Biblia Todo Logo
Bìoball air-loidhne

- Sanasan -




Isayas 5:30 - Hanunuu

30 Sa udas gumira sida sa Israil, manringgit sida ga hagunung dagat. Ag nu bantayan manga tawu ti daga Israil, kanda makitan kadudulman ag kakurian. Ti karayawan matakluban madamul pag rurum.

Faic an caibideil Dèan lethbhreac




Isayas 5:30
24 Iomraidhean Croise  

Alalahana nimu siya bag-u misalup ti init, bag-u dumulum ti bulan hanggan ti manga pamgasan, bag-u makubkub kawu madamul pag rurum.


Udyi rumayaw ti manga pamgasan. Suminggit ti init dapat madlum diman, hanggan ti bulan unman diman mamakaun rayaw.


Patingihi niyu ti iringayan mayamu tawu sa bantud. Patingihi niyu ti iringayan manga kaharian hanggan nasyun magtiripun. Pagtipunun Panginuun Makamaskihan kay manga sundalu para sa girahan.


Bantayi niyu! Magkagulu ti kayamuan tawu ginan sa manga nasyun. Kanda ingay ga tunug daraka pag humbak.


Inda ti ipinaburayhaw Diyus tungkul sa manga hayup sa Nigib: Binaklay manga taga Huda ti pangawakawaan makuri baklayun nu naan may manga liyun, ag may manga madalit pag ulay ag ti iba ga maglayang. Pag-ikarga nida kanda manga kayamanan sa asnu ag sa manga kamilyu hampay ikaluub sa nasyun unman diman waydi makaawat sa kanda.


Nakan ngani udwaya pagparusahan Diyus kanta manga kalaban, ag udwaya nita magkatanggap ti panalu hanggan ti katadlungan. Nag-alagad kita rayaw, dapat dulum ti rinmas-ug. Nakan ngani sa madlum kita pag maglakaw.


aw ngatay mangusdung sa daga ud may makitan nu ud kakurian ag kadudulman. Ati sida pagdarahun sa masyadu pag kadudulman.


Dayawa niyu ti Panginuun niyu Diyus habang udwaya niya pag-ipadara ti kadudulman, ag habang udwaya kamu mag-italakpa sa madlum pag manga bantud. Ti rayaw pagsarigan niyu buwatun niya pingit pag kadudulman.


Kanda dara armas manga ugyung ag manga bangkaw. Mahigpit sida ag unman may pangaawa. Kanda ingay ga marabaskug pag humbak habang masakyan sida sa kanda manga kabayu. Rumas-ug sida nakaalistu hampay girahun kamu pag manga taga Babilunya.


Kanda dara armas manga pamana ag manga bangkaw. Marahigpit sida ag unman may pangaawa. Kanda ingay ga mabaskug pag humbak habang masakyan sa kanda kabayu. Rumas-ug sida hampay girahun kamu pag manga taga Hirusalim.”


Tinabug niya aku pakarayu ag pinalakaw sa dulum balaw sa marayaw.


Nakan aku, ti Panginuun Diyus, magkun labanan niku ti Tiru. Ipagira niku inda sa mayamu pag manga nasyun ga manga humbak maghuganas.


Magkatandug ti daga hanggan ti langit sa kanda magras-ug. Magdulum ti init hanggan ti bulan, ag magkadura kay rayaw ti manga pamgasan.


Kaawaawa kamu ti magpatigagad sa kasirangan Panginuun. Danga kamu mag-isip kuntay kanyu karibrihan tunda pag sirang, dahil parusahan ngap kamu.


Sa tunda pag sirang parusahan niku kamu, ipasalup niku ti init sa karaw-an sirang, nakan mandulum una sirang waya. Aku, ti Panginuun Diyus, ti magsabi inda.


Sinabi ni Hisus magkun, “Ati katpung aban nu nakalawuy yi tunda pag kakurian, susun dumulum ti init, dayi maninggit ti bulan, mangalagpak ti manga pamgasan ginan sa langit, ti manga bagay sa panungaan langit daga matandug ag magkalabalyuhan sa panungaan langit daga.


Nakitan niku binukasan yi maan Anak Karanidu ti ikan-um pag kula. Bag-u naglinug mabisug, nagdulum yi ti init ga rutay mabiru, nagbaliw ga dugu kay karara ti bulan.


Lean sinn:

Sanasan


Sanasan