, kawu kang karantahun. Kawu ngani ti nagribri sa kangku.”

Isayas 26:9

Buu tagipusuun kawu paghanap-hanapun nu yabi. Nu sintinsiyahan nimu ti manga tawu sa kalibutan, dumunung sida mangabuhi matadlung.

Danyil 3:28

Nakan magkun ti hari, “Dayawun ti Diyus nida ni Sadrak, ni Misak, ag ni Abidnigu. Ipinadara niya kay anghil hampay iribri kay manga suruguun magsarig sa kanya. Malu sida unman nagsunud sa kang sugu, pinalabi waya nida ti iyamut sa apuy kaysa mansamba sa una hintay pag diyus purya sa kanda Diyus.

Sipanyas 3:12

Dapat may sawadan aku sa Hirusalim manga tawu pugri ag makuri. Manhagad sida awat sa kangku.

Hagay 1:12

Sinunud ngani nida ni Surubabil, ni Huswi, hanggan tanan Israilita nakabalik sa Israil ginan sa pagkabihag sa Babilunya ti sinabi Panginuun nida Diyus sa panab-anan ni Purupita Hagay kay suruguun. Sa panab-anan inda, ipinakakit nida kanda maggalang sa Panginuun.

2 Samwil 22:29

Panginuun, kawu kang rayaw. Sa kadudulman, kawu kang sulu.

Isayas 8:17

Magpaniwala aku sa Panginuun una waya pinatlikudan niya ti linahi ni Hakub. Sa kanya di aku pag magsarig.

Nahum 1:7

Mayad ti Panginuun; marig-un siya pag darangpan sa udas kakurian, ag pag-alagaan niya ti magdangup sa kanya.