Isayas 5:25 - Hanunuu

²⁵ Nakan dahil sa masyadu pag galit Panginuun sa kanyu sa kay nasakupan, parusahan niya kamu. Matandug ti manga bantud ag magkarawayak sa manga baklayan kanyu manga bangkay ga manga paruk. Dapat udwaya gid maparaw kay pangagalit Panginuun. Nakaalistu di siya pumarusa sa kanyu.

Isayas 5:25 Iomraidhean Croise

1 Hari 14:11

Ti magkaramatay sa banwa pag mimru nimu magtal-anakan kan-un manga idu, ag ti magkaramatay sa tanman kan-un manga manuk sa tungud.’ Mangyari gid inda dahil Aku, ti Panginuun, ti magsabi inda.”

1 Hari 16:4

Ti nibilang sa magtal-anakan nimu ti mamatay sa banwa kan-un manga idu, ag ti mamatay sa tanman kan-un manga manuk sa tungud.”

1 Hari 21:24

Ti mamatay sa banwa pag manga kabilang sa magtal-anakan nimu kan-un manga idu, ag ti mamatay sa bantud kan-un manga uwak.”

2 Hari 13:3

Nakan nangisug ti Panginuun sa Israil. Pagka dugay, ipinasakup sida sa kan Hari Hasail taga Aram ag sa kay anak sa kan Bin Hadad.

2 Hari 9:37

Kay bilug magkarawayak ati parihu sa ugat, unman yi may makakilala sa kanya.’ ”

2 Krunika 36:16

Dapat pinuyaan nida ti manga purupita Diyus, kinasarin-an, ag ipinalawuy kanda manga itinultul. Nakan nagalit ti Panginuun sa kanda, ag unman may makaampara sa kanya.

Hub 9:13

Balaw pag-amparahun Diyus kay pangagalit. Una ti manga kaawat daragun kay ngaran si Rahab magyuk-ub sa dala sa kanya.

Kanta 106:40

Nakan nagalit ti Panginuun sa kay pag-apuun pag nasakupan, ag pagkadat-an niya sida.

Kanta 114:7

Magkatandug ti kalibutan sa atubangan Panginuun, ti Diyus ni Hakub,

Kanta 18:7

Bag-u naglinug, hanggan ti manga patakinan manga bantud nahalu, dahil nagalit kawu, Panginuun.

Kanta 68:8

natandug ti daga ag nag-uran dahil nagras-ug kawu, Diyus sa Israil, kawu nagpahayag kanmu sadili sa Sinai.

Kanta 77:18

Nasaydan ti linti sa manga bagyu; ti manga kilat nanrayaw sa kalibutan; ag natandug ti kalibutan.

Kanta 78:38

Dapat una katida, maawaun di ti Diyus sa kanda. Pinatawad niya kanda manga kasalanan ag unman niya sida ipinadamhak. Mayamu bisis niya pinigil kay galit una masyadu yi gid kay pangagalit.

Kanta 83:10

Nagkaramatay sida sa Indur, kanda manga bangkay nagkararunut ag nagbaliw abunu sa daga.

Pag-ighit 7:19

Magkun waya ti Panginuun sa kan Muysis, “Sabiha nimu sa kan Aarun itudlu niya kay sugkud sa danum Ihiptu: sa manga sapa, sa laad, sa kanal, hanggan sa tanan pagtipunan danum, ag bumaliw dugu inda tanan. Katunda ti mangyari sa buu Ihiptu. Una ti manga sa pasuk ngatay sa batu pag danum bumaliw dugu.”

Isayas 10:4

Unman may masawad sa kanyu. Bihagun ngatay matyun kamu, dapat ti pangagalit Panginuun dayu madura. Alistu di gid siya pumarusa sa kanyu.

Isayas 10:6

Suguun niku sida giraha ti nasyun balaw maka-diyus hanggan ti kang pagkagalitan, hampay wayakun ag tatatataan ga lutuk sa baklayan, ag bul-un ti tanan nida kasiyunan.”

Isayas 14:19

Dapat kawu, iyamut kanmu bangkay parihu sa sanga unman may pulus. Balaw kawu ilbung sa kanmu lulubngan, nu unman ilagpak kawu sa mabatu pag ukang bag-u tap-ukan kaibahan manga bangkay manga sundalu namatay sa girahan. Miparihu kawu sa bangkay pagtatatataan manga tawu.

Isayas 23:11

Ihinunat Panginuun kay kamang sa dagat, hinalu niya ti manga kaharian. Isinugu niya wayakun ti manga kampu Pinisya.

Isayas 25:11

Paghingabtun nida makaribri sa tunda pag kahamtangan ga usa ka tawu magkipay-kipay sa danum. Dapat una madunung sida maglanguy, italnud diman sida Panginuun. Ipaababa sida dahil sa kanda magpadayaw.

Isayas 29:2

Dapat lusubun niku tunda, ag manlulumian ag manhirinangbitun kay manga nasakupan. Para sa kangku, ti buu banwa bumaliw ga harandugan punu dugu.

Isayas 42:25

Nakan ngani, ipinasamit Panginuun ti masyadu niya pag pangagalit sa kanta sa panab-anan pagpakuri sa kanta sa girahan. Kay pangagalit parihu sa apuy nagsangput, mag-irub sa kanta, dapat balaw nita inda pinansin aw ngatay inisip.

Isayas 51:20

Magpanlulubay sida ag mag-iribugtang sa manga baklayan. Parihu sida sa karasyaw nasduk sa lambat. Nakalakaw sida masyadu pag pangagalit Panginuun; sinungyaw sida Diyus.

Isayas 64:3

Katpung nagdugsun kawu ag nagbuwat manga makadululaw pag manga bagay balaw nimi pagsarigan, natandug ti manga bantud sa atubangan nimu.

Isayas 66:15

Pagpatingi kamu! Rumas-ug ti Panginuun may dara apuy. Sumakay siya sa kay kalisa pan-gira parihu sa buhawi. Ipakakit niya kay galit sa kay manga kalaban, ag parusahan niya sida maglabdaban pag apuy.

Isayas 66:24

Sa pagluwas manga nagsamba sa kangku sa Hirusalim, makitan nida ti manga bangkay manga tawu naglaban sa kangku. Ti magkaun sa kanda pag manga sapat balaw magkamatay hanggan ti sumunug pag apuy sa kanda ud magkapsa. Ag kurim-udan sida tanan tawu.”

Isayas 9:11

Nakan ipagira sida Panginuun sa manga taga Asirya imaw ti kalaban ni Hari Risin.

Isayas 9:16

Ti manga magtakinan sa nasakupan Israil ti manga manugdaya sa kanda, nakan magtalang ti manga nasakupan.

Isayas 9:17

Nakan balaw magbaya ti Panginuun sa manga kalay-awan nida lalaki, ag balaw niya pagkaawaan ti manga ilu ag manga buranday nida. Dahil daut ti tanan ag balaw maka-diyus; makakaray-a ti tanan pagsabihun nida. Nakan balaw gid madura ti pangagalit Panginuun, alistu di gid siya pumarusa sa kanda.

Isayas 9:20

Una hintay pag karan-unun kanda makitan, bul-un di nida ag kan-un, dapat balaw diman sida mabsug. Nakan kan-un yi nida una kanda manga anak.

Isayas 9:21

Mangarawayan ti Manasis ag ti Ipraim, ag girahun nida duwa ti Huda. Dapat ti pangagalit Panginuun balaw gid madura, alistu di gid siya pumarusa sa kanda.

Hirimyas 15:3

Aku, ti Panginuun, magkun ipadara niku sa kanda ti upat ka kalasi manugpapas: Magkaramatay sida sa girahan, guyudun manga idu kanda manga bangkay, tindukun sida manga manuk ag ti magkasawad pag manga bangkay nida hirutun maraisug pag hayup.

Hirimyas 16:4

Magkaramatay sida sa mahigpit pag sakit. Unman may manhimanglaw ngatay may manlubung sa kanda manga bangkay. Mangalat kanda manga bangkay sa babaw daga ga manga ugat. May manga magkaramatay sa girahan ag lun-us, kanda manga bangkay kan-un manga manuk ag manga maraisug hayup.”

Hirimyas 17:4

Madura sa kanyu kang ipinakaun pag daga. Buwatun niku kamu suruguun niyu manga kalaban ati sa balaw niyu alam pag rugar, dahil ginalit niyu aku parihu sa maglabdaban apuy balaw magkapsa hanggan aban.”

Hirimyas 4:24

Nakitan niku ti manga bantud hanggan ti manga tagudtud pagtandugun.

Hirimyas 4:8

Nakan isulung yi niyu ti rutay panhimanglaw bag-u paglumi dahil masyadu waya ti isug Panginuun sa kanta.

Hirimyas 6:12

Ipakaun sa iba kanda manga balay, hanggan ti manga tanman ag kanda manga asawa. Mangyari inda nu naparusahan yi niku ti manga mag-uli sa inda pag daga. Aku, ti Panginuun, ti magsabi inda.

Hirimyas 8:2

Bag-u wayakun inda sa daga mabuladan sa init, sa rayaw bulan, ag manga pamgasan kanda pagmahalun, sinirbihan, sinunud, pinaingan-an, ag sinamba. Udyi utru tipunun ti manga but-ul nida una ilubung, nu unman wayakun yi lang sa daga ga ugat.

Hirimyas 9:22

Bag-u magkun ti Panginuun, “Mawayak ti manga bangkay ga manga paruk sa tanman, ga manga butir natayakan manga manug-ani, udyi may mamunpun tunda.”

Karukuan 5:22

Masyadu yi aw kanmu pangagalit sa kanmi ag ipinurya yi gid nimu kami?

Isikil 15:6

“Kainda, aku, ti Panginuun Diyus, magkun ti manga mag-uli sa Hirusalim parihu sa wakat ubas magtubu kaibahan sa manga kayu sa kabantudan. Dahil unman sida may pulus, sunugun niku sida.

Isikil 30:25

Pabaskugun gid niku ti manga takyay hari Babilunya, dapat ti manga takyay hari Ihiptu bumaliw unman yi may kusug. Nu ipahiyaput yi niku ti baladaw sa hari Babilunya bag-u gamitun niya inda laban sa Ihiptu, maalaman manga taga Ihiptu aku ti Panginuun.

Isikil 6:14

Parusahan niku sida una naan sida pag mangulian, ag buwatun niku mapanglaw kanda daga ginan sa pangawakawaan sa kanaway atabug sa Dibra sa salatan. Bag-u maalaman nida aku ti Panginuun.”

Danyil 9:16

Nakan Panginuun, angay sa kanmu buwat matadlung, magpanuyu aku bul-a yi nimu kanmu pangagalit sa Hirusalim, kanmu banwa ag banal pag bantud. Dahil sa kanmi manga kasalanan hanggan sa kasalanan nimi manga ginurang, pinuyaan kami nimi manga kalibut hanggan ti Hirusalim.

Husyas 14:4

Magkun ti Panginuun, “Paayadun niku kang nasakupan sa kanda pagkamalinabagun, ag buluntad sa kang tagipusuun mahalun niku sida. Dahil nadura yi kang galit sa kanda.

Amus 8:8

Dahil siyun, palinugun niku kanyu daga ag manlulumian kamu. Matandug gid masyadu kanyu daga, parihu sa pag-awas ag paghubas Sapa Nilu sa Ihiptu.

Mikas 1:4

Ti malakawan niya pag manga bantud matunaw ga kandila nid-ut sa apuy. Ti malakawan niya pag manga ratag mangunha-kunha ga linakawan danum binmulus ginan sa madirig pag rugar.

Nahum 1:5

Sa kay atubangan magkahalu ti kalibutan, hanggan ti manga bantud, una ti manga tawu sa kalibutan pagtakigan.

Habakuk 3:10

Ti manga bantud parihu sa manga tawu nangirkirug pagka nakakit sa kanmu. Inmuran mabaskug; magpaywas ti danum sa dagat ag dinmaraka ti manga humbak.

Sipanyas 1:17

Magkun ti Panginuun, “Ipalakaw niku ti kakurian sa manga tawu, ag lumakaw sida parihu sa buta dahil nagkasala sida sa kangku. Bumulus ga danum kanda dugu, ag mabuyuk ga ugat kanda bangkay.

Diyuturunumiyu 31:17

Sa ati pag sirang, mangisug aku sa kanda ag bugyahan niku sida. Patlikudan niku sida bag-u maruris sida. Mayamu pag kadamhakan ag kakurian ti rumas-ug sa kanda, bag-u sa tunda pag udas mamaingana sida, ‘Nagras-ug aw sa kanta inda pag kadamhakan dahil balaw kita pag-ibahan Panginuun?’

Diyuturunumiyu 31:18

Patlikudan gid niku sida sa tunda pag udas dahil sa tanan nida binwat kadautan sa panab-anan pagsamba sa iba pag manga diyus.

1 Tisalunika 2:16

Nakan pilit gid kanda mana pag-amparahun kanmi pagtudlu Mayad pag Barita sa manga balaw Hudiyu sa ikaribri nida. Aput yi ngani sa katugkaan kanda buwat kadautan nakan sa katapusan nangyari ngani sa kanda ti pangagalit Diyus.

Ipinakakit 20:11

Bag-u nakitan niku ti laun pag malagti pag tukawan hari hanggan ti matukawan siti. Naparaw sa kay atubangan ti daga hanggan langit, udyi maan nakitan uman.