Isayas 50:1 - Hanunuu

¹ Magkun ti Panginuun sa kay manga nasakupan, “Ipinurya aw lugud niku ti Hirusalim parihu sa usa ka lalaki nanayak sa kay asawa? Puruybahan niyu! Ipinabihag yi aw niku kamu parihu sa usa ka tawu ipinabili kay manga anak sa kay inutangan hampay buwatun suruguun bayad sa kay utang? Unman gid! Ipinabili kamu dahil sa kanyu kasalanan. Dinayu ti Hirusalim dahil sa kanyu paglapastangan.

Isayas 50:1 Iomraidhean Croise

1 Hari 21:25

(Unman may iba tawu ipinabili kay sadili sa pagbuwat daut sa magbantay Panginuun, parihu sa binwat ni Akab dahil pinaturnan siya ni Hisibil niya asawa.

2 Hari 17:17

Isinagda nida kanda manga anak sa apuy; nagpaingana sida sa manga manugpintu hanggan sa manga pandaniwan, ag ipinahintulut nida kanda sadili sa pagbuwat daut sa magbantay Panginuun, ag ikinagalit inda Panginuun.

2 Hari 4:1

May usa ka buranday babayi kaybi, kay asawa kaibahan sa gurupu manga purupita. Pagka sa usa ka sirang, naghagad siya awat sa kan Ilisyu. Magkun siya, “Namatay yi duy kang asawa, kanmu manugsirbi, ag alam nimu nu kabitay kay maggalang sa Panginuun. Taynguna, ti inutangan niya pag tawu rinmas-ug hampay bul-un kanmi duwa ka anak lalaki hampay buwatun suruguun bilang kabaydanan sa utang.”

Nihimyas 5:5

Una kami hanggan kanmi manga anak kaparihu diman nida manga Hudiyu, kailangan ipabili nimi sa kanda kanmi manga anak hampay may kuwarta kami. Sa tutuu lang, kay iba kanmi manga anak babayi ipinabili yi nimi bilang panawuhun. Unman kami may mabwat dahil kanmi manga tanman hanggan manga ubasan inapu yi iba.”

Istir 7:4

Dahil may itinaratu pirimyu sa manga tawu mumatay sa kanmi. Nu ipinabili kami hampay lang buwatun suruguun, pabay-anan yi lang niku, dahil balaw waydi tunda mahalaga para balagun waya niku kawu.”

Kanta 44:12

Kami kanmu nasakupan ipinabili nimu sa baratu. Ga parihu lang kami sa unman may pulus sa kanmu.

Pag-ighit 21:7

“Nu ipabili usa ka tawu kay anak babayi hampay buwatun panawuhun, unman siya makakalpas sa ikapitu pag timpu parihu sa manga panawuhun lalaki.

Isayas 1:28

Dapat rurisun niya ti manga supakil hanggan ti makasalanan, ag midamhak ti magpatlikud sa Panginuun.

Isayas 27:8

Ipinabihag Panginuun kay manga nasakupan bilang parusa sa kanda. Ipinalid niya sida sa pinakamabisug pag durus ginan sa butlakan.

Isayas 43:27

Nagkasala sa kangku kanmu un-an pag manga ginurang, naglaban sa kangku kanmu manga takinan.

Isayas 46:8

Kamu pag manga manuglaban, tandai niyu inda ag tanuman sa kanyu isip.

Isayas 52:3

Dahil inda ti pagsabihun Panginuun Diyus, “Binihag kamu ga manga tawu ipinabili bilang suruguun unman may bayad, nakan lukatun niku kamu unman diman may bayad. Nag-atag kamu kaybi sa Ihiptu hampay ati pag mangulianan ag inihid kamu ati. Ag kaybi sa uryan binihag diman kamu taga Asirya unman may bayad.

Isayas 54:6

“Hirusalim, parihu kawu sa usa ka kalay-awan babayi nangasawa ag magkaruku dahil tinayakan siya niya asawa. Dapat taynguna, pagtawagan kawu niku hampay utru makaibahan.

Isayas 54:7

Tinayakan kawu niku ngalay, dapat dahil sa daka pag-awa niku sa kanmu utru kawu niku alagaan.

Isayas 58:1

Magkun ti Panginuun, “Paghuyaw kamu ka daka parihu sa budyung! Danga niyu pag-apasi! Sabiha niyu sa kang manga nasakupan manga linahi ni Hakub kanda manga kasalanan hanggan paglabag.

Isayas 64:6

Kami tanan nagbaliw ga mauring pag bagay, ag ti tanan nimi mayad buwat bilang ga mauring pag tarapu. Kami tanan nagbaliw ga labung magkalayung, ag parihu sa durus, ipinayag kami nimi kadautan.

Hirimyas 3:1

“Nu ti usa ka babayi tayakan niya asawa, bag-u inda pag babayi utru maan mangasawa, balaw yi siya kailangan bawiun niya un-an asawa, dahil magpauring gid inda sa kanyu daga. Kamu pag manga taga Israil magkabuhi ga usa ka babayi baraydan. Mayamu kanyu pagmahalun pag manga diyus-diyusan. Una katida, tawagun di maan niku kamu pagbalik sa kangku. Aku, ti Panginuun, ti magsabi inda.

Hirimyas 3:8

Tinayakan niku ti Israil ag tinulak dahil sa magpanguragin, sa panab-anan pagsamba sa manga diyus-diyusan. Dapat madi katida, nakitan niku ti maradaya pag patar-ari ti Huda balaw ngap nadala. Nanguragin diman siya

Hirimyas 4:18

Ti pag-ugaliun ag daut buwat niyu ti nagdara inda pagparusa sa kanyu. Inda ti kaparusahan niyu. Masakit inda! Ag lumapus sa kanyu tagipusuun.”

Husyas 4:5

Kamu ag ti manga purupita midamhak, sirang man ngatay sa yabi. Ag ipadamhak diman niku kanyu ina, imaw ti nasyun Israil.

Libitiku 25:39

Nu nagkuri ti kaparihu niyu Israilita, ag dahil siti ipinabili niya kay sadili sa kanyu bilang suruguun, danga niyu siya pagpatarabahuan parihu sa usa ka hamak lang pag suruguun.

Matiyu 18:25

Pagka siya unman may ibayad, nagbilin kay amu ipabili siya hanggan kay manga asawa, manga anak hanggan ti tanan nida kasiyunan hampay makabayad sa kay utang.

Diyuturunumiyu 32:30

Kabitay lugud mabukad usa ka tawu ti 1,000 Israilita? Kabitay matalu duwa ka tawu ti 10,000 sa kanda? Purya lang nu ipinahintulut sida Panginuun kanda palalan-iban pag batu.